ជិះ​ម៉ូតូ​ធុន​ធំ​បើកបរ​ក្នុង​ភាព​សង្ហា ទៅ​ប្រហារ​រថយន្ត​សាំ​យ៉ុង ស្លាប់​មួយ របួសធ្ងន់​២​នាក់​

, , Leave a comment

​ខេត្តកណ្តាល ៖ យ៉ាងហោចណាស់​មនុស្សម្នា​ក់បាន​ស្លាប់ និង​២​នាក់​ទៀត​បាន​រងរបួស​ធ្ងន់ ក្នុង​ហេតុការណ៍​គ្រោះថ្នាក់​ចរាចរណ៍​មួយ​ដែល​ប​ណ្តា​ល​មកពី​ម៉ូតូ​បុក​ជាមួយ​រថយន្ត​នៅលើ​កំណាត់​ផ្លូវជាតិ​លេខ​២១​បេ​កាលពី​វេលា​ម៉ោង​២៣​និង​៥០​នាទី​ថ្ងៃទី​១៩ ខែឧសភា ឆ្នាំ​២០១៤ នៅ​ចំណុច​ម្តុំ​ផ្ទះ​លក់​គ្រឿងសំណង់​យីហោ​ព្រុំ​ភា​រម្យ​ស្ថិតក្នុង​សង្កាត់​តាខ្មៅ ក្រុង​តាខ្មៅ ខេត្តកណ្តាល​។​

 

​ប្រភពពី​សមត្ថកិច្ច​មូល​ដ្ឋា​ន​បាន​ឲ្យ​ដឹងថា ជនរងគ្រោះ​ដែល​ស្លាប់បាត់​បង់ជីវិត​ក្រោយពេល​បញ្ចូនទៅ​មន្ទីរពេទ្យ​មានឈ្មោះ សែម ចាន់​ធា ភេទ​ប្រុស អាយុ​២២​ឆ្នាំ មាន​ទីលំនៅ​ក្នុងភូមិ​ព្រែ​អំបិល ឃុំ​ព្រែក​អំបិល ស្រុក​ស្អាង ខេត្តកណ្តាល ជា​អ្នកបើកបរ​ម៉ូតូ​ម៉ាក​ហុងដា​FTR ពណ៌​ខ្មៅ គ្មាន​ស្លាក​លេខ និង​អ្នករួមដំណើរ​២​នាក់​ដែល​រងរបួស​ធ្ងន់​នោះ​មានឈ្មោះ ខា​ឈី​ត ភេទ​ប្រុស អាយុ​២២​ឆ្នាំ និង​ម្នាក់ទៀត​មានឈ្មោះ ឃ្លឿ​ន ហុង ភេទ​ប្រុស អាយុ​២២​ឆ្នាំ អ្នក​ទាំង​២​នាក់​មាន​ទីលំនៅ​ក្នុងភូមិ​ព្រែក​ហ៊ីង ឃុំ​ព្រែក​ស្តី ស្រុក​កោះធំ ខេត្តកណ្តាល ក្នុង​ល្បឿន​យ៉ាង​លឿន​តាម​បណ្តោយ​ផ្លូវជាតិ​លេខ​២១​បេ ក្នុងទិសដៅ​ពី​ត្បូង​ទៅ​ជើង (​ពី​ស្រុក​ស្អាង​ទៅ​ក្រុង​តាខ្មៅ​) ខណៈ​បើក​មកដល់​ចំណុចកើតហេតុ បាន​រេ​ចង្កូត​ទៅខាង​ឆ្វេង​ដៃ​ផុត​គំនូស​ពុះ​​ចែក​ទ្រូងផ្លូវ​បុក​ជាមួយ​រថយន្ត​ម៉ាក​សាំ​យ៉ុង​១២​កៅអី​ពណ៌​ស្លែ ពាក់​ស្លាក​លេខ​ភ្នំពេញ​2K-4490 បើកបរ​ដោយ​ជន​មិន​ស្គាល់​អត្តសញ្ញាណ​ក្រោ​យ​ពី​កើតហេតុ​បាន​ចុះ​ពីលើ​រថយន្ត​គេចខ្លួនបាត់​។​

 

​ក្រោយពី​មាន​ហេតុការណ៍​កើតឡើង​ជនរងគ្រោះ​ទាំង​៣​នាក់​ត្រូវបាន​សមត្ថកិច្ច​នគរ​បាល​ចរាចរណ៍​ក្រុង​តាខ្មៅ​ហៅ​រថយន្ត​សាមុយ​របស់​ស្នងការដ្ឋាន​នគរបាល​ខេត្តកណ្តាល​ដឹកយក​ទៅ​សង្គ្រោះ​នៅ​មន្ទីរពេទ្យ​ជ័យជំនះ​ក្រុង​តាខ្មៅ តែ​ដោយ​សភាព​របួស​ធ្ងន់ធ្ង​រ​ជនរងគ្រោះ​ម្នាក់​បាន​ដាច់ខ្យល់​ស្លាប់​តែម្តង​។ ចំណែក​រថយន្ត​និង​ម៉ូតូ​ត្រូវបាន​សមត្ថកិច្ច​នគរ​បាល​ជំនាញ​ចរាចរណ៍​ក្រុង​តាខ្មៅ​ធ្វើ​កំណត់ហេតុ និង​យកទៅ​រក្សាទុក​នៅ​អធិការដ្ឋាន​នគរបាល​ក្រុង​តាខ្មៅ​ដើម្បី​ចាត់ការ​តាម​នីតិវិធី​ច្បាប់​៕

22-5-2014 (1) 22-5-2014 (2)

 

Leave a Reply

(*) Required, Your email will not be published