ក្រុមហ៊ុន ឌី​ឌុ​ក កាប់បំផ្លាញ​ព្រៃឈើ​ក្នុង​ដែន​ជម្រក​សត្វ​ស្នួល ក្រោម​ក្រសែភ្នែក​របស់​ស​ម​ត្ថ​កិច្ច​គ្រប់​ស្ថាប័ន​

, , Leave a comment

ខេត្តក្រចេះ ៖ ក្រុមហ៊ុន ឌី​ឌុ​ក ដែល​ទទួលបាន​ព្រៃឈើ​ដេញថ្លៃ ពី​ក្រុមហ៊ុន​សម្បទាន​សេដ្ឋកិច្ច​នៅ​ចំណុច​ឃុំ​២​ធ្នូ ស្រុក​ស្នួល ខេត្តក្រចេះ កំពុងតែ​កាប់បំផ្លាញ​ព្រៃ​ឈើ​ក្នុង​ដែន​ជម្រក​សត្វ​ស្នួល យ៉ាងខ្លាំង​ក្លា​បំផុត ហើយ​សមត្ថកិច្ច និង​អាជ្ញាធរ​ពាក់ព័ន្ធ ​មិនមាន​វិធានការ​ទប់ស្កាត់​នោះទេ ទើប​គេ​ឃើញ​ក្រុមហ៊ុន ឌី​ឌុ​ក តែង​តែ​ដឹកជញ្ជូន​ឈើ​ដែល​កាប់​ថ្មីៗ ចេញពី​ចំណុច​ដីព្រៃ​ជម្រក​សត្វ ក្រោមរូបភាព​ថា​ក្រុមហ៊ុន​នេះ ដេញថ្លៃ​ពី​ក្រុមហ៊ុន​ដី​សម្បទាន​សេដ្ឋកិច្ច ដើម្បី​ដឹកជញ្ជូន​ឈើ​ទាំង​នោះ យកទៅ​ចែកចាយ ក្នុងស្រុក​និង​មួយចំនួនទៀត​យកទៅ​ធ្វើ​ជា​អុស ប៉ុន្ដែ​សមត្ថកិច្ច និង​អាជ្ញាធរ​សុទ្ធតែ​ធ្លាប់​បានទទួល​ផលប្រយោជន៍ ពី​ក្រុមហ៊ុន ឌី​ឌុ​ក ទើប​អ្វីៗ​ចេះតែ​រលូន​ល្អ ។​

នៅ​ចំណុច​ដែន​ជម្រក​សត្វ​ស្នួល មាន​ក្រុមហ៊ុន​ចំនួន​២ គឺ​ក្រុមហ៊ុន កម្ពុជា​-​វៀតណាម និង​ក្រុមហ៊ុន សុវណ្ណ​រាជ​សី ដែលមាន​ដី​សម្បទាន​សេដ្ឋកិច្ច​រាប់ពាន់​ហិកតា នៅក្នុង​ស្រុក​ស្នួល​នោះ បានប្រគល់​ដីព្រៃ​ទៅឱ្យ​ក្រុមហ៊ុន ឌី​ឌុ​ក តាមរយៈ​ការដេញថ្លៃ ក្នុងនោះ​ក្រុមហ៊ុន ឌី​ឌុ​ក ទទួលបាន​ដីព្រៃ​ពី​ក្រុមហ៊ុន សុវណ្ណ​រាជ​សី ចំនួន​៥០០​ហិកតា និង​ដី​របស់​ក្រុមហ៊ុន​កម្ពុជា​-​វៀតណាម ចំនួន​១០០០​ហិកតា ដែល​ដីព្រៃ​ទាំងនេះ មួយចំនួន ស្ថិតនៅក្នុង​ដែន​ជម្រក​សត្វ និង​មួយចំនួនទៀត​មិន​ពាក់ព័ន្ធ​ដី ព្រៃ​ដែន​ជម្រក​សត្វ​នោះទេ ។ គេ​បាន​រាយការណ៍​មក​ថា ក្រុមហ៊ុន ឌី​ឌុ​ក តែងតែបាន​ដឹកជញ្ជូន​ឈើ​ដែល មានមុខ​កាត់​ធំៗ​ចាប់ពី​៤០​ទៅ ៥០​សង់ទីម៉ែត្រ ហើយ​ត្រូវបាន​គេ​អារកាត់​ជា​កំណាត់ៗ ប្រវែង ១​ម៉ែត្រ​កន្លះ​ទៅ​២​ម៉ែត្រ ចាត់ទុកថា​ជា​អុស​យកទៅ​បែងចែក​ប្រើប្រាស់​នៅក្នុង​ស្រុក ។​

