ច្បាប់​ចរាចរណ៍​ផ្លូវគោក​ថ្មី ធ្វើ​ឲ្យ​សមត្ថកិច្ច​ពាក់ព័ន្ធ គ្រប់ទឹក​

, , Leave a comment

21-5-2015

រាជធានី​ភ្នំពេញ : ក្រោយ​ពេលដែល​កើតមាន​គ្រោះថ្នាក់​ចរាចរណ៍​ដ៏​គួរ​ឲ្យ​រន្ធត់​មួយ ដែល​បង្កដោយ​រថយន្ត​ក្រុង​វៀតណាម បាន​ជ្រុល​ទៅបុក​រថយន្ត​ដឹក​កម្មករ បាន​បណ្តាល​ឲ្យ​កម្មករ​-​ក​ម្មា​រិ​នី​ជិត​២០​នាក់​ស្លាប់បាត់​បង់ជីវិត និង​មនុស្ស​ជាច្រើន​នាក់​ទៀត​រងរបួស នៅ​ខេត្តស្វាយរៀង​រួចមក សម្តេច​ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា បានប្រកាស​ភ្លាមៗ ដោយ​ជម្រុញ​ឲ្យ​ប្រជាពលរដ្ឋ​កម្ពុជា​ទាំងអស់​ចូលរួម​គោរព និង​អនុវត្តន៍​ច្បាប់​ចរាចរណ៍​ផ្លូវគោក​ថ្មី​។​

 

​ក្នុង​ច្បាប់​ផាកពិន័យ​នោះ អ្នកជិះ​ម៉ូតូ​ណា​ដែល​មិន​ពាក់មួក ត្រូវ​ពិន័យ​ឡើងដល់ ១​ម៉ឺន​៥​ពាន់​រៀល ខណៈដែល​ច្បាប់​ចាស់ ពិន័យ​ត្រឹមតែ​៣​ពាន់​រៀល​ប៉ុណ្ណោះ​។ ការផាកពិន័យ​និង​ការដាក់ទោសទណ្ឌ​នៅក្នុង​ច្បាប់​ចរាចរណ៍​ផ្លូវគោក​ចាស់ ដោយ​ដាក់បញ្ចូល​នូវ​មាត្រា​ថ្មី​ជំនួស​វិញ ហើយ​ក្នុង​ខ្លឹមសារ​នៃ​អនុក្រឹត្យ​នោះ បានកំណត់​អំពី​ការផាកពិន័យ​ដោយ​គុណ​នឹង​៥​ដង​នៃ​ច្បាប់​ចាស់ សម្រាប់​យានយន្ដ​គ្រប់​ប្រភេទ​។​

 

​បើតាម​លោក​ផែង សុវិជ្ជា​នោ អ្នកនាំពាក្យ​ក្រសួង​សាធារណៈការ និង​ដឹកជញ្ជូន​បាន​បញ្ជាក់ថា ច្បាប់​ចរាចរ​សម្រាប់​ឆ្នាំ​២០១៥​នេះ នឹងមាន​ប្រសិទ្ធ​ភា​ជាង​មុន ដោយសារតែ​ការផាកពិន័យ​ខ្ពស់ ដូច្នេះ​អ្នកបើកបរ​ទាំងអស់​អា​ចនឹង​ប្រុងប្រយ័ត្ន​ច្រើនជាង​មុន​។ នៅពេលដែល​ច្បាប់​ចរាចរណ៍​ផ្លូវគោក​ថ្មី​ដាក់ឱ្យ​អនុវត្ដ​ន៍ វា​នឹង​អាចជួយ​កាត់បន្ថយ​នូវ​បទល្មើស និង​គ្រោះថ្នាក់​ចរាចរ​នៅតាម ដងផ្លូវ​ផងដែរ​៕

 

 

Leave a Reply

(*) Required, Your email will not be published