ជនសង្ស័យ​២​នាក់​ត្រូវបាន​សមត្ថកិច្ច​ឃាត់ខ្លួន ពាក់ព័ន្ធ​ករណី​ចែកចាយ​គ្រឿងញៀន​

, , Leave a comment

​រាជធានី​ភ្នំពេញ ៖ ជនសង្ស័យ​២​នាក់​ត្រូវបាន​សមត្ថកិច្ច​ធ្វើការ​ឃាត់ខ្លួន ខណៈដែល​កំពុង​ធ្វើ​សកម្មភាព​ចែកចាយ​គ្រឿងញៀន កាលពី​វេលា​ម៉ោង​១១​យប់​ថ្ងៃទី​៣ ខែមិថុនា ស្ថិត​ក្នុងភូមិ​ត្រពាំង​ឈូក សង្កាត់​ទឹកថ្លា ខណ្ឌ​សែន​សុខ រាជធានី​ភ្នំពេញ​។​

 

​ប្រភពពី​សមត្ថកិច្ច​បា​ន​ឲ្យ​ដឹងថា ជនសង្ស័យ​ទាំង​២​នាក់​ដែល​ឃាត់ខ្លួន​នោះ​មានឈ្មោះ ឡាវ សិលា ភេទ​ប្រុស អាយុ​២៦​ឆ្នាំ ស្នាក់នៅ​សង្កាត់​ផ្សារ​ដេប៉ូ​៣ ខណ្ឌទួលគោក និង​ម្នាក់ទៀត​ឈ្មោះ ឈួន ឆៃ ភេទ​ប្រុស អាយុ​២៥​ឆ្នាំ ស្នាក់នៅ​កន្លែងកើតហេតុ​ខាងលើ មាន​ស្រុកកំណើត​នៅ​ខេត្តព្រៃវែង ។ ក្រោយ​ឃាត់ខ្លួន​សមត្ថកិច្ច​បាន​ដកហូត​បាន​គ្រឿងញៀន​ប្រភេទ​ម៉ា​ទឹកកក​៦​កញ្ចប់​តូច ២​កញ្ចប់​ធំ ថ្នាំ​គ្រាប់​ពណ៌​ផ្កាឈូក​២​កញ្ចប់​តូច ជញ្ជីង​ថ្លឹង​១ ទូរស័ព្ទ​២​គ្រឿង និង​ឧបករណ៍​មួយចំនួនទៀត​។​

 

​បច្ចុប្បន្ន​ជនសង្ស័យ​ទាំង​២​នាក់​រួមជាមួយ​វត្ថុតាង​ត្រូវបាន​កងរាជអាវុធហត្ថ​ឃាត់ខ្លួន​យកទៅ សាកសួរ​នៅ​ទីបញ្ជាការដ្ឋាន​កងរាជអាវុធហត្ថ​ខណ្ឌ​សែន​សុខ​រួច​កសាង សំណុំរឿង​បញ្ជូនទៅ កងរាជអាវុធហត្ថ​រាជធានី​ភ្នំពេញ ៕

05-6-2014

 

Leave a Reply

(*) Required, Your email will not be published