ប៉ុន្ដែ​ជា​ទម្លាប់​ក្រុមហ៊ុន ឌី​ឌុ​ក តែងតែ​ដឹកជញ្ជូន​ឈើ ដែលមាន​មុខកាត់​ធំៗ​យកមក​ស្ដុក​ទុក នៅ​ចំណុច​ខេត្ដ​កំពង់ចាម ចូល​រោង​ម៉ាស៊ីន​របស់ខ្លួន​ច្រៀក​ធ្វើជា​ក្ដារ និង​ធ្វើជា​គ្រឿង​ឈើ​មួយចំនួនទៀត បែងចែក​លក់​នៅក្នុង​ស្រុក ក៏ដូចជា​នាំទៅ​កាន់​វៀតណាម ប៉ុន្ដែ​រូបភាព​ក្នុងការ​ដឹកជញ្ជូន​ឈើ​បែបនេះ មិនបាន​បង់ពន្ធ​ជូន​រដ្ឋ ដោយសារ​គេ​ប្រើ​រូបភាព​ថា ឈើ​ទាំងនេះ​ប្រភេទ​ជា​ឈើ​អុស កើតឡើង​ដោយ​ការឃុបឃិត​គ្នា​ជាមួយនឹង​ជំនាញ​រដ្ឋបាល​ព្រៃឈើ និង​សមត្ថកិច្ច​ដែល​ធ្លាប់តែ​ទទួល បានការ​បន្ដក់​ពី​ក្រុមហ៊ុន ឌី​ឌុ​ក ។ ប្រភព​បានបញ្ជាក់​ទៀតថា កន្លងមក​រាល់​ការដឹកជញ្ជូន​ឈើ​របស់ ក្រុមហ៊ុន ឌី​ឌុ​ក ចេញពី​ចំណុច​ដី ព្រៃ​របស់ខ្លួន ដែល​ទទួលបាន​ពី​ក្រុមហ៊ុន​សុវណ្ណ​រាជ​សី និង​ក្រុមហ៊ុន​កម្ពុជា -​វៀតណាម មន្ត្រីរដ្ឋបាល​ព្រៃឈើ  បាន​ឃុបឃិត​ឲ្យ​ក្រុមហ៊ុន ឌី​ឌុ​ក ដឹកជញ្ជូន​ឈើ  មានមុខ​កាត់​ពី​៤០​ទៅ​៥០​សង់​ទី ម៉ែត្រ ជា​ប្រភេទ​ឈើ​យកទៅ ប្រើប្រាស់​បាន និង​ត្រូវ​បង់ពន្ធ​ជូន​រដ្ឋ មិនដែល​ឃើញ​រដ្ឋបាល​ព្រៃឈើ ត្រួតពិនិត្យ​ដើម្បី​វាយ​ត្រា​បង់ពន្ធ ដោយ​គេ​ចាត់ទុកថា​ជា​ប្រភេទ​ឈើ​អុស ។​

 

