លោក ​ម៉ែន ​ចាន់ណា​ ជា​មន្ត្រីនគរ​បាល​​ប្រឆាំង​បទល្មើស​សេដ្ឋកិច្ច​ ប្រើ​កូន​ចៅ​ឈ្មោះ​ ខៀវ ​កុសល ជា​​សមត្ថកិច្ច​ និង​តុលាការ​ ​រក​ប្រាក់​តាម​របៀប​ចាប់​ជំរិត​ ដើម្បី​ជូន​ថ្នាក់​លើ​

, , Leave a comment

01-5-2015 (3)

ខេត្តកណ្ដាល : មាន​សេចក្តី​រាយ​ការណ៍​មក​ថា ឈ្មោះ​ ខៀវ ​កុសល ​ជា​កូនចៅ​របស់លោក ​ម៉ែន ​ចាន់ណា​ ជា​មន្ត្រីនគរ​បាល​​ប្រឆាំង​បទល្មើស​សេដ្ឋកិច្ច​ ត្រូវបាន​ថ្នាក់លើ​ចាត់​ឲ្យទៅ​ឈរជើង​នៅលើ​កំណាត់​ផ្លូវជាតិ​លេខ៥ ក្នុងស្រុក​ពញាឮ​ ខេត្ដ​កណ្ដាល​ ដូចជា​ចាត់​បញ្ជូន​ដាក់​ប៉ុ​ស្តិ៍​ជជុះ​ តាម​ដងផ្លូវ​ជាតិ​លេខ៥ មាន​សិទ្ធិអំណាច​បង្ក​ព្យុះភ្លៀង​តាមតែ​អំពើ​ចិត្ត​ដោយ​ចេញ​កាក់​រថយន្ត​ដឹកទំនិញ​គ្រប់​ប្រភេទ​ជា​យូរ​ឆ្នាំ​ហើយ​គ្មាន​ថ្នាក់​ណា​អើពើ​បង្ក្រាប​សោះឡើយ។

 

ប្រភព​ខាង​លើ​បាន​បញ្ជាក់​ឲ្យ​ដឹង​ទៀត​ថា​ កាលពី​ថ្ងៃទី៣០ខែមេសា​ឆ្នាំ២០១៤ នគរបាលប្រឆាំង​បទល្មើស​សេដ្ឋកិច្ច​ក្រសួង​មហាផ្ទៃ​ពីរ​នាក់​ដែលមាន​ម្នាក់​ឈ្មោះ​ ខៀវ កុសល ជា​កូនចៅ​របស់លោក ម៉ែន ចាន់ណា បើករថយន្ដ​ម៉ាក​ហាយ​ឡែ​ន​ឌ័​រ​ពណ៌​ស​ពាក់ ស្លាក​លេខ​នគរបាល២.៦៩៧៩បាន​ទៅ​កាក់​រថយន្ដ​កូរ៉េ​ដឹក​ត្រី​មួយគ្រឿង​នៅលើ​ផ្លូវជាតិ​លេខ៥ជិត​វត្ដ​ចាស់​ឃុំ​វិហារ​ហ្លួង​ស្រុក​ពញាឮ​ ខេត្ដ​កណ្ដាល​ ដើម្បី​ទាមទារ​ជម្រិត​យកលុយរួចអនុញ្ញាតឲ្យ​រថយន្ដ​ដឹក​ត្រី​ឆ្ដោ​ធ្វើដំណើរ​ទៅ​បាត់។

 

មន្ដ្រីនគរបាល​ពីររូប​ខាងលើ​ដែល​ឈរជើង​នៅលើ​កំណាត់​ផ្លូវជាតិ​លេខ៥ បាន​បើករថយន្ដ​ដេញតាមរ​ថយ​ន្ដ​កូរ៉េ​ម៉ាក​ហ៊ីយ៉ាន់​ដាយ​ពណ៌​ស​ពាក់​ស្លាក​លេខ ​​ពោធិ៍សាត់3A-0709 ដោយ​ដឹក​ត្រី​ឆ្ដោ​រចេញពី​កន្លែង​ប្រមូល​ទិញ​លក់​ផល​នេសាទ​ម្ដុំ​ព្រែក​ព្នៅ​ ឆ្ពោះទៅ​ខេត្ដ​កំពង់ឆ្នាំង​ លុះដល់​ជិត​វត្ដ​ចាស់​ក្នុងភូមិ​សាលា​កាត់សក់​ក៏​តាម​ទាន់​ពេលនោះ គេ​សង្កេតឃើញ​មន្ដ្រីនគរបាល​ពីរ​នាក់​ស្លៀកពាក់​ស៊ីវិល​ដោយ​ម្នាក់​នៅក្នុង​រថយន្ដ​ និង​ម្នាក់ទៀត​ចុះទៅ​ជួប​ជាមួយ​អ្នកបើករថយន្ដ​ដឹក​ត្រី។

