ស្ថានីយ៍ទូរទស្សន៍​អាស៊ីអាគ្នេយ៍ (SEA-TV) ជា​អ្នក​អនុញ្ញាត​ឲ្យ​ ឃិត សំ​ម៉ាលី​ស ពាក់​ឈុត​អាវ​ទ្រនាប់ចេញមកក្រៅ ដែល​កុម្ម៉ង់​ទិញ​ពី​ចិន

, , Leave a comment

14-5-2015

14-5-2015 (2)

​រាជធានី​ភ្នំពេញ : ក្រោយ​ទទួល​រឿងអាស្រូវ “​យក​អាវទ្រនាប់ មក​ពាក់​ខាងក្រៅ​” ដើម្បី​ទាញ​ប្រជាប្រិយភាព​នោះ កញ្ញា ឃិត សំ​ម៉ាលី​ស បាន​ចេញមុខ​បកស្រាយ និង​ប្រាប់​ពី​ម៉ូដ​អាវ​ថ្មី​របស់​នាង​ដែល​យក​អាវទ្រនាប់​មក​ពាក់ សម្ញែង​កណ្តាលវាល​ថា ជា​ម៉ូដ​ថ្មី​ដែល​នាង​កុម្ម៉ង់​មកពី​ប្រទេស​ចិន​។ ប៉ុន្តែ​អ្វីដែល​ចម្លែក​មួយទៀត​នោះ គឺថា នាង​ហាក់​តែ​កំពុង​តែមាន​ចេតនា ឲ្យ​ស្ថានីយ៍ទូរទស្សន៍​អាស៊ីអាគ្នេយ៍ ជា​អ្នក​ទ​ទួ​ក​ខុសត្រូវ​ជាមួយ​នាង ជុំវិញ​ការរិះគន់​ឥត​សំចៃមាត់​ពី​សំណាក់​មហាជន​។​

 

​តារាចម្រៀង​តែ  ឡើង​កូដ​តាមរយៈ​រឿងអាស្រូវ កញ្ញា ឃិត សំ​ម៉ាលី​ស បាន​រៀបរាប់​បញ្ជាក់ថា «​ទូរទស្សន៍​អាស៊ីអាគ្នេយ៍ គ្រាន់តែ​អ្នក​អញ្ជើញ​នាង​ខ្ញុំ ឲ្យ​ឡើង​សម្តែង​តែប៉ុណ្ណោះ ហើយ​មុន​ការសម្តែង​ពួកគាត់ ក៏បាន​ឯកភាព និង​យល់ព្រម​ឲ្យ​នាង​ខ្ញុំ​ស្លៀក​សម្លៀកបំពាក់​នោះ​ផងដែរ ដោយសារ​សម្លៀកបំពាក់​នោះ មិនបាន​បញ្ចេញ​ភាព​សិច​ស៊ី ឬ​សាច់​នោះទេ គ្រាន់តែ​ជា​ម៉ូដ​ថ្មី​តែប៉ុណ្ណោះ ប៉ុន្តែ​ប្រសិនបើ​បងប្អូន គិតថា​មិន​ស័ក្តិសម ឬ​មិនល្អ​នាង​ខ្ញុំ ឃិត សំ​ម៉ាលី​ស សូម​អភ័យទោស ដល់​បងប្អូន​គ្រប់ៗ​គ្នា​…» ។​

 

​កញ្ញា ម៉ាលី​ស បាន​បន្ថែមទៀតថា ៖«​ជាការ​ពិតណាស់ រយៈពេល​២​ថ្ងៃមុន នាង​ខ្ញុំ​បានឃើញ​ព័ត៌មាន​មួយ ដែល​បងប្អូន​បាន ចែករំលែក​ជា​បន្តបន្ទាប់ ពី​សម្លៀកបំពាក់​របស់​នាង​ខ្ញុំ ក្នុងការ​សម្តែង​នៅ​ស្ថានីយ៍ទូរទស្សន៍​អាស៊ីអាគ្នេយ៍ ហើយ​នាង​ខ្ញុំ​ក៏បាន​ឃើញ​នូវ​មតិ​រិះគន់​មួយចំនួន​របស់​មហាជន​ផងដែរ​។ ថ្ងៃនេះ​នាង​ខ្ញុំ​សូម​ធ្វើការ​បកស្រាយ​ពី​សម្លៀកបំពាក់​នោះ​ថា ជា​សម្លៀកបំពាក់​ម៉ូដ​ថ្មី​ដែល​នាង​ខ្ញុំ ទើបតែ​កុម្ម៉ង់ មកពី​ប្រទេស​ចិន បាន​ចំនួន​១​សប្តាហ៍​គត់​» ។​

 

​តារាចម្រៀង​ដែល​សម្បូរ​រឿងរ៉ាវ​អាស្រូវ​ច្រើន​គួរសម​សម្រាប់​ឆ្នាំ​២០១៥​កញ្ញា ឃិត សំ​ម៉ាលី​សបាន​បន្ថែមទៀតថា ៖«​សម្លៀកបំពាក់​នោះ គ្រាន់តែ​ជា​ម៉ូដ​សម័យថ្មី​តែប៉ុណ្ណោះ ប៉ុន្តែ​ប្រសិន​ជាការ​ស្លៀកពាក់​របស់​នាង​ខ្ញុំ មិន​សមរម្យ ឬ​បងប្អូន​គិតថា មិនល្អ នាង​ខ្ញុំ​សុំ​អភ័យទោស​ផង ។ បញ្ហា​នេះ​ផងដែរ ក៏​មិនមាន​ការពាក់ព័ន្ធ ឬក៏​មានការ​បង្គាប់បញ្ជា​ឲ្យ​នាង​ខ្ញុំ ស្លៀកពាក់​សម្លៀកបំពាក់​បែបនេះ ពី​ស្ថានីយទូរទស្សន៍ អាស៊ីអាគ្នេយ៍​នោះទេ​» ៕

 14-5-2015 (1)

 

Leave a Reply

(*) Required, Your email will not be published