​លោ​ក​ អ៊ុំ ផាឡូត និង​លោក កង សុភក្ត័ បំ​ពា​ន​លើ​អនុក្រិ​ត្យ ដើ​ម្បីប្រ​មូ​លលុ​​យ​ពីទំនិញគេច​ពន្ឋនិង​កា​រ​ដឹ​កឈើ​ខុ​សច្បាប់​ ចេ​ញទៅ​ប្រទេស​វៀតណាម​ តា​មច្រក​ដូង៧ដើម​ ថ្នាក់លើមិនអើពើ​​

, , Leave a comment

​ខេត្តត្បូងឃ្មុំ ៖ យោងតាម​អនុ​សាស​ន៏​ដ៏​ថ្លៃថ្លា​របស់​សម្តេចនាយក​រដ្ឋមន្ត្រី ហ៊ុន សែន ធ្លាប់បាន​មាន​​ប្រសា​ស​ន៏​កន្លងមក​ថា ដើម្បី​លើកស្ទួយ​ជីវភាព​ប្រជាកសិករ ឲ្យ​កាន់តែ​ប្រសើរឡើង​នៅ​ទូទាំងប្រទេស​​កម្ពុជា​ពោលគឺ រាល់​ការដឹក​អនុផល​មានដូចជា​ដំឡូង​មី ពោត

ក្រហម ស្រូវ​ជាដើម​។​មិន​អនុញ្ញាត​ឲ្យ​​ស្ថាប័ន​ណាមួយ​យកលុយ​ពី​កសិករ​នោះទេ​ ។ ប៉ុន្តែ​សម្រាប់​សម​ត្ត​កិច្ច​ច្រក​ដារ​ហៅ​ដូង​៧​ដើម​ក្នុងស្រុក​មេមត់​ខេត្តកំពង់ចាម​ដែលមាន​លោក អ៊ុំ ផាឡូត  ជា​ប្រធាន​ច្រក​ដារ​ហៅ​ដូង​៧​ដើម​និងលោក កង សុភក្ត័ ជាប្រធាននគរបាលអន្តោប្រវេសន៍ច្រកដូង៧ដើមគឺ បានផ្ដល់​ឱកាស​ឱ្យ​មន្ដ្រី​ជំនិត​របស់គាត់​បាន​កំពុង​ជំរិត​យកលុយ​ពី​កសិករ​ដែ​ល​​យកកសិផល និងកសិឧស្សាហកម្ម​ ​ដឹក​តាម​រថយន្ត​តូចធំ ដើម្បី​នាំយកទៅ​លក់​នៅ​ព្រំដែន​ប្រទេស​វៀតណាម​យ៉ាង​សម្បើម​ដៃ​ដោយ​មិន​​ខ្លាចរអែង​ច្បាប់​ឬ​កំពុងតែ​អនុវត្តន៍​ផ្គើន​​ទៅ​នឹ​ង​អនុ​សា​​ស​ន៏​ដ៏​ថ្លៃថ្លា​របស់​សម្តេចនាយក​រដ្ឋមន្ត្រី​ ហ៊ុន សែន ​ដែល​មិន​អនុញ្ញាត​ឲ្យ​ស្ថាប័ន​ណាមួយ​យកលុយ​ពី​កសិករ​ក្នុង​ការដឹក​អនុផល​ចេញទៅ​លក់​នៅតាម​ព្រំដែន​យ៉ាងពិត​ប្រាកដ​។​