 

មន្ដ្រីនគរបាល​ទាំងពីរ​នាក់​នេះបាន​សុំ​លេខ​ថៅកែ​ត្រី​ឈ្មោះ ទោម ពី​អ្នកបើករថយន្ដ​ដឹក​ត្រី​រួចហើយ​ទូរស័ព្ទ និយាយ មួយសន្ទុះ រួចមក​ក៏​ត្រូវរ៉ូវ​គ្នា ប៉ុន្ដែ​មិនដឹងថា លុយ​ប៉ុន្មាន​នោះទេ​ក៏​ឲ្យរថយន្ដ​ដឹក​ត្រី ដែល​គ្មាន​ច្បាប់​អនុញ្ញាត​នេះ បន្ដដំណើរ​ទៅមុខ​ជាធម្មតា។ មន្ត្រីរដ្ឋបាល​ព្រៃឈើ​បានឲ្យដឹងថា ឈ្មោះ ខៀវ កុសល កូនចៅ​លោក ម៉ែន ចាន់ណា មន្ត្រីនគរបាល​ប្រឆាំង​បទល្មើស​សេដ្ឋកិច្ច​ក្រសួងមហាផ្ទៃ​ថ្នាក់លើ​ចាត់​ឲ្យទៅ​ឈរជើង​នៅលើ​កំណាត់​ផ្លូវជាតិ​លេខ៥ ក្នុងស្រុក​ពញាឮ​ ខេត្ដ​កណ្ដាល​មាន​ជំនាញ​ប្រដេញ​តាម​ឡាន​ដឹកឈើ​ និង​ឡាន​ដឹកទំនិញ​ឲ្យ​ចូល​បង់លុយ​ធ្វើ​ឲ្យគ្រប់ៗគ្នា​ញាក់សាច់​ហើយ​ពេលខ្លះ​នគរបាល​ទាំងនោះ​ដើរតួ​ជា​ សមត្ថកិច្ច​ផង​ដើរតួ​ជា​តុលាការ​ផង គឺ​ប្រដេញ​ចាប់​ឡាន​ដឹកទំនិញ​ឬ​ឡាន​ដឹកឈើ​ឲ្យ​ចូល​បង់លុយស្ងាត់ៗ ហើយក៏​ដោះលែង​ទៅវិញ​ដោយ​មិនបាន​សុំ​យោបល់​ពី​ព្រះរាជអាជ្ញា​ ឬ​រាយការណ៍​ជូន​ថ្នាក់លើ​នោះទេ។ ហើយ​ពេល​កាក់​ឡាន​យកលុយម្តងៗ ឈ្មោះ ខៀវ កុសល ធ្លាប់បាន​អះអាងថា​ ក្រុម​ឈ្មួញ​រកស៊ី​បទល្មើស​ខុសច្បាប់​​​​បង់​លុយ​ឲ្យ​គាត់​ទាំង​ប៉ុន្មាន ​គឺ​គាត់​បាន​បង់​ជូថ្នាក់លើ​ទាំងអស់​ សូម្បីតែ​លុយ​ប្រជាពលរដ្ឋ​ដឹក​ត្រឹម​អាចម៍មាន់​អាចម៍គោ​ ក៏​គាត់​មិន​ទុកដែរ ​គឺ​បង់​ជូន លោក ម៉ែន​ចាន់ណា ទាំង​អស់ហើយលោក ម៉ែន​ចាន់ណា បង់​ជូន​ថ្នាក់លើ​បន្តទៀត។

 

ជុំ​វិញ​ករណី​ចោទ​ប្រ​កាន់​ខាង​លើ​នេះ​ សារ​ព័ត៌​មាន​កំណើត​ថ្មី មិន​អាច​សុំ​ការ​អធិប្បាយ​​បក​ស្រាយ​ពី​​លោក ​ម៉ែន ​ចាន់ណាបាន​ទេ៕

01-5-2015 (1) 01-5-2015 (2)

 

Leave a Reply

(*) Required, Your email will not be published