ខេត្តព្រះសីហនុ ៖ ស្ថាប័នគយច្រកកំពង់ផែស្វយ័តខេត្តព្រះសីហនុ បានបង្ហាញអំពី ការចាប់បានភ្លុកដំរី ប្រមាណជាងបីតោន កាលពីថ្ងៃទី៩ ខែឧសភា ឆ្នាំ២០១៤ កន្លងមកដល់ក្រុមអ្នក កាសែត និងទូរទស្សន៍ ។ កាលពីព្រឹកថ្ងៃទី២២ ខែឧសភា ឆ្នាំ២០១៤ម្សិលមិញក្នុងសាលប្រជុំកំពង់ផែស្វយ័ត ខេត្តព្រះសីហនុ មន្ត្រីគយបានអះអាងថា គយគ្មានបំណងលាក់លៀម ព័ត៌មានអ្វីទេ ប៉ុន្តែមានការយឺតយ៉ាវ ផ្នែកបច្ចេកទេស ព្រោះលទ្ធផលដែលទទួលបាននេះ គឺមកពីការប្រើប្រាស់ជំនាញសុទ្ធសាធ ។
លោក គិន លី បានថ្លែងនៅក្នុងសន្និសីទកាសែតនោះថា ភ្លុកដំរី ដែលមានចំនួនរហូតទៅដល់ ៣.០០៨គីឡូក្រាម ដែលមានប្រភពចេញមកពីប្រទេសកេនយ៉ា ឆ្លងកាត់ប្រទេសម៉ាឡេស៊ី មកកម្ពុជា ឆ្ពោះទៅទីផ្សារ នៅអាស៊ីយើង ព្រោះនៅអាស៊ីយើង គេមានជំនឿ លើភ្លុកដំរីនេះ ៕
