ករណី​រថយន្ត​អ្នកដំណើរ​របស់​ក្រុមហ៊ុន 15sh ដែលជា​កម្ម​សិទ្ធ​មន្ត្រី​យោធា​ផ្កាយ​៣ ស៊ុន ហួរ បុក​មនុស្ស​ស្លាប់ ហើយ​ធ្លាយ​ទំនិញគេចពន្ធ ‎​អ្នកណា​ទទួលខុសត្រូវ​‬?

, , Leave a comment

10425110_807931445945768_3550052851309931174_n

Screenshot 2015-05-22 20.58.21

​រាជធានី​ភ្នំពេញ : បើទោះបីជា​ហេតុការណ៍​គ្រោះថ្នាក់​ចរាចរណ៍​មួយ​ដ៏​រន្ធត់ លើ​កំណាត់​ផ្លូវជាតិ​លេខ​១ នៅ​ស្រុក​ស្វាយទាប ខេត្តស្វាយរៀង បាន​កន្លងទៅ​ក៏ពិតមែន ប៉ុន្តែ​ប្រជាពលរដ្ឋ​ទូទាំង​ព្រះរាជាណាចក្រ​កម្ពុជា​​មិនទាន់​ភ្លេច​នៅឡើយ​ទេ ហេតុការណ៍​គ្រោះថ្នាក់​ចរាចរណ៍​ដែល​បានកើត​កាលពី​វេលា​ម៉ោង​៦​និង​៤០​នាទី​ព្រឹក ថ្ងៃទី​១៩ ខែឧសភា ឆ្នាំ​២០១៥ ដែល​បណ្តាល​ឲ្យ​កម្មករ កម្មការិនី​រងគ្រោះ​ស្លាប់បាត់​បង់ជីវិត​យ៉ាង​អាណោចអាធ័ម​ចំនួន​១៩​នាក់ (​ស្រី​១៧​នាក់​) និង​រងរបួស​ធ្ងន់​-​ស្រាល​ចំនួន​២០​នាក់​(​របួសធ្ងន់​១៩​នាក់​)​លើ​កំណាត់​ផ្លូវជាតិ​លេខ​១​។​

 

​តែ​ទោះជា​យ៉ាងណា​បណ្តាញ​សង្គម​ដែលមាន​ប្រជាប្រិយ​មួយ​ដែល​មិន​ថា យុវវ័យ​ទេ សូម្បីតែ​មនុស្ស​វ័យ​កណ្តា​ល​ក៏បាន​ប្រើប្រាស់​បណ្តាញ​នេះ ដើម្បី​តាមដាន និង​ចែករំលែក​នូវ​ព្រឹត្តិការណ៍​សង្គម​ដែល​។ ជាក់ស្តែង​បណ្តាញ​សង្គម​មួយ​ឈ្មោះ San Prum បានបញ្ជាក់​ម្តង​ហើយ ម្តងទៀត​លើ​ករណី​គ្រោះថ្នាក់​ចរាចរណ៍​ដែល​បង្ក​ឲ្យ​មនុស្ស​ស្លាប់​យ៉ាង​សង្វេគ​។ ក្នុង​សារ​ទាំង​នោះបាន​បញ្ជាក់ថា ៖ «#‎​អំពើរ​ល្មើសច្បាប់​របស់​ក្រុមហ៊ុន​ឡានក្រុង​១៥sh​បុក​តូ​រី​សកម្មករ​នៅ​ខេត្តស្វាយរៀង​‬ ‪#‎​អ្នកណា​ទទួលខុសត្រូវ​‬??????» ឡានក្រុង​កន្លងមក​បើកបរ​ដោយ​ល្បឿន​លឿន​និង​ព្រហើន​ខុស​បែបបទ​ដែល​យើង​អាច​សន្និដ្ឋានថា ប្រសិទ្ធិភាព​ច្បាប់​នៅ​ស្រុក​យើង​នៅ​ខ្សោយ​ណាស់ អាច​ដោយសារ​ពុករលួយ និង​បក្ខពួកនិយម​។​

 

​យើង​សាកល្បង​យក​ករណី​ក្រុមហ៊ុន​ឡានក្រុង​១៥sh​ដែល​បុក​សម្លាប់​កម្មករ​ខ្មែរ​ជិត​២០​នាក់​នៅ​ខេត្តស្វាយរៀង​មក​វិភាគ​តែ​ចំណុច​ខុសច្បាប់​??៖

 

១-​គេ​បង្កើត​ច្បាប់​បែបណា​ដែល​ង​នុ​ញាតិ​ឲ្យ​ជនបរទេស​មាន​សិទ្ធិ​បើកបរ​រថយន្ត​ដឹកជញ្ជូន​អ្នកដំណើរ​នៅ​កម្ពុជា​??

 

២-​គយ ប៉ូលីស​សេដ្ឋកិច្ច មន្ត្រី​កាំកុងត្រូល​ត្រួតពិនិត្យ​បែបណា​??​បានជា​បណ្តោយ​ឲ្យ​ក្រុម​ឡានក្រុង​ផ្ទុកទំនិញ​ល្មើសច្បាប់​ឬ​គេចពន្ធ​ម្តងៗ ដល់​ទៅ​១០,២០​តោន ????