​ប្រជាពលរដ្ឋ​កំពុងធ្វើកា​រ​រិះគន់​យ៉ាងខ្លាំង​ចំពោះ​លោកអ៊ុំផាឡូត ជាប្រធាន

ច្រកដារ ​និងលោក កង សូភក្ត័ ជាប្រធាននគរបាលច្រកដារ​ហៅ​ដូង​៧​ដើម​ថា​ជា​ក្រុម​ជន ឆ្លៀតឱកាស​ខណៈដែល​ប្រជាពលរដ្ឋ​មកពី​បណ្តា​ខេត្ត​នានា​ដឹកជញ្ជូនក​សិ​ផ​ល និង​កសិឧស្សាហកម្ម​មានដូចជា ដំឡូង​មី ពោតក្រហម ស្រូវ​ដឹក​តាម​រថយន្ត​តូចធំ ដើម្បី​នាំយកទៅ​លក់​​នៅតាម​ព្រំដែន​វៀតណាម​នៅ ក្នុង​មួយថ្ងៃៗ​រាប់រយ​គ្រឿង​គឺ​ត្រូវ​ចំណាយលុយ​ក្នុង​រថយន្ត​១​គ្រឿងក្នុង​តម្លៃ​រហូតដល់​ទៅ​១០ទៅ​១៨ម៉ឺន​រៀល និង​ម៉ូតូ​ដឹក​ជ័រកៅស៊ូ ក្នុង​ម៉ូតូ​១​គ្រឿង​តំរូវ​ឲ្យ​បង់​រហូត​ជិត​៥ម៉ឺន​​រៀល​ឯណោះ​ ។ ​សូម្បី​ប្រជាកសិករ​ដឹក​តាម​គោយន្ត​កន្ត្រៃ​ហៅ​កាឡេ​ថង​ក៏​មិន​លើកលែង​ដែរ​គឺ​បង់​៤​ម៉ឺន​រៀល​។​

 

​ជួប​ជាមួយ​សារ​ព​ត័​មានកំណើត​ថ្មី​លោក ម៉ន សាលី ប្រជាកសិករ​នៅ​ភូមិ​ស្រែ​ជ្រាំ​ឃុំ​ដារ​បាន​​ឲ្យដឹងថា ​ក្នុង​រដូវ​ប្រមូល​ផល​ដំឡូង​មី​នៅ​ឆ្នាំនេះ​គឺ​ទទួលផល​ល្អ​និង​តំលៃ​ទីផ្សារ​បានល្អ​ហើយ​បាន​ដឹ​ក​យកទៅលក់​នៅតាម​ព្រំដែន​វៀតណាម​គឺ​ដឹក​ឆ្លងកាត់​បា​រ៉ា​ស់​ច្រក​ដារ​ហៅ​ដូង​៧​ដើម​គឺ​ត្រូវបាន​ចំណាយលុយ​យ៉ាងច្រើន​ទើប​អាច​ដឹក​ឆ្លងកាត់​បា​រ៉ា​ស់​ច្រក​បានការ​ចំណាយ​ គឺ​​ក្នុង​រថយន្ត​កែ​ឆ្នៃ​​គឺ​គោយន្ត​ចំណាយ​ ៦ ​ទៅ ​៨​ ម៉ឺន​រៀល​ហើយ​រថយន្ត​ធំ​គឺ​ចំណាយ​១០​ទៅ​១៨ម៉ឺន​រៀល​តំលៃ​នេះ​អាច​បន្ធូរបន្ថយ​ពេល​យើង​ដឹក​ឆ្លងកាត់​ច្រើន​ឡាន​សូម្បី​គោយន្ត​កន្ត្រៃ​ហៅ​កាឡេ​ថង​ក៏​បង់​លុ​យ​​​ដែរ​គឺ​បង់​៤​ម៉ឺន​រៀល​។​ គឺ​ការ​ចំ​​ណាយ​សម្រាប់​ឆ្លង​បា​រ៉ា​ស់គឺ​ចំណាយលុយ​យ៉ាងច្រើន​ហើយ​ការចំណាយ​នេះ​បានធ្វើអោយ​គាត់​ពិបាក​រកប្រាក់​សម្រាប់​ទ្រទ្រង់​គ្រួសារ​។​

 

​សមាជិក​ក្រុមប្រឹក្សាឃុំ​ដា​សូម​មិន​បញ្ចេញ​ឈ្មោះ​បាន​គូសបញ្ជាក់ថា​កសិផល​និង​កសិឧស្សាហកម្ម​​គេ​សង្កេតឃើញ​ប្រជាកសិករ​មកពី​គ្រប់ទិសទី បាន​ដឹក​ដំឡូង​មី ដឹក​ពោតក្រហម​តាម​រថយន្ត​តូចធំ ព្រមទាំង​ជ័រកៅស៊ូ​ស្អុយ ដឹក​តាម​ម៉ូតូ​និង​រថយន្ត​តូចៗ​រាប់រយ​គ្រឿងក្នុង​១​ថ្ងៃៗ ដើម្បី​យកទៅលក់​នៅ​ព្រំដែន​ប្រទេស​វៀតណាម  គឺ​ច្រក​ដារ ហៅ​ដូង ​៧ ​ដើម ស្ថិតនៅ​ស្រុក​មេមត់ ។ ប្រ​ជា​ព​លរដ្ឋ​រអ៊ូរទាំ​ថា​ សមត្ថកិច្ច​នៅតាម​ច្រក បាន​យកលុយ​ពី​គាត់​គឺ​រថយន្ត​ដឹក​ដំឡូង​១​គ្រឿងក្នុង​តម្លៃ​រហូតដល់​ទៅ​ ១០ ​ទៅ​ ១៨ម៉ឺន​រៀល​និង​ម៉ូតូ​ដឹក​ជ័រកៅស៊ូ ក្នុង​ម៉ូតូ​១​គ្រឿង​តំរូវ​ឲ្យ​បង់​រហូត ជិត​បី​ម៉ឺន​រៀល​ឯណោះ​។​

