មូលហេតុ​ទាំង​១០​យ៉ាង ដែល​ជម្រុញ​ឲ្យ​ចាប់ផ្ដើម​ក្ដី​ស្រមៃ​នៃ​មុខ​ជំនួញ​

, , Leave a comment

 13-5-2015

​មនុស្ស​គ្រប់គ្នា​តែងតែមាន​ក្ដី​ស្រមៃ​។ ប៉ុន្តែ​ក្ដី​ស្រមៃ គឺជា​ចំណុច​មួយ​ដែល​យើង​មិនទាន់​ទៅដល់ ដូច្នេះហើយ​ប្រសិនបើជា​យើង​មិន​ចាប់ផ្ដើម​នៅថ្ងៃនេះ​ទេ យើង​មិនអាច​ឈានដល់​ក្ដី​ស្រមៃ​នោះបាន​ឡើយ​។ ខាងក្រោម​នេះ​គឺជា​មូលហេតុ​ខ្លះៗ ដែល​លោកអ្នក​មិនគួរ​រង់ចាំ ហើយ​គួរតែ​ចាប់ផ្ដើម​ជំនួញ​របស់​លោកអ្នក​ក្នុងថ្ងៃនេះ​៖

 

១-​ទីផ្សារ​បាន​ងើប​ឡើងវិញ​
​មនុស្ស​ភាគច្រើន​តែងតែ​យល់ថា ពួកគេ​ត្រូវតែ​រង់ចាំ​បន្តិច​សិន ព្រោះ​ទីផ្សារ​មិនមាន​ភាព ប្រសើរឡើង​ឡើយ​។ ប៉ុន្តែ​សម្រាប់​សហគ្រិន​ទាំងឡាយ​ពួកគេ​មិនដែល​គិតបែបនេះ​ទេ ពួកគេ​តែងតែ​មើលឃើញ​ភ្លើង​ខៀវ​ជានិច្ច​សម្រាប់​ឱកាស​នៃ​ការចាប់ផ្ដើម​ក្ដី​ស្រមៃ​របស់​អ្នក​។ ដរាបណា​អតិថិជន​នៅតែ​ប្រើប្រាស់​ហើយ​លោកអ្នក​ពិតជា​អាច​បង្ហាញ​នូវ​ផលិតផល​ខុសប្លែក​ពី​គេ​បាន​នោះ លោកអ្នក​នឹង​អាច​ធ្វើបាន​យ៉ាង​ល្អ​ក្នុង​ជំនួញ​នោះ​។​

 

២-​ក្ដី​សុបិន​របស់​អ្នក​មិន​ងាយ​នឹង​បានសម្រេច​ឡើយ​
​សូម្បីតែ​ការងារ​ដ៏​ងាយស្រួល ក៏​យើង​មិនអាច​នឹងធ្វើ​បានសម្រេច​ដែរ បើសិនជា​យើង​មិនបាន​ចាប់ផ្ដើម​ធ្វើ​វា​នៅថ្ងៃនេះ​។ រឿងនេះ​វារឹតតែ​លំបាក​ថែមទៀត​នៅពេលដែល​លោកអ្នក​ត្រូវ​ចាប់ផ្ដើម​ជំនួញ​ធំៗ ព្រោះ​វា​ទាមទារ​ឲ្យ​មានការ​សម្រេចចិត្ត​ដ៏​គ្រោះថ្នាក់​បំផុត​។ ដូច្នេះ​សូម​លោកអ្នក​ចាប់ផ្ដើម​ធ្វើ​វា​ទៅ មុនពេល​ក្ដី​ស្រមៃ​របស់​អ្នក​ក្លាយទៅជា​សុបិន​អាក្រក់​។

 

៣-​ការរង់ចាំ​បណ្ដាល​ឲ្យ​មាន​ក្ដី​សង្ស័យ​
​ជាការ​ពិតណាស់ថា ការ​នៅ​បង្អង់​រង់ចាំ​ឱកាស គឺជា​ការផ្ដល់​ឱកាស​ឲ្យ​អ្នកទទួលបាន​ពេលវេលា​គ្រប់គ្រាន់​ក្នុងការ​ត្រិះរិះ​ពិចារណា​ទៅលើ​ការសម្រេចចិត្ត ប៉ុន្តែ​បើសិនជា​ការរង់ចាំ​រហូត​នោះ វា​ធ្វើ​ឲ្យ​លោកអ្នក​មិនអាច​ចាប់ផ្ដើមបាន​នោះឡើយ ការរង់ចាំ​នោះ​មិនមែនជា​រឿង​ល្អ​នៅទេ​។​

 

៤-​អ្នក​អាច​រៀនសូត្រ​បណ្ដើរ ធ្វើការ​នោះ​បណ្ដើរ​
​ការយល់ច្រលំ​មួយ​ដ៏​ធំធេង​ចំពោះ​ការចាប់​ផ្ដើមធ្វើ​អ្វីមួយ​នោះ គឺ​ការ​យល់ថា ទាល់តែ​អ្នកចេះ ឬ​យល់ដឹង​អំពី​វា​១០០​ភាគរយ ទើប​អ្នក​អាចធ្វើ​វា​បាន​។ ប៉ុន្តែ​ការពិត​មិនមែន​ដូច្នោះ​ទេ គ្មាន​អ្វីដែល​អ្នក​អាច​ប្រាកដ​១០០​ភាគរយ​ឡើយ​។ មានតែ​ការចាប់ផ្ដើម​នេះហើយ ទើប​ធ្វើ​ឲ្យ​លោក អ្នក​ស្វែងយល់បាន​នូវ​អ្វីៗ​ដែល​ថ្មី​ដែល​លោកអ្នក​មិន​ធ្លាប់​បានដឹង​ពីមុនមក​។​