 

៣-​នគរបាល​ចរាចរណ៍​ត្រួត​ល្បឿន​បែបណា​??​បានជា​ចាប់​បានតែ​ឡាន​គ្រួសារ​???

 

៤-​ករណី​ឡានក្រុង​ផ្ទេរ​ឥ​វ៉ាន់​ពី​ឡាន​បង្ក​គ្រោះថ្នាក់​ចរាចរណ៍​នេះ​…. តើ​អ្នកណា​អនុញាតិ​ឬ​បិត​ភ្នែក​បណ្តោយ​ឲ្យ​គេ​យក​ស្កុ​តបិត​លើ​ស្លាក​ឬ​ឡូកូ​ក្រុមហ៊ុន​បាន​???​។ ល​។​

 

​គួរ​រម្លឹក​ដែរ​ថា ក្រោយ​ហេតុការណ៍​គ្រោះថ្នាក់​ចរាចរណ៍​ដ៏​រន្ធត់​នេះ​កើតឡើង បង្កដោយ​រថយន្ត​រប​ស់​ក្រុមហ៊ុន​ស៊ុន ហួរ 15SH Transport ពាក់​ស្លាក​លេខ​ភ្នំពេញ 3C-6335 បើកបរ​ដោយ​ជនជាតិ​យួន​នោះ ក្រុម​សមត្ថកិច្ច​ក៏បាន​ធ្វើការ​ឆែកឆេរ​រ​ថ​យន្ត​របស់​ក្រុមហ៊ុន​ដឹក អ្នកដំណើរ​មួយគ្រឿង​ទៀត ពាក់​ស្លាក​លេខ​ភ្នំពេញ 3C-6336 រកឃើញ​ទំនិញគេចពន្ធ​ដឹក​ពី​ប្រទេស​យួន​ចូលមក​ប្រទេស​កម្ពុជា​ប្រមាណ​ជិត ២០​តោន រួមមាន ខោ​វ​អាវ សាប៊ូ ស្បែកជើង និង​ទំនិញ​ផ្សេងៗ​ជាច្រើន​ទៀត ។​

 

​ចំណុច​គួរ​ឲ្យ​ចាប់អារម្មណ៍​បំផុត​នោះ គឺ​ថៅកែ​ក្រុមហ៊ុន​ដឹក​អ្នកដំណើរ ស៊ុន ហួរ 15SH Transport មាន​ទីស្នាក់ការ​នៅក្នុង​បុរី​កីឡា ខណ្ឌ​៧​មករា រាជធានី​ភ្នំពេញ ដែល​បង្ក​គ្រោះថ្នាក់​ចរាចរណ៍ និង​ដឹកទំនិញ​គេចពន្ធ​ដ៏​ល្បី ជា​នាយទាហានជាន់ខ្ពស់​នៃ​កងយោធពល​ខេមរភូមិន្ទ ឋានន្តរស័ក្តិ​ថ្នាក់​ឧ​ត្ត​ម​សេនីយ៍​ឯក​(​ផ្កាយ​៣)​ម្នាក់​ឈ្មោះ ស៊ុន ហួរ ។

 

​លោក ស៊ុន ហួរ ជា​នាយទាហាន​នៃ​កងយោធពល​ខេមរភូមិន្ទ អត្តលេខ​០២១១០៩ ទទួលបាន​ការដំឡើង​ឋានន្តរស័ក្តិ​ថ្នាក់​ឧ​ត្ត​ម​សេនីយ៍​ត្រី​(​ផ្កាយ​១) ដោយ​ព្រះរាជក្រឹត្យ​លេខ​នស​/​រកត​/១២០៧/៦៥៨ ចុះ​ថ្ងៃទី​២៨ ខែធ្នូ ឆ្នាំ​២០០៧ និង​ទទួលបាន​ការដំឡើងឋាន​ន្ត​រ​ស័ក្តិ​ថ្នាក់​ឧ​ត្ត​ម​សេនីយ៍​ទោ​(​ផ្កាយ​២) ដោយ​ព្រះរាជក្រឹត្យ​លេខ​នស​/​រកត​/០៩១១/៨៩៤ ចុះ​ថ្ងៃទី​១៩ ខែកញ្ញា ឆ្នាំ​២០១១ ហើយ​ចុង​ក្រោយនេះ​ទទួលបាន​ការដំឡើងឋាន​ន្ត​រ​ស័ក្តិ​ថ្នាក់​ឧ​ត្ត​ម​សេនីយ៍​ឯក​( ផ្កាយ​៣) ដោយ​ព្រះរាជក្រឹត្យ​លេខ​នស​/​រកត​/០៧១៣/៨០៤ ចុះ​ថ្ងៃទី​០៦ ខែកក្កដា ឆ្នាំ​២០១៣ ៕

 

 

Leave a Reply

(*) Required, Your email will not be published