 ​មានការ​រំលឹក​ផងដែរ​ថា​ច្រក​ដូង ៧​ដើម​នេះ​គឺជា​ច្រក​មានកា​រនាំ​ឈើ​ខុសច្បាប់​ឆ្លងកាត់​យ៉ាង​​គគ្រឹកគគ្រេង​ផងដែរ​ ។​ ត្រូវបាន​គេ មើ​ល​ឃើ​ញ​ថា លោក អ៊ុំ ផាឡូត និង លោក កង សុភក្ត័ ជា​ប្រធាន​ច្រក​ដារ​ហៅ​ដូង​ ៧ ​ដើម​​គឺ​បាន​កំពុង​សុខ​ស្រួល​ក្នុង​ការប្រមូល​លុយ យ៉ាង​កាក់កប​បំផុត ផ្ទុយ​ពី​គោលការណ៍​ថ្នាក់លើ ព្រមទាំង​បាន​ឃុបឃិត​ឱ្យមាន​ការហូរ ចូល​ទំនិញគេចពន្ធ​ខុសច្បាប់​យ៉ាង គំហុក ផងដែរ​។​

 

ជាគោលការណ៍​ថ្នាក់លើ​និង អនុសា​ស​ន៏​ដ៏​ថ្លៃថ្លា​របស់​សម្តេចនាយក​រដ្ឋមន្ត្រី ហ៊ុន សែន មិន តម្រូវឱ្យមាន​ការយ​កលុយ រាល់​ការដឹក​អនុផល​មានដូចជា​ដំឡូង​មី​ពោតក្រហម​ស្រូវ​ជាដើម​ដោយ​មិន​អនុញ្ញាត​​ឲ្យ​ស្ថាប័ន​ណាមួយ​យកលុយ​ពី​កសិករ​នោះទេ​។​ ​មាន​បញ្ហា​ជាច្រើន​ទៀត​ដែល​កើត​មាននៅ​ច្រកទ្វារ​ច្រក​ដូង ៧​ដើម ដូចជា​ការឃុបឃិត​ឲ្យ​ក្រុម​ឈ្មួញ​នាំចូល​ទំនិញគេចពន្ធ​ក៏ដូចជា​ទំនិញ ខុសច្បាប់​មកពី​ប្រទេស​វៀតណាម នៅពេល​យប់​យ៉ាង​អនាធិបតេយ្យ សុទ្ធតែជា​ប្រភព​ចំណូល​មិនចេះ​រីងស្ងួត​របស់លោក អ៊ុំ ផាឡូត និង លោក កង សុភក្ត័  ទើប​គាត់​ចេះតែ​បន្ត​ជិះសេះ​លែងដៃ​អត់​ដែល​ខ្វល់ខ្វាយ​អ្វី​ទាំងអស់​។

download images

​អង្គភាព​ប្រឆាំង​អំពើពុករលួយ​គួរតែ​យកចិត្តទុកដាក់ ស៊ើបអង្កេត​ពី​ភាព​អសកម្ម ដែល​កំពុង​កើតមាន​យ៉ាង​អនាធិបតេយ្យ​នៅ​ច្រក​ដារ​ហៅ ច្រក​ដូង ៧​ដើម ស្រុក​មេមត់​ជាបន្ទាន់ មិនគួរ​បណ្តែត​​បណ្តោយ​ឲ្យ​លោក អ៊ុំ ផាឡូត និង លោក កង សុភក្ត័  ធ្វើ​ការងារ​តាមរបៀប​ជិះសេះ​លែងដៃ​តទៅទៀត​ទេ​៕

 

Leave a Reply

(*) Required, Your email will not be published