លោក សោម ភិ​រុណ នាយ​ខណ្ឌ​រដ្ឋបាល​ជល​ផល ខេត្តកំពង់ឆ្នាំង ចេញមុខ​ដោះលែង​គ្រឿងចក្រ​របស់លោក​អភិបាលរង​ខេត្តកំពង់ឆ្នាំង តាម​បែបផែន​រដ្ឋបាល​ក្រោម​តុរ​

, , Leave a comment

01-6-2015 (2)

01-6-2015 (1)

​ខេត្តកំពង់ឆ្នាំង : ជា​ថ្នូរ​នឹង​ទឹកប្រាក់​ជាង​១៥ លាន​រៀល នេះ​មិនទាន់​រាប់បញ្ចូល​ពី​ទឹកប្រាក់​ក្រោម​តុ គ្រឿងចក្រ​ការដោះលែង​ឈូសឆាយ​ដីព្រៃ​លិច​ត្រូវបាន​ដោះលែង​យ៉ាង​តក់ក្រហល់ ដោយសារតែ​ដី​ដែល​កំពុង​ឈូសឆាយ​ជា​ដី​របស់​អភិបាលរង​ខេត្ត និង​ស្នងការរង នគរបាល​មួយរូប​ជា​អ្នកទទួល​មើល​ការខុសត្រូវ និង​មាន​ប្អូនថ្លៃ​ជា​អ្នក​រត់ការ​។ ករណី​ខាងលើនេះ​បានធ្វើ​ឲ្យ​ប្រជាពលរដ្ឋ​មានការ​រិះគន់​យ៉ាងខ្លាំង ខណៈ​ពួកគាត់​គ្រាន់តែ​ធ្វើការ​ភ្ជួរ​រាស់​កាប់ឆ្ការ បន្តិចបន្តួច ត្រូវបាន​មន្ត្រី​សមត្ថកិច្ច​ចាប់​ឃាត់ ឬ​បន្ត​និតិ​វិធី​ទៅកាន់​សាលាដំបូង​ខេត្តកំពង់ឆ្នាំង​។ ចំណែកឯ​លោក​អភិបាលរង ដែលមាន​អំណាច ជា​អ្នកអនុវត្ត​ច្បាប់ និង​ជា​គម្រូ​ដល់​ប្រជាពលរដ្ឋ​ទូទៅ បែរជា​រួចខ្លួន​ទៅវិញ​។​

 

​ជុំវិញ​ករណី​ខាងលើនេះ​ប្រជាពលរដ្ឋ​បាន​រិះគន់​ចំៗ ដោយសារ​ឥទ្ធិពល​ខ្លួន​ជា​អភិបាលរង​ខេត្ត និង​ដោយមាន​កិច្ចសហការ​យ៉ាង​ស្អិត​ល្មួ​ល​របស់លោក​ស្នងការរង​នគរបាល​ខេត្តកំពង់ឆ្នាំង ការរំលោភ​ឈូសឆាយ​ដីព្រៃ​លិច​ទឹកដី តំបន់​បី​នៅក្រោម​ទំនប់​២០​ឧសភា ជា​ដី​របស់លោក ហ៊ី ណាត និង​ស្នងការរង នគរបាល​ខេត្ត​ម្នាក់ទៀត ដោយ​យកឈ្មោះ​ប្រជាពលរដ្ឋ​មកឈរ​ពាំង ដើម្បី​ធ្វើការ​ឈូសឆាយ និង​ទន្ទ្រាន​កាន់កាប់​ធ្វើ​កម្មសិទ្ធិ​រាប់ពាន់​ហិកតា​។ មន្ត្រី​សមត្ថកិច្ច​មិន​ហ៊ាន​ក្អក​ឡើយ ខណៈ​លោក​អភិបាលរង​ខេត្ត​រូបនេះ គេ​អះអាងថា ជា​សេដ្ឋី​ស្ងាត់ៗ មាន​ដី​រាប់ពាន់​ហិកតា​ប្រវាស់​ឲ្យ​ប្រជាពលរដ្ឋ ឈូសឆាយ ធ្វើស្រែ​ប្រាំង ដើម្បី​បិទបាំង​។​

 

​ជាក់ស្តែង​សមត្ថកិច្ច​ចម្រុះ​បានធ្វើ​ការចាប់​ឃាត់ គ្រឿងចក្រ​ចំនួន​៣​គ្រឿង ដោយសារតែ​ធ្វើ សកម្មភាព​ឈូសឆាយ​ព្រៃ​លិច​ទឹក នៅ​តំបន់​នោះ​ហើយ​ត្រូវ បាន​គេ​ដោះលែង​ទៅវិញ កាលពី​ថ្ងៃទី​២១ ខែឧសភា ឆ្នាំ​២០១៥​។ ការដោះលែង​គ្រឿងចក្រ​ត្រាក់ទ័រ​ទាំង​៣​គ្រឿង​នេះ បង្ក​ឲ្យ​មានកា​រិះគន់ យ៉ាងខ្លាំង​ពី​សំណាក់​មជ្ឈដ្ឋាន​នានា ហើយ​ពួកគេ​និយាយ​ដោយ លើកឡើងថា ការដោះលែង​នេះ ជា​រឿង​មិន​ប្រក្រតី​មួយ ដែល​អាជ្ញាធរខេត្ត និង​រដ្ឋបាល ជលផល គួរតែ​ពិនិត្យមើល​ឡើងវិញ​ផង​។​

