ភាព​ស្តោ​យ​ស្រណោះ និង​ទង្វើ​ឫស្យា ធ្វើ​ឲ្យ​បុរស​ម្នាក់​ប្រើ​អំពើហិង្សា កាប់​អតីត​ប្រពន្ធ​ដាច់​ដៃ​

, , Leave a comment

21-5-2015

ខេត្ដ​ពោធិ៍សាត់ : បុរស​ម្នាក់​ត្រូវ​កម្លាំង​កងរាជអាវុធហត្ថ​ខេត្ដ​ឃាត់ខ្លួន ក្រោយ​ធ្វើ​សកម្មភាព​យក​ដាវ​សាមូរ៉ៃ កាប់​បណ្ដាល​ឲ្យ​ដាច់​កដៃ​ម្ខាង បណ្តាលមកពី​ភាព​ប្រចណ្ឌ​ចំពោះ​អតីត​ប្រពន្ធ​ព្រោះតែ​នាង​បាន យកប្ដី​មួយទៀត​ខាងលើ នេះ​គឺ​បានកើត ឡើង​កាលពី​វេលា​ម៉ោង​៨​និង​៣០​នាទី ព្រឹក​ថ្ងៃទី​២០ ខែឧសភា ឆ្នាំ​២០១៥ ឋិត​នៅក្នុង​ភូមិ​ឈើទាល​ខ្ពស់ ឃុំ​ក្បាល​ត្រាច ស្រុក​ក្រគរ ខេត្ដ​ពោធិ៍សាត់​។​

 

​ប្រភពព័ត៌មាន​ពី​សមត្ថកិច្ច​មូលដ្ឋាន​បាន​ឲ្យ​កំណើត​ថ្មី​ដឹងថា ជនសង្ស័យ​មានឈ្មោះ សួស ប៊ុន អាយុ​៣១​ឆ្នាំ មាន​ទីលំនៅ​ភូមិ​អង្គ្រង ឃុំ​ខ្វិត​ធំ ស្រុក​ព្រៃឈរ ខេត្ដ​កំពង់ចាម​។ ចំណែក​ស្ដ្រី​រងគ្រោះ​ឈ្មោះ​ញ៉ិល សុ​ភី អាយុ​២៤​ឆ្នាំ មាន​ទីលំនៅ​ក្នុងភូមិ​-​ឃុំ កើតហេតុ​ខាងលើ​។ មុនពេល​កើតហេតុ​ជនដៃដល់​បានមក​សួរ​ស្ដ្រី​រងគ្រោះ​រក​រូបថត​អនុស្សាវរីយ៍​របស់​ពួកគេ​ទាំង​២​នាក់ ។ បន្ដិចក្រោយមក​ក៏មាន​ទំនាស់​ពាក្យសម្ដី​គ្នា ទើប​ជនដៃដល់​ទាញ​ដាវ​សាមូរ៉ៃ​កាប់​ទៅលើ​ស្ដ្រី​រងគ្រោះ​បណ្ដាល​ឲ្យ​ដាច់​កដៃ​ម្ខាង​តែម្ដង​។

 

​គួរ​រម្លឹក​ដែរ​ថា ប្ដី​-​ប្រពន្ធ​មួយគូ​នេះ​បាន​បែកបាក់​គ្នា​ជាង​មួយឆ្នាំ​មកហើយ ដោយ​កាលណោះ​គេ នៅចាំ​បាន​ថា ពួកគេ​បានរួម​រស់​ជាមួយគ្នា​ត្រឹមតែ​មួយខែ​ប៉ុណ្ណោះ ។ ពេលនោះ​ខាង​ប្រុស​បាន​ចុះ​ចេញទៅ​នៅ​ស្រុកកំណើត ។ ក្រោយមក​ខាង​ស្រី​ក៏មាន​គូស្រករ​ថ្មី​ទៀត ហើយ​ទំនងជា​បុរស​ដៃដល់​ស្ដាយស្រណោះ និង​ប្រចណ្ឌ​អតីត​ប្រពន្ធ ទើប​កើតក្ដី​កំហឹង​ហ៊ាន​ប្រព្រឹត្ដទ​ង្វើ​បែបនេះ​។

 

​ក្រោយ កើតហេតុ​ស្ដ្រី​រងគ្រោះ​ត្រូវបាន​បញ្ជូនទៅ សម្រាក​ព្យាបាល​នៅ​មន្ទីរពេទ្យបង្អែក​ខេត្ដ​។ ចំណែក​ជនសង្ស័យ​ត្រូវបាន​កម្លាំង​សមត្ថកិច្ច​កសាង​សំណុំរឿង ដើម្បី​ចាត់ការ​តាមច្បាប់​៕

 

 

Leave a Reply

(*) Required, Your email will not be published