​មានន័យថា រដ្ឋបាល​ព្រៃឈើ​ធ្វើការ​ត្រួតពិនិត្យ​ពី​សកម្មភាព​ដឹកជញ្ជូន​ឈើ របស់​ក្រុមហ៊ុន ឌី​ឌុ​ក ចេញពី ដែន​ជម្រក​សត្វ​ស្នួល ចេញពី​ចំណុច​ឃុំ​២​ធ្នូ ស្រុក​ស្នួល ខេត្ដ​ក្រចេះ ដែល​បាន​ដេញថ្លៃ​ពី​ក្រុមហ៊ុន សុវណ្ណ​រាជ​សី និង​ក្រុមហ៊ុន​កម្ពុជា -​វៀតណាម ត្រួតពិនិត្យ​វាយ​ត្រា ក្នុងការ​បង់ពន្ធ​តែ​ទៅលើ​ឈើ​២ ប្រភេទ​ប៉ុណ្ណោះ គឺ​ប្រភេទ​ឈើទាល និង​ឈើ​ជ័រចុង​។ ផ្ទុយទៅវិញ ការដឹកជញ្ជូន​របស់​ក្រុមហ៊ុន ឌី​ឌុ​ក មិន​ត្រឹមតែ​ដឹកជញ្ជូន​ឈើ​ដែលមាន​មុខកាត់​ធំៗ ហើយ​ត្រូវបាន​កាប់បំផ្លាញ​ថ្មីៗ ដោយ​មិនបាន​បង់ពន្ធ​ជូន​រដ្ឋ ក្រោម​ការត្រួតពិនិត្យ វាយ​ត្រា​ពី​រដ្ឋបាល​ព្រៃឈើ​ប៉ុណ្ណោះ​ទេ មាន​ឈើ​ប្រណីត​ប្រមាណ​ពី ២០​ទៅ​៣០​ភាគរយ ដូចជា​ប្រភេទ​ឈើ​បេង នាងនួន និង​គ្រញូង ត្រូវបាន​ក្រុមហ៊ុន​នេះ​បង្កប់ ជាមួយ​ប្រភេទ​ឈើទាល ឈើ​ជ័រ ចុង ក៏ដូចជា​អុស សុទ្ធសឹងតែ​ជា អំពើពុករលួយ​ដែលមាន​ការឃុបឃិត​គ្នា ជាមួយ​ជំនាញ រដ្ឋបាល​ព្រៃឈើ និង​សមត្ថកិច្ច ជាច្រើន​ស្ថាប័ន​ទៀត ។​

 

​ដូច្នេះ​នៅពេលដែល​ក្រុមហ៊ុន ឌី​ឌុ​ក កំពុង​ដឹកជញ្ជូន​ឈើ​ហើយ ជ្រក​ក្រោម​ច្បាប់​អនុញ្ញាត ឱ្យ​ប្រមូល​ឈើ​ពី​ដីព្រៃ​របស់​ក្រុមហ៊ុន កម្ពុជា​-​វៀតណាម និង​ក្រុមហ៊ុន សុវណ្ណ​រាជ​សី ចំណុច​២​ធ្នូ ស្រុក​ស្នួល បែបនេះ​រឹតតែ​ធ្វើឱ្យ​លោក ប្រាក់ សំបូរ នាយផ្នែក​រដ្ឋបាល​ព្រៃឈើ​ឆ្លូង និង​នាយ​ខណ្ឌ​រដ្ឋបាល​ព្រៃឈើ​ខេត្ដ​ក្រចេះ អនុញ្ញាត​ឱ្យ​​ក្រុមហ៊ុន ឌី​ឌុ​ក ដឹកជញ្ជូន​ឈើ​ឆ្ពោះទៅ​ខេត្ដ​កំពង់ចាម ដែល​មិនបាន​បង់ពន្ធ​ជូន​រដ្ឋ ទាំង​ឈើ​ប្រណីត និង​ឈើ​កាប់​ថ្មីៗ មួយចំនួនទៀត ក្រោមរូបភាព ជាការ​ដឹកជញ្ជូន​ប្រភេទ​ឈើ​អុស ប៉ុន្ដែ​ធាតុពិត​ក្រុមហ៊ុន ឌី​ឌុ​ក បាន​ដឹកជញ្ជូន​ឈើ​ដែលមាន​មុខកាត់​ធំៗ ចូលទៅក្នុង​រោង​ម៉ាស៊ីន​របស់ខ្លួន ច្រៀក​ធ្វើជា​ក្ដារ និង​គ្រឿង​ជាច្រើន​ទៀត សម្រាប់​លក់​នៅក្នុង​ស្រុក និង​នាំ​ចេញទៅ​វៀតណាម ដែល​ល្បី​ពេញ​ខេត្ដ​កំពង់ចាម ហើយ​ក៏មាន​បង្កប់​ផងដែរ​ប្រភេទ ឈើ​បេង ធ្នង់ និង​ឈើ​គ្រញូង ដែល​សមត្ថកិច្ច​ពុំបាន​ចាត់វិធានការ បន្ទាប់ពី​អ្នកចាត់ចែង​របស់ ក្រុមហ៊ុន ឌី​ឌុ​ក តែងតែ​បែងចែក នូវ​ប្រយោជន៍​រាល់​ការដឹកជញ្ជូន ខុសច្បាប់​ឲ្យ​ទៅ​មន្ត្រី និង​សមត្ថកិច្ច​ពាក់ព័ន្ធ ៕

4444

ប្រភព វត្ត​ភ្នំ

 

Leave a Reply

(*) Required, Your email will not be published