ឌុ​ច លីដា ៖ “​ឲ្យ​តែ​ហ៊ាន​ឲ្យ​តម្លៃ​ខ្លួន​ខ្ពស់ ខ្ញុំ​នឹង​ទៅ​ភ្លាម​”

, , Leave a comment

​រាជធានី​ភ្នំពេញ : តារា​សម្តែង​មុខ​កូនកាត់​អឺរ៉ុប កញ្ញា ឌុ​ច លីដា បាន​បង្ហើប​ឲ្យ​ដឹង​ដោយ​ចំហ ឥត​ខ្មាសអៀន​ថា ៖«​ឲ្យ​តែ​ហ៊ាន​ឲ្យ​តម្លៃ​ខ្លួន​នាង​ខ្ពស់ នាង​នឹង​ទៅ​ភ្លាម មិន​ខ្លាច​ការរិះគន់ និង​តិះ​តៀន​ពី​សំណាក់​នរណាម្នាក់​ឡើយ​។ ការបង្ហាញ​ត្រង់ៗ​ទាំង​បើកចំហ​នេះ​មិនមែន​មានន័យថា នាង​ឲ្យ​តម្លៃ​ខ្លួន​ក្នុង​រឿង​អ្វីមួយ​ផ្សេង​នោះឡើយ ពោលគឺ​តម្លៃ​ខ្លួន​នាង​ក្នុងការ​សម្តែង និង​ការដែល​នាង​ហ៊ាន​សម្តែង​ឈុត​សិច​ស៊ី​តែប៉ុណ្ណោះ​។​

 

​ដោយ​ផ្អែកទៅលើ​រូបសម្បត្តិ និង​រូប​សម្រស់​ដ៏​ទាក់ទាញ ព្រមទាំង​ទេពកោសល្យ​សម្តែង​របស់​នាង តាមរយៈ​ខ្សែភាពយន្ត​បែប​សិច​ស៊ី​រឿង “​ស្បែក​គង់​” បានធ្វើ​ឲ្យ​តារា​សម្តែង ឌុ​ច លីដា បាន​បោះជំហាន​ទទួលបាន​ប្រជាប្រិយភាព លេចធ្លោរ​គួរ​ឲ្យ​គត់​សម្គាល់​។ តារា​សម្តែង ឌុ​ច លីដា បាន​ប្រាប់ថា នាង​នៅតែមាន​សេចក្តីក្លាហាន​ក្នុងការ​សម្តែង​ឈុត​សិច​ស៊ី ដោយ​មិន​រាងចាល​នៅទេ ប្រសិនបើ​រឿង​នោះ ត្រូវបាន​ខាង​ក្រសួង​អនុញ្ញាត​ឲ្យ​ថត​។​

 

​កញ្ញា ឌុ​ច លីដា បានបង្ហាញ​ជំហរ​ថា ធម្មតា​ក្នុងនាម​ជា​តារា​សម្តែង ជៀស​មិន​ផុតពី​ការរិះគន់ ពី​សំណាក់​មហាជន​នោះទេ ប៉ុន្តែ​អ្វីដែល​សំខាន់​នោះ​ឲ្យ​តែ​យើង​គិត និង​ជឿជាក់​លើ​ខ្លួនឯង​ថា យើង​មិន​ថត​អ្វីដែល​ជ្រុល​ហួស និង​ធ្វើ​ឲ្យ​ខូច​វប្បធម៌​ខ្មែរ ទៅបាន​ហើយ​។ អ្វីដែល​សំខាន់​មួយទៀត​នោះ គឺថា ឲ្យ​តែ​ខាង​ផលិតកម្ម​ហ៊ាន​ឲ្យ​តម្លៃ​ខ្លួន​ថ្លៃ នាង​ថត​ភ្លាម​៕

12-5-2015

 

Leave a Reply

(*) Required, Your email will not be published