ទារក​ម្នាក់ ប្រទះឃើញ នៅមាន​ជីវិត ក្រោយ​ត្រូវ​ឪពុកម្តាយ បោះបង់ចោល និង កប់​ក្នុង​ដី ៨​ថ្ងៃ​

, , Leave a comment

​ប្រទេស​ចិន : ទារក​ទើបនឹង​កើត​ម្នាក់​ត្រូវបាន​ប្រទះឃើញ​នៅមាន​ជីវិត ក្រោយពី​ត្រូវបាន​ឪពុកម្តាយ​ចិត្តដាច់ គ្មាន​ធម៌​មេត្តា យកទៅ​បំ​បោះបង់ចោល រយៈពេល​២​យប់​២​ថ្ងៃ និង​បន្ទាប់មក យក​កូន​ខ្លួនឯង​ដែល​មិនទាន់​ស្លាប់​កប់​ក្នុង​ដី​រយៈពេល​៨​យប់ ៨​ថ្ងៃ​ថែមទៀត​។​

 

​តាម​ប្រភពព័ត៌មាន បាន​ឲ្យ​ដឹងថា ខណៈពេល​ស្ត្រី​វ័យ​កណ្តាល​ម្នាក់ ឈ្មោះ Lu Fenglian កំពុង​ដើរ​កាប់​រុក្ខជាតិ​សម្រាប់​ផ្សំ​ថ្នាំ​ចិន នៅលើ​ភ្នំ​មួយ​ត្រង់​កន្លែង​កប់ខ្មោច ក៏​ស្រាប់តែ​បានឮ​សំលេង ទារក​យំ ហើយ​គាត់​ស្មានតែ​ខ្មោចលង ក៏រ​ត់ទៅ​វត្ត​មួយកន្លែង​សុំ​ឲ្យ​គេ​ជួយ​។ ក្រោយមក​អាចារ្យ​វ័យ​៧៥​ឆ្នាំ​ម្នាក់ ក៏​ត្រឡប់​ទៅ​កន្លែង​កប់ខ្មោច ជាមួយ​ស្ត្រី​វ័យ​កណ្តាល​នោះ ហើយក៏​បានដឹងថា សំឡេង​ទារក​យំ​នោះ​ជា កូន​មនុស្ស មិនមែន ជា​ខ្មោច​នោះទេ​។ បន្ទាប់មក ពួកគេ ក៏បាន​ហៅ​ប៉ូលិស​មក​ត្រួតពិនិត្យ កន្លែង​នោះ ហើយ​ក៏បាន​រកឃើញ​ទារក​ម្នាក់ ដែល​ត្រូវបាន​គេ​ដាក់​ក្នុង ប្រអប់​ក្រដាស និង​កប់​ក្នុង​ដី​ជម្រៅ​៥ សង់ទីម៉ែត្រ ដែលមាន​ដី​ធា្ល​ក់​ចូល​ស្ទើរ​ពេញ ក្នុង​ប្រអប់​ក្រដាស​នោះ​។ លើសពីនេះ​ប៉ូលីស​ក៏បាន​រកឃើញ កន្សែង និង ខោអាវ កូនក្មេង នៅក្នុង​ប្រអប់​ក្រដាស់ នោះ​ផងដែរ​។​

 

​ប្រភព​ដដែល​បាន​ឲ្យ​ដឹងថា ពេល​រកឃើញ​នោះ​ស្ថានភាព​សុខភាព ទារក​រងគ្រោះ​កំពុងស្ថិត​ក្នុង​សភាព​ធ្ងន់ធ្ងរ ហើយក៏​ត្រូវបាន​ប៉ូលិស​បញ្ជូនទៅ​សង្គ្រោះបន្ទាន់​នៅក្នុង​មន្ទីរពេទ្យ Tian Dong​។ គ្រូពេទ្យ​ក្នុង​មន្ទីរពេទ្យ​បាន​ជួយសង្គ្រោះ​ជីវិត​របស់​ទារក​នោះ​ឲ្យ​ផុតពី​ការស្លាប់ ហើយ​គ្រូពេទ្យ​បាន​បញ្ជាក់ថា ទារក​នេះ​អាច​នៅ​រស់រានមានជីវិត​ប​ន្ទា​ប់​ពី​ត្រូវ​កប់​អស់​រយៈពេល​ច្រើន​ថ្ងៃ បែបនេះ​ដោយសារ​ទារក​នេះ​មិនត្រូវ​បាន​គេ​កប់​ចូលទៅក្នុង​ដី​ពេញលក្ខណៈ​ឡើយ​ហើយ​ទឹកភ្លៀង​បាន​ហូរ​ចូលក្នុង​ប្រអប់​ក្រដាស​ធ្វើ​ឲ្យ​ខ្លួន​ទារក​មាន​សំនើម​។ ក្នុងនោះដែរ​គ្រូពេទ្យ​បាន​បន្តថា ពេល​កំពុង​ជួយសង្គ្រោះ​ទារក​នេះ បាន​ខ្ជាក់​ចេញ​ទឹក​កង្វក់​ពណ៌​ខ្មៅ ដែល​គ្រូពេទ្យ​ថា ជា​ទឹក​លាយ​ដី​ដែល​ទារក​បាន​លេប​ចូលទៅក្នុង​ពោះ​។​

 

​យ៉ាងណាមិញ​ក្រោយមក​ប៉ូលិស​បាន កំណត់​អត្តសញ្ញាណ​ឪពុកម្តាយ​របស់​ទារក​រងគ្រោះ​ដែល​ដឹងថា ជា​គូស្នេហ៍​វ័យក្មេង​មួយគូ រស់នៅក្នុង​តំបន់ Ping Ma ។ ពួកគេ​ទាំង​ពីរបាន​សារភាពថា ពួកគេ​ពិតជា​បាន​យក​កូន​ទៅ​បំ​បោះបង់ចោល នៅ​កន្លែង​កប់ខ្មោច មួយកន្លែង​កាលពី​ថ្ងៃទី ២៤ ខែមេសា មែន ហើយ​ពួកគេ​ក៏បាន​យក​កូន​ខ្លួនឯង​ទៅ​កប់​ចោល អស់​រយៈពេល​៨​ថ្ងៃ ដោយសារ​គិតថា ទារក​នោះបាន​ស្លាប់​បាត់ទៅហើយ​។​

 

​ទោះបីជា​យ៉ាងណា​ឪពុកម្តាយ​ទារក ដែល​យក​កូន ទៅ​បោះចោល និង​កប់​ក្នុង​ដី យ៉ាង​ព្រៃផ្សៃ​បែបនេះ គឺ​កំពុងតែ​ត្រូវបាន​ប៉ូលិស​ធ្វើការ​ស៊ើបអង្កេត​បន្ត និង ចោទប្រកាន់​ពីបទ​ឃាតកម្ម​ដោយ​ចេតនា​៕ Heng Ly

14-5-2015 14-5-2015 (1) 14-5-2015 (2)

​ប្រភព shanghaiist | dailymail

 

Leave a Reply

(*) Required, Your email will not be published