 

៥-​ស្វែងរក​អ្នកផ្ដល់​ប្រឹក្សា​គឺជា​ប្រការ​ល្អ​
​ការស្វែងរក​អ្នកផ្ដល់​ប្រឹក្សា​យោបល់​គឺជា​ប្រកា​ដ៏​ល្អ ព្រោះ​លោកអ្នក​អាចមាន​ទំនុកចិត្ត​ជាង​មុន​ក្នុងការ​ចាប់ផ្ដើម​ក្ដី​ស្រមៃ​របស់​អ្នក​។ នេះ​វា​គឺជា​ធ្វើ​ឲ្យ​ច្បាស់​ថា តើ​ក្រុមហ៊ុន​របស់លោក​អ្នកត្រូវកា​រ​អ្វី ក្នុង​ខណៈពេលដែល​ក្រុមហ៊ុន​ដទៃទៀត​មិនបាន​ដឹង​។​

 

៦-​បង្កើត​ប្លុក​មួយ​ដោយ​ខ្លួនឯង​គឺ​ត្រូវ​ប្រើពេល​វេលា​
​បង្កើត​ប្លុក​ផ្ទាល់ខ្លួន គឺជា​រឿង​មួយ​ដ៏​ល្អ ព្រោះ​វា​អាច​បង្ហាញ​នូវ​ជំនួញ​របស់​លោកអ្នក​ទៅដល់​សាធារណជន​បាន​យ៉ាង​ងាយ​។ ប៉ុន្តែ​លោកអ្នក​ត្រូវតែមាន​ការអត់ធ្មត់ ព្រោះ​ប្លុក​ត្រូវការ​ពេលវេលា​យូរ​បន្តិច​ដើម្បី​ទាក់ទាញ​ចំណាប់អារម្មណ៍​។​

 

៧-​មុខ​ជំនួញ​តាម​ប្រព័ន្ធ​អ៊ិន​ធឺ​ណែ​ត​គឺមាន​តម្លៃថោក​សមរម្យ​
​សំណាងល្អ យើង​មិន​រស់នៅក្នុង​សម័យកាល​បុរាណ​ទៀត​ទេ ដូច្នេះហើយ​បច្ចេកវិទ្យា​ទំនើប អាច​ផ្ដល់​ភាពងាយស្រួល​ណាស់​ដល់​ការធ្វើ​ជំនួញ ជាពិសេស​គឺ​ជំនួញ​តាម​ប្រព័ន្ធ​អ៊ិន​ធឺ​ណែ​ត​តែម្ដង ព្រោះ​វា​មិន​ទាមទារ​ឲ្យ​យើង​មាន​ដើមទុន​ច្រើនពេក​ទេ​។​

 

៨-​អ្នកមាន​បណ្ដាញ​ផ្ទាល់ខ្លួន​រួចហើយ​
​ការដែល​យល់ថា លោកអ្នក​មិនមាន​បណ្ដាញ​ធ្វើ​អ្វី​មិនទាន់​គេ​នោះ វា​គឺជា​គំនិត​មួយ​អន់ថយ ហើយនឹង​ទាញ​លោកអ្នក​មិនអាច​ដើរ​ទៅមុខ​បានឡើយ​។ ដូច្នេះ វា​ប្រាកដ​ណាស់​ថា លោកអ្នក​នឹង​អាច​កសាងបាន​នូវ​បណ្ដាញ​យ៉ាងច្រើន​ពេលដែល​អ្នក​ចាប់ផ្ដើម​ប្រឡូក​ចូលក្នុង​វិស័យ​ជំនួញ​ផ្ទាល់​។​

 

៩-​គំនិត​របស់​អ្នក​មិនអាច​ក្លាយជា​គំនិត​ខុសគេ​ទេ​បើ​អ្នក​រង់ចាំ​
​បើសិនជា​លោកអ្នក​មានគំនិត​ថ្មី​ខុសពី​គេ ហេតុអ្វី​បានជា​អ្នក​ត្រូវ​បន្ត​នៅ​រង់ចាំ​? តើ​លោកអ្នក​មិន​ខ្លាច​អ្នកដទៃ​ចាប់ផ្ដើម​វា​មុន​ទេ​ឬ​? បើសិនជា​លោកអ្នក​បាន​សួរ​សំនួរ​នេះ​ទៅ​ខ្លួនឯង លោកអ្នក​ច្បាស់​ជា​មិនអាច​នៅ​ស្ងៀម​បានឡើយ​។​

 

១០-​អ្នក​ចង់​ធ្វើ​វា តើ​មែន​ទេ​?
​ហេតុផល​ចុងក្រោយ​ដែល​មិនអាច​បញ្ឈប់​អ្នកនោះ​គឺថា លោកអ្នក​ចង់​ធ្វើ​វា​ឲ្យ​បានសម្រេច តើ​មែន​ដែរឬទេ​? សូម​ធ្វើ​ឲ្យ​មនុស្ស​ទាំងឡាយ​ដែល​នៅ​ជុំវិញខ្លួន​អ្នក​បាន​ឃើញថា លោកអ្នក​ពិតជា​អាចធ្វើ​វា​បាន ហើយ​ថែមទាំង​ទទួលបាន​ភាពជោគជ័យ​ថែម​ទៀតផង​៕

 

Leave a Reply

(*) Required, Your email will not be published