រថយន្ដ លោកស្រី លី ធីតា ប្រធាន​មន្ទីរ​ហិរញ្ញវត្ថុ​ខេត្ដ​កំពង់ចាម​បើក​បុក​ស្លាប់​២​នាក់​ប្តី​ប្រពន្ធ និង​របួសធ្ងន់​ម្នាក់ មិន​ទទួលខុសត្រូវ​

, , Leave a comment

ខេត្ដ​កំពង់ចាម ៖ កាលពី​វេលា ម៉ោង​៥​ព្រឹក ថ្ងៃទី​២២ ខែឧសភា ឆ្នាំ ២០១៤ រថយន្ត​ហាយ​ឡិន​ឌ័​រ​ពណ៌​ទឹកមាស ពាក់​ស្លាក​លេខ រដ្ឋ​10 2-0212  ត្រូវបាន​គេ​ដឹងថា ជា​របស់​​លោកស្រី​ប្រធាន​មន្ទីរ​ហិរញ្ញវត្ថុ និង​សេដ្ឋកិច្ច​ខេត្តកំពង់ចាម បាន​ជួប​ឧប្បត្តិហេតុ​គ្រោះថ្នាក់​ចរាចរណ៍​មួយ​ដ៏​រន្ធត់ បើក​ទៅបុក​គោយន្ដ​១​គ្រឿង​នៅតាម​បណ្ដោយ​ផ្លូវជាតិ​លេខ៦ ក្នុង​​ភូមិ​រវៀង ឃុំ​ថ្ម​ដំបង ស្រុក​ជើងព្រៃ រួចហើយ​បាន​ជ្រុល​ទៅបុក​ប្ដី​ប្រពន្ធ​កំពុង​ជិះ​ម៉ូតូ​២​នាក់​​ឱ្យស្លាប់ភ្លាមៗ​។​

 

​ប្រភពពី​សមត្ថកិច្ច​បា​ន​ឱ្យដឹងថា នៅ​មុនពេល​កើតហេតុ គេ​ឃើញ​រថយន្ត​ហាយ​ឡែ​ន​ឌ័​រ​​ជិះ​គ្នា​៣​នាក់  បើក​ដោយ​បុរស​ម្នាក់​និង​អ្នកជិះ​ខាងក្នុង គឺ​លោកស្រី លី ធីតា ប្រធាន​មន្ទីរ​សេដ្ឋកិច្ច​និង​ហិរញ្ញវត្ថុ​ខេត្ដ​កំពង់ចាម​បាន​បើក​ក្នុង​ល្បឿន​លឿន​ក្នុងទិសដៅ​ពី​​ខេត្ដ​កំពង់ចាម​ឆ្ពោះទៅ​ភ្នំពេញ​។ ស្របពេល​មកដល់​ត្រង់​ការដ្ឋាន​ធ្វើ​ផ្លូវថ្នល់​ត្រង់​ភូមិ​រវាង ក៏បាន​ទៅបុក​គោយន្ត​កន្ត្រៃ​យ៉ាង​ពេញទំហឹង​រហូត​ដាច់​កង់​គោយន្ត​នោះ ខណៈ​បើក​បញ្ច្រាសទិស​គ្នា បណ្តាលឱ្យ​អ្នកបើក​គោយន្ត​ផ្លោង​ធ្លា​ក់លើ​ថ្នល់​ហើយ​រថយន្ត​​ហាយ​ឡែ​ន​ឌ័​រ​ក៏​ជ្រុល​ល្បឿន​ទៅបុក​ម៉ូតូ​C100​កូរ៉េ​មួយគ្រឿង​ទៀតដែល​ជិះ​២​នាក់​ប្តី​ប្រពន្ធ​ក្នុងទិសដៅ​ពី​លិច​មក​កើត​យ៉ាង​ពេញទំហឹង បណ្តាលឱ្យ​ស្លាប់​ភ្លាមៗ​ទាំង​២​នាក់ ហើយ​រថយន្ត​ក៏​ធ្លាក់ចូល​ប្រ​ទ្បា​យ​ទៅមុខ​លែងរួច រីឯ​អ្នកបើកបរ​រថយន្ត​បង្ក​វិញ​បាន​បើកទ្វារ​រត់​​គេចខ្លួនបាត់ បន្សល់ទុក​តែ​រថយន្ត​នៅ​កន្លែងកើតហេតុ ។​

