តើ​អ្វី​ទៅជា​ស្បៃ​អន្ធ​កាល​របស់ ហ៊ិ​ន ច័ន្ទនី​រ័ត្ន ទើប​ក្លាយ​អ្នកកាសែត​

, , Leave a comment

02-2-2015 (1)

 

​រាជធានី​ភ្នំពេញ : កាលពីពេល​ថ្មីៗ​នេះ​ពិធី​ការិនី​ប្រចាំ​ស្ថានីយ៍ទូរទស្សន៍ បាយ័ន កញ្ញា ហ៊ិ​ន ច័ន្ទនី​រ័ត្ន បាន​បដិសេធ និង​មិន​ឆ្លើយ​ជាមួយ​អ្នកកាសែត​នោះទេ បើទោះជា​អ្នកកាសែត​មួយចំនួន​ខំប្រឹងប្រែង​សួរនាំ​ពី​អាជីព​សិល្បៈ​របស់​នាង​យ៉ាងណាក្តី ក៏​នាង​បដិសេធ​មិន​ព្រម​និយាយ​ជាមួយ​ដែរ មិនដឹងថា នាង​មាន​អ្វី​លាក់បាំង ទើប​ខ្លាច​អ្វី​យ៉ាងនេះ​។​

 

​បើតាម​ប្រភព​ខ្សឹបខ្សៀវ​ដែល​ជិតស្និទ្ធ​នឹង ហ៊ិ​ន ច័ន្ទនី​រ័ត្ន បាន​បង្ហើប​ប្រាប់​ដឹងថា នាង​កំពុង​ព្យាយាម​ហាត់​ច្រៀង ដើម្បី​ឈោង​ចាប់​អាជីព​មួយ ទៀត​បន្ថែម​លើ​អាជីព​ពិធី​ការិនី​សព្វថ្ងៃ ព្រោះតែ​នាង​ខ្លាច​ប្រជាប្រិយភាព​ចាញ់​គេ​ដោយសារ​មួយរយៈ​ចុងក្រោយ​នេះ មាន​ពិធី​ការិនី តារា​សម្តែង​ជាច្រើនរូប​បាន​ងាក​មកកាន់​មេក្រូ​ហ្វូ​ន បង្ហើរ​សំនៀង​ស្ទើ​គ្រប់គ្នា​។ ប៉ុន្តែ​ខណៈដែល​តារា​រូបនេះ​កំពុង​ធ្វើ​ពិធី​ការិនី​ក្នុង​កម្មវិធី​នៅ​ស្ថា នី​យ​ទូរទស្សន៍​បាយ័ន នាង​បែរជា​មិន​ស្វាគមន៍ ចំពោះ​អ្នកព័ត៌មាន​ដែល​បាន​ព្យាយាម​សាកសួរ​ពី​ដំណើរ​អាជីព​សិល្បៈ​របស់​នាង ប៉ុន្តែ​នាង​បាន​តប​ថា នាង​មិនមាន​ព័ត៌មាន​អី​ត្រូវ​និយាយ​ជាមួយ​អ្នកកាសែត​ទេ ដូច្នេះហើយ​កុំមក​សួរ​នាង​សុំ​មិន​ឆ្លើយ​។​

 

​ពិធី​ការិនី​រូបនេះ មាន​អាថ៌កំបាំង​អ្វី​លាក់ទុក​ក្នុង​ចិត្ត​ទេ ទើប​នាង​មិន​ហ៊ាន​ផ្តល់​បទ​សម្ភាស​ជាមួយ​ក្រុម​អ្នកសារព័ត៌មាន​ដូច្នេះ​? ទង្វើ​បែបនេះ​ត្រូវបាន​ក្រុម​អ្នក​សា​ព័ត៌មាន​ខកចិត្ត​យ៉ាងខ្លាំង និង​បាន​លើកឡើងថា វា​ជា​គំរូ​មិន​គប្បី​មួយ​សម្រាប់​អ្នកសិល្បៈ ដែល​នៅពេល​ល្បី​ហើយក៏​បែរខ្នង​ដាក់​អ្នកកាសែត​។ បញ្ហា​នេះ ក្រុម​អ្នកសារព័ត៌មាន​ដដែល​បានលើកឡើង ក្នុងន័យ​ជា​សារ​មួយ​ផ្តល់​ទៅ​តារា​ដទៃ​ទៀតថា សូម​មាន​ទំនាក់ទំនង​ល្អ​ចំពោះ​អ្នកសារព័ត៌មាន និង​អ្នកសិល្បៈ​ដែល​ត្រូវ​ពឹង​គ្នា​ទៅវិញទៅមក ក្នុងន័យ​មួយ​ដើម្បី​លើកស្ទួយ​សិល្បៈ​ដូចគ្នា​។​

 

​ទង្វើ​របស់ ហ៊ិ​ន ច័ន្ទនី​រ័ត្ន នេះ​បានធ្វើ​ឲ្យ​ក្រុមអ្នកកាសែត អាក់អន់ស្រពន់ចិត្ត​យ៉ាងខ្លាំង មិនគួរណា​នាង​ធ្វើបែបនេះ​សោះ ព្រោះ​អ្នកការ​សែត​តែងតែ​ផ្សព្វផ្សាយ​ពី​សិល្បករ សិល្បការិនី ឲ្យ​គេ​បាន​ស្គាល់ និង​មានឈ្មោះ​បោះ​សំឡេង​ក្នុង​វិស័យ​សិល្បៈ មិនគួរណា​អ្នកសិល្បៈ​បាន​ល្បី​ហើយ បែរជា​គ្រាន់តែ​និយាយ​រក​ក៏​គ្មាន​ដែរ វា​ហាក់ដូចជា​មិន​សម​ទាល់តែសោះ​៕

02-2-2015 (2) 02-2-2015 (3)  02-2-2015 (5) 02-2-2015

 

Leave a Reply

(*) Required, Your email will not be published