រឿង “The Empress Of China”​នឹង​ចាក់​បញ្ចាំង​នៅ​សិង្ហ​បុរី​តែ​ត្រូវ​កាត់​ឈុត​ខ្លះ​

, , Leave a comment


​រឿង “The Empress Of China” ជា​ភាពយន្ត​របស់​ចិន​ដែល​និយាយ​អំពី​រជ្ជកាល​ស្តេច ថា​ង (Tang) បានទទួល​ការរិះគន់​ធ្ងន់ៗ​នៅ​ប្រទេស​ចិន ដោយសារតែ​ការបង្ហាញ​សាច់​គល់​សុដន់​របស់​តួអង្គ​ស្រី​ស្ទើរ​ទាំងអស់ នៅក្នុង​រាជវាំង​។ ​ប៉ុន្តែ នឹងមាន​ការបិទបាំង​តាម​ប្រព័ន្ធ​ឌីជីថល​លើ​សាច់​ដើមទ្រូង​របស់ តួអង្គ​ស្រី​ទាំងនោះ បន្ទាប់ពី​ឈុត​ទាំងអស់​ត្រូវបាន​គេ​កាត់ចេញ​អំឡុងពេល​ចាក់​បញ្ចាំង​លើកដំបូង នៅ​ប្រទេស​ចិន កាលពី​ខែធ្នូ​ឆ្នាំមុន ។​

 

​ភាពយន្ត​នេះ បាន​ផ្អាក​ការចាក់ផ្សាយ​នៅ​ប្រទេស​ចិន ដោយ​លើក​ហេតុផល​ថា បណ្តាលមកពី​បញ្ហា​បច្ចេកទេស ។ ប៉ុន្តែ​បាន​ត្រឡប់មកវិញ​ក្នុង​រយៈ ពេល​មួយ​សប្តាហ៍ ជាមួយនឹង​ការបិទបាំង​ភាព​ស៊ិ​ច​ស៊ី​ខ្លះ​របស់​តារា​ស្រីៗ ។ គណៈកម្មាធិការ​ត្រួតពិនិត្យ​កម្មវិធី​ទូរទស្សន៍​របស់​ចិន ក្រោយមក​បាន​ពន្យល់ថា ការកែសម្រួល​ឡើងវិញ គឺ​ពិតជា​ចាំបាច់​ដោយសារតែ​រូបភាព​ខ្លះ​មិន​ស័ក្តិសម នឹង​អនីតិជន​។​ 

 

​ហ្វា​ន វ័យ​៣៣​ឆ្នាំ ដែល​សម្តែង​ជា​តួអង្គ​អធិរាជិនី​របស់​ចិន បាន​និយាយថា​”​ស្ថានភាព​នេះ​ប្រហែលជា​មិនល្អ​ប៉ុន្មាន​ទេ ហើយ​ពិតជា​មានការ​ខកចិត្ត​។ ប៉ុន្តែ​ការគាំទ្រ​នៅ​ប្រទេស​ចិន ពិត​ជាមាន​ច្រើន​”​។​

 

ថ្លែង​នៅ​សន្និសីទកាសែត​ប្រចាំ​តំបន់ ក្នុង​ទីក្រុង​ហុងកុង កាលពី​ថ្ងៃ​ចន្ទ រួមជាមួយ​នឹង​តារា​សម្តែង​រួម ខា​ធី ចូ​វ និង អា​រី​ហ្វ​រ៉ា​ម៉ាន តារា​ស្រី​រូបនេះ បាន​និយាយថា “​ខ្ញុំ​ត្រូវតែ​គោរព​ស្តង់ដារ ចាប់​ពិរុទ្ធ​នៅ​ចិនដីគោក ។ បណ្តា​ប្រទេស​នីមួយៗ មានច្បាប់​ចាប់​ពិរុទ្ធ​ដោយឡែក​ពីគ្នា​”​។​

 

​ខណៈពេល​ចំនួន​អ្នកទស្សនា កើន​ដល់​ជាង​១០​ពាន់​លាន​ដង តាម​ប្រព័ន្ធ​អ៊ី​ន​ធើ​ណិ​ត​នៅ​ប្រទេស​ចិន អ្នក​និយម​អ៊ី​ន​ធើ​ណិ​ត​នៅ​ប្រទេស​ចិន បាន​ផ្ទុះ​កំហឹង​ចំពោះ​ការចាប់​ពិរុទ្ធ​នេះ ហើយ​និយាយថា ពួកគេ​នឹងមិន​អាច​ឃើញ​សម្លៀកបំពាក់​នៅក្នុង​រជ្ជ​កាល​នោះទេ ជា​ស្តា​យល៍ ដែល​គេ​និយាយថា ឆ្លុះបញ្ចាំង​ពី​ភាពទាន់សម័យ​របស់ រជ្ជកាល​ថា​ង​។​

 

ទស្សនិកជន​នៅ​ហុងកុង និង សិង្ហ​បុរី នឹងមាន​ឱកាស​បានឃើញ​ឈុត​សម្លៀកបំពាក់​ទាំងនេះ​ពេញលេញ ដោយមាន​ការបិទបាំង​តាម​ប្រព័ន្ធ​ឌីជីថល​ខ្លះ​។ រហូតមកដល់​ពេលនេះ មានតែ តៃវ៉ាន់​ប៉ុណ្ណោះ ដែល​ចាក់ផ្សាយ​ភាពយន្ត​ភាគ​នេះ​ក្នុង​ទម្រង់​ដើម​៕

27-5-2015 27-5-2015 (1) 27-5-2015 (2)

 

Leave a Reply

(*) Required, Your email will not be published