អេ​ន យ៉ា​ដាវ ប្រើ​សម្រស់​ដែលជា​មន្ត​ស្នេហ៍ អន្ទង់​ចិត្ត​ប្រុសៗ ឲ្យ​តាម​ដល់ផ្ទះ​

, , Leave a comment

11059405_1555838838021266_1970685228121166949_n

​រាជធានី​ភ្នំពេញ : ក្រោយ​ពេលដែល​កញ្ញា អេ​ន យ៉ា​ដាវ ចូលប្រឡូក​ក្នុង​វិថី​សិល្បៈ​បាន​រយៈពេល​ប្រមាណ​ជាង​២​ឆ្នាំ​មក​នោះ គេ​សង្កេតឃើញថា នាង​កំពុងតែ​ឈោង​ក្តោប​ក្តាប់​ប្រជាប្រិយភាព​យ៉ាង​ពេញដៃ ខណៈដែល​ការងារ​សិល្បៈ​របស់​នាង​មាន​សន្ទុះ​កើតឡើង​យ៉ាងគំហុក​។ អេ​ន យ៉ា​ដាវ ត្រូវបាន​លេច​មុខជា​បន្តបន្ទាប់ ក្នុង​ឈុត​ខារ៉ាអូខេ ថត​ស្ព​ត​ពាណិជ្ជកម្ម និង​សម្តែង​ខ្សែភាពយន្ត​។ ប៉ុន្តែ​អ្វី​ដែលជា​ភាពទាក់ទង​ខ្លាំង​របស់​នាង​នៅពេលនេះ គឺ​សម្រស់​ដ៏​ស្រស់​សោភា បែប​កូនកាត់​បរទេស ហើយ​ថ្មីៗ​នេះ​មាន​លេចឮ​ព័ត៌មាន​មក​ថា នាង​ត្រូវបាន​ពពួក​កន្លង់​សម្បូរ​ទ្រព្យ​ស្តុក ចាយលុយ​លែង​អស់ បាន​រាយ​សំណាញ់​តាម​ចាប់​រូបនាង​ដល់ផ្ទះ​ថែម​ទៀតផង​។​

 

​ក្រុម​កន្លង់ៗ​ទាំងអស់នោះ​ដែល​ឃ្លាំមើល​នាង គេ​មិនបាន​ដឹងថា តើ​មាន​ប្រភព​មកពី​ខាង​ណា​ឲ្យ​បាន​ច្បាស់​នោះទេ ប៉ុន្តែ​ជារឿយៗ​ពួកគេ​បានបង្ហាញ​ខ្លួន​ប្តូរ​គ្នា មកដល់​ហាង​សាឡ​ន​របស់​នាង ដែលមាន​ទីតាំងនៅ​ម្តុំ​ផ្សារ​ស៊ី​លិ​ប ហើយ​ពួកគេ​ទាំងអស់នោះ ខ្លះ​មកជា​លក្ខណៈ​ជា​អតិថិជន ឯ​ខ្លះទៀត​មក​ឃ្លាំមើល​នាង ដើម្បី​ទាក់ទង​ក្នុង​បំណង​អ្វីមួយ​។​

 

​ជុំវិញ​ករណី​មាន​មនុស្ស​មក​តាម​ដល់ផ្ទះ​បែបនេះ កញ្ញា អេ​ន យ៉ា​ដាវ បាន​ប្រាប់​ទាំង​លក្ខណៈ​អៀនប្រៀន​ថា​៖«​ខ្ញុំ​ដូច​ជាំ​អត់​សូវ​ដឹង​ដែរ​បង​..! ថា​មាន​អ្នក​តាម​ខ្ញុំ​មកដល់​ផ្ទះ តែបើ​ខ្ញុំ​ប្រាប់ថា អត់​នោះ​ក៏​គ្មាន​អ្នកណា​ជឿ​ដែរ គឺមាន​ខ្លះ​ខំ​ជ​ព្យាយាម​ទូរស័ព្ទ ឯ​ខ្លះទៀត​បានមក​ផ្ទាល់ តែ​ខ្ញុំ​មក​សម្គាល់ ឬ​ដឹង​ច្បាស់​ថា នរ​ណ​ស្រឡាញ់​ខ្ញុំ នរណា​អត់​នោះទេ​? ព្រោះ​ខ្ញុំ​គិតថា ពួកគាត់ គ្រាន់តែ​ជា​អតិថិជន​របស់​ហាង​យើងខ្ញុំ​តែប៉ុណ្ណោះ​»​។

 

តារា​សម្ដែង​ក្នុង​រឿង “​ខ្ញុំ​ថា​ខូច ខូច​មែន​” ដែល​ត្រៀម​នឹងដាក់​បញ្ចាំង​ក្នុងពេល​ឆាប់ៗ​នេះ ថ្លែង​ដោយ​បន្តថា នាង​សូម​អរគុណ​ចំពោះ​ការ​អាណិត​ស្រឡាញ់​ពី​ប្រិយមិត្ត​គ្រប់គ្នា ប៉ុន្តែ​ថា រឿង​ស្នេហា​នាង​មិន​គិតដល់​ទេ ដោយ​ទុក​ពេលវេលា ដើម្បី​សាង​ប្រជាប្រិយភាព​ឲ្យ​ល្បីល្បាញ​ជាង​មុន​សិន​៕

1549359_1534505570154593_6964451118936709551_n 11043030_1550609788544171_7221271620704996940_n  11073539_1573221276283022_5265201128869155407_n

 

Leave a Reply

(*) Required, Your email will not be published