ព្រោះតែ​ចំណង់តណ្ហា​ឡើង​ពុះកញ្ជ្រោល ទៅ​ចាប់រំលោភ​នាង ហើយ​គំរាម​សម្លាប់​

, , Leave a comment

28-5-2015

​ខេត្តកំពត : បុរស​ល្មោភកាម​ម្នាក់ ត្រូវ​សមត្ថកិច្ច​ចាប់​ឃាត់ខ្លួន បន្ទាប់ពី​មាន​ពាក្យបណ្តឹង​ពី​ឪពុកម្តាយ​របស់​នារីរ​ង​គ្រោះ ប្តឹង​ពីបទ​រំលោភ​រហូតដល់​មាន​ផ្ទៃពោះ​៥​ខែ និង​គំរាម​សម្លាប់​កាលពី​វេលា​ម៉ោង​៨ និង​៣០​នាទី​ព្រឹក​ថ្ងៃទី​២៥ ខែឧសភា ឆ្នាំ​២០១៥ នៅក្នុង​ភូមិ​ដូនតី ឃុំ​ត្រពាំង​ភ្លាំង ស្រុក​ឈូក ខេត្ដ​កំពត យកមក​កាន់​ស្នងការ​ខេត្ត ដើម្បី​ធ្វើការ​សាកសួរ​។​

 

​ប្រភពព័ត៌មាន​ពី​របាយការណ៍​សមត្ថកិច្ច​បានបង្ហាញ​ឲ្យ​ដឹងថា ជនសង្ស័យ​មានឈ្មោះ ខាត់ ជី​ម អាយុ​៥៧​ឆ្នាំ មាន​ទីលំនៅ​ភូមិ​-​ឃុំ​កើតហេតុ​ខាងលើ​។ ចំណែក​នារី​រងគ្រោះ ឈ្មោះ អ​.​ជ អាយុ​២២​ឆ្នាំ រស់នៅ​ភូមិ​-​ឃុំ ជាមួយនឹង​ជនសង្ស័យ​។ បើតាម​ពាក្យបណ្ដឹង​នារី​រងគ្រោះ​បាន​ឲ្យ​ដឹងថា នៅ​ថ្ងៃកើតហេតុ​ក្នុង​ខែវិច្ឆិកា ឆ្នាំ​២០១៤ កន្លងមក ខណៈ​នាង​កំពុង​លាងចាន​ឆ្នាំង​ក្នុង​រោង​បាយ ស្រាប់តែ​ឃើញ​ឈ្មោះ ខាត់ ជី​ម (​ជនសង្ស័យ​) បាន​ដេញ​ប្អូនប្រុស​ខ្លួន​ចេញ រួចហើយ​ឈ្មោះ​នេះ​បាន​ឡើង​ចាប់រំលោភ​រហូត​បានសម្រេច​។ បន្ទាប់ពី​រំលោភ​រួច​គំរាមថា មិន​ឲ្យ​នាង​យក​រឿងនេះ​ទៅប្រាប់​អ្នកណា​នោះទេ បើ​ហ៊ាន​ប្រាប់ រូបគេ​នឹង​សម្លាប់​អស់​មួយ​ពូជ​។ ដោយ​ខ្លាច​ការគំរាមកំហែង​នេះ រូបនាង​ក៏​ចេះតែ​លាក់​រឿងនេះ​រហូត ហើយ​ជនសង្ស័យ​រូបនេះ​ក៏​ចេះតែ​មក​ស្ទាក់​ចាប់រំលោភ​ជា​ញឹកញាប់ ក្នុងផ្ទះ ក្នុងព្រៃ និយាយ​រួម​គឺ​ឲ្យ​តែមាន​ឱកាស​ស្ងាត់ គឺ​ជន​នោះ​តែងតែ​ចាប់​នាង​រំលោភ ក៏ត្រូវ​ក្រុមគ្រួសារ​សង្ស័យ ក៏​យក​នាង​ទៅពិនិត្យ​នៅ​មន្ទីរពេទ្យ​ទើប​ដឹងថា នាង​មាន​ផ្ទៃពោះ​៥​ខែ ហើយក៏​ប្តឹង​សមត្ថកិច្ច​ឲ្យ​ចាប់ខ្លួន​ជនសង្ស័យ​តែម្តង ។​

 

​ក្រោយពី​បែក ការណ៍​ឪពុកម្ដាយ​នារី​រងគ្រោះ​ក៏បាន​ទៅ ដាក់ពាក្យ​បណ្ដឹង​ឲ្យ​សមត្ថកិច្ច​ចាប់ខ្លួន​ជន ល្មោភកាម​ខាងលើនេះ​ទៅ​ចាត់ការ​តាមផ្លូវ​ច្បាប់​៕

 

Leave a Reply

(*) Required, Your email will not be published