កម្លាំង​សមត្ថកិច្ច​ស្រុក​ថ្ពង រង​ការ​រិះគន់ថា បង្ក្រាប​បានតែ​ឈើ​កាត់​ហើយ តែ​អ្នកប្រព្រឹត្ត​ដេក​នៅផ្ទះ​ធ្វើ​ព្រងើយ​

, , Leave a comment

​ខេត្តកំពង់ស្ពឺ ៖ ទីតាំង​រោង​ម៉ាស៊ីន​រ៉ៃ​អារឈើ​ខុសច្បាប់​មួយកន្លែង ត្រូវបាន​សមត្ថកិច្ច​ចុះបង្ក្រាប​កាលពី​ថ្ងៃទី​២១ ខែឧសភា ឆ្នាំ​២០១៤ នៅ​ត្រ​ង់​ចំ​ណុ​ច​ជាប់មាត់​ស្ទឹង ក្នុងភូមិ​វាល​ពន់ ឃុំ​មនោ​រម្យ ស្រុក​ថ្ពង ខេត្តកំពង់ស្ពឺ ដែល​ដឹកនាំ​កម្លាំង​ដោយ​លោក ម៉ុ​ត ដា​រ៉ា ព្រះរាជអាជ្ញារង អម​សា​លា​ដំ​បូ​ង​ខេត្ត ។ សកម្មភាព​ចុះបង្ក្រាប រោង​ម៉ាស៊ីន​រ៉ៃ​អារឈើ​ខាងលើនេះ​សមត្ថកិច្ច​រឹម​អូស​បាន​ឈើមូល​ជាង​៦០​ដុំ ប៉ុន្តែ​ម្ចាស់​ម៉ា​ស៊ិន​អា​ឈើ​ខុសច្បាប់​មិ​ន​ត្រូវ​បាន​ឃាត់ខ្លួន​ឡើយ ។ ចំណែក​ក្រោយពេល​បង្ក្រាប​វត្ថុតាង​ត្រូវបាន​បញ្ជូនមក​រក្សាទុក​នៅក្នុង​អធិការដ្ឋាន ស្រុក​ថ្ពង រង់ចាំ​ចាត់ការ​បន្ត តាម​នី​តិ​វិធី​ច្បាប់ ។​

 

​លោក ម៉ុ​ត ដា​រ៉ា ព្រះរាជអាជ្ញារង អម​សាលាដំបូង​ខេត្តកំពង់ស្ពឺ បាន​ប្រាប់​ឲ្យ​ដឹងថា សកម្មភាព​បង្ក្រាប​រោង​ម៉ាស៊ីន​រ៉ៃ​អារឈើ​អត់​ច្បាប់​នោះ មា​ន​កា​រ​​សហការ​ជាមួយ​កម្លាំង​សមត្ថកិច្ច​ប៉ូលិស និង​អាជ្ញាធរ​រដ្ឋអំណាច​មូល​ដ្ឋា​ន ។ ឈើ​ដែល​ដកហូត​បាន​មាន​ប្រភេទ​ផ្ចឹក សុ​ក្រំ ជាង​៦០​ដុំ ម៉ាស៊ីន​រ៉ៃ ប៉ុ​ន្តែ​​ម្ចាស់​បាន​រត់​គេចខ្លួនបាត់ ។ ទីតាំង​ម៉ាស៊ីន​រ៉ៃ​ដែល​ធ្វើ​សកម្មភាព​អារឈើ​ដោយ​ខុសច្បាប់​នោះ ពួកគេ​ធ្វើ​សកម្មភាព​ជាច្រើន​ខែ​កន្លងមកហើយ ប៉ុ​ន្តែ​​ទើបតែ​រុក​រកឃើញ​ត្រូវ​បង្ក្រាប​តែម្តង ។

 

​សូមបញ្ជាក់ថា សកម្មភាព​ដឹកជញ្ជូន​ឈើ​ដោយ​ខុសច្បាប់ ចេញពី​ស្រុក​ឱ​រ៉ា​ល ឆ្លងកាត់​ផ្លូវ​លេខ​៥២ ដូច​ហែរ​កឋិន​តាម​គោយន្ត និង​រទេះគោ​រា​ប់​សិ​ប​​គ្រឿងក្នុង​មួយថ្ងៃៗ ប៉ុន្តែ​អស់លោក​ជា​សមត្ថកិច្ច ដែល​ឈរ​តាម​ដងផ្លូវ និង​មន្ត្រី​ជំនាញ​មិនបាន​ទប់ស្កាត់​ឡើយ អង្គុយ​សំកុក​ចាំតែ​យកលុយ​តែប៉ុណ្ណោះ ។ ចំពោះ​ឈើ​ដែល​ដឹក​មកពី​ស្រុក​ឱ​រ៉ា​ល់ ត្រូវបាន​ដាក់​តាម​រោង​ម៉ាស៊ីន​តូចធំ នៅក្នុង​ព្រៃ​រួច​ធ្វើ​សកម្មភាព​យ៉ាង​អនាធិបតេយ្យ ៕

24-5-2014 (1) 24-5-2014 (2) 24-5-2014 (3) 24-5-2014 (4) 24-5-2014 (5)

 

Leave a Reply

(*) Required, Your email will not be published