 

​មន្ត្រី​ប៉ូលីស​ចរាចរស្រុក​ជើងព្រៃ​បាន​រៀបរាប់​អោយដឹងថា ជនរងគ្រោះ​២​នាក់​ប្ដី​ប្រពន្ធ​ដែល​ត្រូវ​រថយន្ដ​របស់លោកស្រី លី ធីតា ប្រធាន​មន្ទីរ​សេដ្ឋកិច្ច និង​ហិរញ្ញវត្ថុ​ខេត្ដ​កំពង់ចាម​បុក​ឱ្យ​ស្លាប់នោះ​គឺ​ប្ដី​ឈ្មោះ​ ឃុ​ត ស​ល្យ អាយុ​៣៧​ឆ្នាំ រីឯ​ប្រពន្ធ​ឈ្មោះ​ ខាំ ស្រី​ឡឹង អាយុ​៣៥​ឆ្នាំ រស់នៅ​ភូមិ​កណ្ដាល ឃុំ​ផ្អាវ ស្រុក​បាធាយ ខេត្ដ​កំពង់ចាម ។ ចំណែក​អ្នករបួសធ្ងន់​ឈ្មោះ ​ម៉េង ស្រ៊ុន ភេទ​ប្រុស អាយុ​៣២​ឆ្នាំ ជា​អ្នកបើក​គោយន្ត​កន្ត្រៃ មាន​ទី​លំ​ក្នុងភូមិ​ស្ទឹង​ឆ្វេង ឃុំ​ច្បារអំពៅ ស្រុក​បាធាយ ត្រូវបាន​គេ​បញ្ជូនទៅ​សង្គ្រោះ​មន្ទីរពេទ្យ​រាជធានី​ភ្នំពេញ​។​ ​ដោយឡែក​អ្នកបើកបរ រថយន្ដ​ឱ្យ​ប្រធាន​មន្ទីរ​សេដ្ឋកិច្ច​និង​ហិរញ្ញវត្ថុ បាន​រត់​គេចខ្លួនបាត់​ស្រមោល​។

 

​តាមប្រភពព័ត៌មាន​នៅ​កន្លែង​កើតហេតុ​បានឱ្យដឹងថា នៅ​បន្ទាប់ពី​មានករណី​បង្ក​គ្រោះ​​ថ្នាក់​កើតឡើង​អ្នកបើកបរ​រថយន្ដ​ឱ្យ​ប្រធាន​មន្ទីរ​សេដ្ឋកិច្ច​ និងហិរញ្ញវត្ថុ​បាន​រត់គេចខ្លួនហើយ លោកស្រី លី ធីតា ប្រធាន មន្ទីរ​ហិរញ្ញវត្ថុ​រូបនេះ​បាន​ចាកចេញ​តាម​ក្រោយពី​កន្លែងកើតហេតុ​ដោយ​មិន​ទទួលខុសត្រូវ​តាម​រថយន្ត​មួយ​ផ្សេងទៀត​បាត់ស្រមោល​។​ ​ដែល​គេ​គិតថា​ប្រហែល​ទៅ​ព្យ​បាល​មុខរបួស​ព្រោះ​អាចមាន​រងរបួស​ដែរ​។​

 

​លោកស្រី លី ធីតា ប្រធាន​មន្ទីរ​សេដ្ឋកិច្ច និង​ហិរញ្ញវត្ថុ​ខេត្ដ​កំពង់ចាម​មាន​ករណីរ​ថ​យន្ត​បង្ករ​​គ្រោះថ្នាក់​ចរាចរ​បណ្តាល​អោយមាន​មនុស្ស​ស្លាប់​និង​របួស​មិន​ទទួលខុសត្រូវ​ដោយ​​ជន្លៀស​ខ្លួន​ចេញពី​កន្លែងកើតហេតុ​ភ្នាក់ងារ​សារ​ព័ត​មានកំណើត​ថ្មី មិនអាច​រក​ការពន្យល់​បានទេ​៕

Made by Samsung DVC Made by Samsung DVC

 

Leave a Reply

(*) Required, Your email will not be published