តណ្ហា​ឡើងដល់​កម្រិត ហៅ​ប្រពន្ធ​មក​រួមរ័ក​មិនបាន គិតថា​មាន​សាហាវ ទាញ​ដេញ​កាប់​

, , Leave a comment

ខេត្តបាត់ដំបង : បុរស​ម្នាក់​ត្រូវបាន​កម្លាំង​សមត្ថកិច្ច​នៃ​ស្នងការដ្ឋាន​នគរបាល​ខេត្តបាត់ដំបង ធ្វើ​ការចាប់​ឃាត់ខ្លួន​ក្រោយ​ធ្វើ​សកម្មភាព​វាយ​ប្រពន្ធ​ខ្លួនឯង​នឹង​ខ្នងពូថៅ ព្រោះតែ​តណ្ហា និង​ការ​ប្រចណ្ឌ​។ ករណីនេះ​បានកើត​ឡើង​កាលពី​វេលា​ម៉ោង​១១​និង​៣៩​នាទី​យប់ ពីថ្ងៃ​ទី ១៣ ខែកញ្ញា ឆ្នាំ​២០១៤ ត្រង់ចំណុច​ភូមិ​រូង​អំពិល ឃុំ​ខ្នាចរមាស ស្រុក​ប​វេ​ល ខេត្តបាត់ដំបង​។​

​តាម​ចម្លើយសារភាព​ដែល​កំណើត​ថ្មី​ស្រង់​តាម​របាយការណ៍​សមត្ថ​កិច្ច​មូលដ្ឋាន​បាន​ឲ្យ​ដឹងថា ជនបង្ក​មានឈ្មោះ ប៉ែ ពៅ អាយុ ៤១ ឆ្នាំ និង​ជនរងគ្រោះ​ត្រូវជា​ប្រពន្ធ​មានឈ្មោះ ញាណ ស៊ី​ធួន អាយុ​៤១​ឆ្នាំ​។ អ្នក​ទាំង​២​រស់នៅ​កន្លែងកើតហេតុ​ខាងលើ​។ នៅ​យប់​ថ្ងៃកើតហេតុ ជនបង្ក​បាន​លួ​ម​លោមនាង ដើម្បី​រួមរ័ក​ជាមួយ ប៉ុន្តែ​នាង​នៅតែ​ពុំ​ព្រម ទើប​ខ្លួន​គិតថា​នាង​ប្រាកដជា​លួច​មាន​សា​ហាយ​ផិតក្បត់​ខ្លួន​ជាមិនខាន បានជា​ធ្វើបែបនេះ​ដាក់ខ្លួន​ទើប​គេ​សម្រេចចិត្ត​សម្លាប់​នាង​ចោល​ហើយ​សម្លាប់​ខ្លួនឯង​តែម្តង​។ គិត​រួច​បុរស​ជា​ប្តី​បាន​ងើប​ទៅ​ទាញយក​កាំបិត​ស្នៀត​ដ៏​មុត​ស្រួច​ដើរ តម្រង់​មកចាក់​នាង​តែម្តង ព្រមទាំង​បាន​យក​ពូថៅ​មក​វាយ​សំពង​បន្ថែម​ក្នុង​គោលបំណង​សម្លាប់ចោល ប៉ុន្តែ​ពេលនោះ ដោយសារតែ​នាង​ស្រែក​ឮ​ខ្លាំង​ទើប​ធ្វើ​ឲ្យ​មានការ​ភ្ញាក់ផ្អើល​ដល់ អ្នកភូមិ​រត់​មកជួយ​ព្រោងព្រាត ហើយក៏​ត្រូវ​សមត្ថកិច្ច​ចាប់ខ្លួនបាន និង​នាំយក​ទៅកាន់​អធិការដ្ឋាន​។ តែ​ទោះជា​យ៉ាងណា​នេះ​គ្រាន់តែ​ជា​ចម្លើយ​របស់​ជនបង្ក ដើម្បី​ដោះសារ​។​

​បច្ចុប្បន្ន ជនសង្ស័យ​ដែល ពាក់ព័ន្ធ​នឹង​ការប៉ុនប៉ង​មនុស្សឃាត​ដោយ​ចេតនា ត្រូវបាន​សមត្ថកិច្ច​រៀប​ចំ​កសាង​សំណុំរឿង​បញ្ជូន​ខ្លួន​ទៅកាន់​សាលាដំបូង ខេត្តហើយ​ដើម្បី​ចាត់ការ​ទៅតាម​ផ្លូវច្បាប់​៕

16-9-2014

 

Leave a Reply

(*) Required, Your email will not be published