បុរស​ម្នាក់​ត្រូវ​ដេកស្លាប់​ក្នុង​ថ្លុកឈាម ក្រោយពី​ក្រុមចោរ​ធ្វើ​សកម្មភាព​អារ​បំពង់ បំណង​ប្លន់​

, , Leave a comment

​រាជធានី​ភ្នំពេញ : បុរស​ម្នាក់​ត្រូវបាន​ក្រុមចោរ​អារ​បំពង់​សម្លាប់​កាល​វេលា​ម៉ោង​៤​និង​៣០​នាទី ព្រលឹម​ថ្ងៃទី​១៩ ខែសីហា ឆ្នាំ​២០១៤ នៅតាម​ផ្លូវ​មួយ​លេខ​៧២​សេ ភូមិ​មានជ័យ សង្កាត់​មានជ័យ ខណ្ឌមានជ័យ រាជធានី​ភ្នំពេញ​។​

 

​ជនរងគ្រោះ​ឈ្មោះ ហួត សុភាព អាយុ​៤០​ឆ្នាំ ស្នាក់នៅ​ផ្ទះជួល ក្នុង​សង្កាត់​ទឹកល្អក់​៣ ខណ្ឌទួលគោក មុខរបរ​ជា​អ្នករត់ម៉ូតូឌុប​នៅក្នុង​ខណ្ឌមានជ័យ មាន​ស្រុកកំណើត​នៅ​ខេត្តកំពង់ចាម ។ សមត្ថកិច្ច​មូលដ្ឋាន​បាន​ឲ្យ​ដឹងថា បុរស​មិនទាន់​ស្គាល់​អត្តសញ្ញាណ​ម្នាក់ ត្រូ​ជន​មិន​ស្គាល់មុខ​ចាក់​ជាច្រើន​កាំបិត និង​អារ​.​ក​ប៉ង​ប្លន់​យក​ម៉ូតូ​ហុងដា​ឌ្រី​ម សេរី​ឆ្នាំ​២០១០ ពណ៍​ខ្មៅ ពាក់​ស្លាក​លេខ​ភ្នំពេញ 1AU-2014 តែ​មិនបាន​សម្រេច ប៉ុន្តែ​គួរ​ឲ្យ​សោកស្តាយ​ម្ចាស់​ម៉ូតូ​ត្រូវ​បាត់បង់​ជីវិត ។​

 

​សមត្ថកិច្ច​បាន​រកឃើញ​តំណក់ឈាម​លើ​ដងផ្លូវ​ពី​ចំណុច​ចាប់ផ្តើម ដែល​ជន​ទុច្ចរិត​អា​រក និង​កន្លែង​ជនរងគ្រោះ ដួល​ស្លាប់​ចម្ងាយ​ប្រហែលជា​១០០​ម៉ែត្រ​។ ដូ​ច្ចេះ​សមត្ថកិច្ច​សន្និដ្ឋានថា ពេល​ជនល្មើស​ធ្វើ​សកម្មភាព​អា​រក ជន​រង គ្រោះ​ព្យាយាម​ប្រតាយប្រតប់ និង​ជិះ​ម៉ូតូ​គេចខ្លួន បង្ក​ការភ្ញាក់ផ្អើល​ដល់​ប្រជាពលរដ្ឋ រីឯ​ជនល្មើស​ឃើញ​សភាព ការណ៍​មិន​ស្រួល​ក៏​រត់គេចខ្លួន​តែម្តងទៅ​។​

 

​ប្រពន្ធ​ជនរងគ្រោះ​អ្នកស្រី ហេង វណ្ណៈ បាន​ឲ្យ​ដឹងថា ប្តី​របស់គាត់​តែងតែ​ចេញទៅ​រត់​ម៉ូតូឌុប​នៅ​ខណ្ឌមានជ័យ​ជា​រៀងរាល់ថ្ងៃ ហើយ​ការរត់​ម៉ូតូឌុប​នេះ គឺ​គាត់​រត់​តែ​ពេលយប់ និង​ទៀបភ្លឺ​ប៉ុណ្ណោះ​សល់​ពីនេះ​គាត់​ធ្វើ​ការងារ​ពេល​ថ្ងៃ​។ នៅ​ថ្ងៃកើតហេតុ​ប្តី​របស់គាត់​បានចេញ​ពី​ផ្ទះ​តាំងពី​ម៉ោង​៣​ទៀបភ្លឺ រហូតដល់​ម៉ោង​កើតហេតុ​ស្រាប់​តែមាន​គេ​ប្រាប់ថា ប្តី​របស់គាត់​ត្រូវ​ឃាតក​យក​កាំបិត​ចាក់ និង​អា​រក​សម្លាប់​យ៉ាង​អាណោចអាធ័ម​បំផុត នៅ​ចំណុច​ភូមិ​-​សង្កាត់​ស្ទឹងមានជ័យ ខណ្ឌមានជ័យ​។​

 

​សាកសព​ជនរងគ្រោះ​ត្រូវបាន​ក្រុមគ្រួសារ​យកទៅ​ធ្វើបុណ្យ​តាម​ប្រពៃណី​៕

19-8-2014 (3)

19-8-2014 (2)  19-8-2014 (4) 19-8-2014 19-8-2014 (1)

 

Leave a Reply

(*) Required, Your email will not be published