 

​គួររម្លឹកថា ជន​អាណា​មិ​កម្នា​ក់បាន​សរសេរ​លិខិត​មួយច្បាប់ ផ្ញើរ​មកកាន់​ប្រអប់​សារ​ដែលជា​ការរិះគន់រ​បស់​ប្រជាពលរដ្ឋ​។ កាលពី​ថ្ងៃទី​១៨ ខែឧសភា ឆ្នាំ​២០១៥ មាន​គ្រឿងចក្រ​ចំនួន​៤​គ្រឿង (​ត្រាក់ទ័រ​) បានធ្វើ​សកម្មភាព​ឈូសឆាយ​ដីព្រៃ​លិច​ទឹក នៅត្រង់ចំណុច ខាងក្រោម​ទំនប់​២០ ឧសភា ក្នុងភូមិ​សាស្ត្រ ឃុំ​មេលំ ស្រុក​បរិបូរណ៍ ជាប់​ព្រំប្រទល់ ឃុំ​ស្វាយជ្រុំ ស្រុក​រលាប្អៀរ​។ ក្រោយពេល​ឃើញ​មាន​គ្រឿងចក្រ ធ្វើ​សកម្មភាព​ឈូសឆាយដី ព្រៃ​លិច​ទឹក យកទៅ​ធ្វើជា​កម្មសិទ្ធិ​នេះ មាន​ប្រជាពលរដ្ឋ​មួយរូប បាន​ទូរស័ព្ទ​រាយការណ៍​ផ្ទាល់​ទៅ​លោក ឈូរ ច័ន្ទ​ឌឿ​ន ដែលជា​អភិបាលខេត្ត​កំពង់ឆ្នាំង ហើយ​ភ្លាមៗ​នោះ លោក​អភិបាលខេត្ត បាន​បញ្ជា​ទៅ​កម្លាំង​រដ្ឋបាល​ជលផល ឲ្យ​ចុះទៅ​ឃាត់​ចាប់​គ្រឿងចក្រ​ទាំងនោះ​។​

 

​ដោយសារតែ​ភាពយឺតយ៉ាវ​របស់​កម្លាំង​រដ្ឋបាល​ជលផល ធ្វើ​ឲ្យ​ម្ចាស់​គ្រឿងចក្រ​ដឹងខ្លួន ហើយ​បាន​បើក​រត់គេច​អស់​មួយគ្រឿង នៅសល់តែ​៣​គ្រឿង ប៉ុណ្ណោះ​ត្រូវ​កម្លាំង រដ្ឋបាល​ជលផល ចាប់​ឃាត់ទុក និង​ធ្វើ​កំណត់ហេតុ​។ ចំពោះ​ដីព្រៃ​លិច​ទឹក ដែល​គ្រឿងចក្រ ធ្វើការ​ឈូសឆាយ​នោះ ជា​ដី​របស់លោក​អភិបាលរង ខេត្តកំពង់ឆ្នាំង​មួយរូប​។ ទើប​កម្លាំង​រដ្ឋបាល ជលផល​ដែល​ចុះទៅ​នោះ ធ្វើ​ទាំង​បង្ខំចិត្ត ដូច​អូស​ឫស្សី​បញ្ច្រាស​ចុង​។ ក្រោយពី​ឃាត់​បាន​មួយ​ដង្ហើម​ចង្រឹត គ្រឿងចក្រ​ទាំង ៣​គ្រឿង​នោះ ត្រូវបាន​គេ​ដោះលែង​ទៅទៀត បង្ក​ឲ្យ​មានការ រិះគន់​យ៉ាងខ្លាំង ពី​សំណាក់​មជ្ឈដ្ឋាន​នានា ដែល​បានដឹង​រឿងនេះ​។​

 

​លោក សោម ភិ​រុណ នាយ​ខណ្ឌ​រដ្ឋបាល​ជល​ផល ខេត្តកំពង់ឆ្នាំង បាន​ឆ្លើយ​ប្រាប់ថា លោក​មិន​បានដឹង ម្ចាស់​ដី​នោះ ជា​អ្នកណា​ឡើយ ប៉ុន្តែ​ការឃាត់​ចាប់​គ្រឿងចក្រ​ទាំងនោះ ដោយសា​តែ​បានធ្វើ​សកម្មភាព ឈូសឆាយ​ដីព្រៃ​លិច​ទឹក គ្មាន​ការអនុញ្ញាត​។ ចំពោះ​ការដោះលែង​ទៅវិញ ក៏​ធ្វើទៅ​តាមច្បាប់​ស្តីពី​ជលផល​ដែរ​។ គឺ​ពិន័យ​អន្តរកាល​ក្នុង​មួយគ្រឿង​ចំនួន​៥​លាន​រៀល យោងទៅតាម​ច្បាប់​ស្តីពី​ជលផល ត្រង់​មាត្រា​៩៦ ចំណុច​៤៕

 01-6-2015 (3) 01-6-2015 (4) 01-6-2015

 

Leave a Reply

(*) Required, Your email will not be published