ជន​មិន​ស្គាល់មុខ​គប់​គ្រាប់បែក​ចូល​ផ្ទះ​លោក សាយ ណូ​រ៉ា ជាការ​ស្វាគមន៍​ព្រះរាជអាជ្ញារង​ខេត្តកំពង់ធំ​

, , Leave a comment

​ខេត្តកំពង់ធំ ៖ ជន​មិន​ស្គាល់មុខ បាន​គប់​គ្រាប់បែក​ចូលទៅក្នុង​ផ្ទះ​លោក សាយ ណូ​រ៉ា ព្រះរាជអាជ្ញារង អម​សាលា ដំបូង​ខេត្តកំពង់ធំ កាលពី​វេលា​ម៉ោង ៨​និង​១០​នាទី​យប់​ថ្ងៃទី​១៧ខែឧសភា ឆ្នាំ ២០១៤​បាន​បង្ករ​ការភ្ញាក់ផ្អើល​កណ្តាល​ក្រុង​ស្ទឹងសែន ខេត្តកំពង់ធំ ។​

 

​ប្រភពព័ត៌មាន​ពី​កន្លែងកើតហេតុ​បាន​ឲ្យ​ដឹងថា  ជន​មិន​ស្គាល់មុខ បាន​គប់​គ្រាប់បែក ពី​ក្រៅរបង​ផ្ទះ​របស់លោក សាយ ណូ​រ៉ា ព្រះរាជអាជ្ញារង ខេត្តកំពង់ធំ ចូលទៅ​ក្នុងផ្ទះ បង្ករ​ឲ្យ​បង្ក​ឲ្យ​មានការ​ភ្ញាក់ផ្អើល ខណៈដែល​បំណែក​គ្រាប់បែក​ទៅ​ប៉ះ​នឹង​ជញ្ជាំង​ឡើង​សុះ​តែ​សំណាងល្អ ពុំបាន​ធ្វើ​ឲ្យ​មាន​មនុស្ស​រងគ្រោះ​នោះឡើយ ដោយសារតែ​នៅ​ថ្ងៃកើតហេតុ​លោក សាយ ណូ​រ៉ា នាំ​ក្រុមគ្រួសារ មក​រាជធានី​ភ្នំពេញ ហើយ​បាន​ទុក​ផ្ទះ​ចោល ពុំមាន​មនុស្ស​នៅ​ក៏​ជន​មិន​ស្គាល់មុខ ឆ្លៀតឱកាស​យក​គ្រាប់បែក​ទៅ​គប់​ចូលក្នុង​ផ្ទះ​តែម្តង ។ បន្ទាប់ពី​កើតហេតុ​លោក ស្នងការរង ព្រះរាជអាជ្ញារង និង​កម្លាំង​សមត្ថកិច្ច​ស្ថាប័ន​ពាក់ព័ន្ធ​បាន​ចុះទៅ ពិ​និត្យនៅ​កន្លែងកើតហេតុ ។​

 

​ប្រភព​ដដែល​បាន​ឲ្យ​ដឹង​ទៀតថា មុនពេល​ផ្ទុះ​គ្រាប់បែក​មាន​ភ្លៀង​ធ្លាក់​ស្រេចៗ ផ្លេកបន្ទោរ​ហើយ​មាន​រថយន្ត​មួយគ្រឿង មិន​ស្គាល់​ប្រភេទ បាន​បើក​ហួស​ចំណុច​ផ្ទុះ​គ្រាប់បែក​នោះ​ប្រមាណ​១០​ម៉ែត្រ ក៏​ស្រាប់តែ​លាន់​ស្នូរ​គ្រាប់បែក​ផ្ទុះ ឡើង​យ៉ាង​កក្រើក​ដី នៅក្នុង​របង​ផ្ទះ​របស់លោក សាយ ណូ​រ៉ា ព្រះរាជអាជ្ញារង អម​សាលាដំបូង​ខេត្តកំពង់ធំ  តែ​ទោះជា​មានការ​គប់​គ្រាប់បែក​នេះ ក៏ត្រូវ​បាន​មហាជន​ទូទៅ​ខ្សឹបខ្សៀវ​គ្នា​ថា ការ​គប់​គ្រាប់បែក​នេះ​មិនមែន ប៉ុនប៉ង​ធ្វើឃាត​នោះទេ តែ​ជាការ​គំរាម មកលើ​ព្រះរាជអាជ្ញារង​ថ្មី និង​ជា​កិច្ច​ស្វាគមន៍ ។​

 

​មហាជន​ទូទៅ​បាន​និយាយថា ករណី​ដែលមាន​ការ​គប់​គ្រាប់បែក​នេះ​ប្រហែលជា​លោក សាយ ណូ​រ៉ា ដែល​ទើបតែ​ផ្លាស់​មកពី​ខេត្តព្រៃវែង ហើយ​មក​អនុវត្តន៍​ច្បាប់​កសាង​យក​ស្នាដៃ​ក្នុង​ខេត្តកំពង់ធំ  ដោយ​បានធ្វើ​សកម្មភាព​បង្ក្រាប​បទល្មើស​ព្រៃឈើ​យ៉ាង​សកម្មភាព ទាំង​ការដឹកជញ្ជូន ទាំង​ការ​ស្តុ​ប​ទុក និង​រឹបអូស​បាន​វត្ថុតាង រួមមាន​ឈើ​ជិត​១០០​ម៉ែត្រគូប និង​រថយន្ត​ជាច្រើន​គ្រឿង ចាប់​ជនសង្ស័យ​ដាក់​ព​ន្ឋ​នាគារ​ជាង​១០​នាក់ ក្នុងនោះ​លទ្ធផល​ដែល​បង្ក្រាបបាន បានធ្វើ​ឲ្យ​ថ្នាក់ដឹកនាំ​ពេញចិត្ត​ពេញ​ថ្លើម ញញឹម​ស្ទើរតែ​មិន​ឈប់ តែ​វា​ជា​បន្លា​រារាំង​ដល់​ក្រុម​ឈ្មួញ​មួយចំនួន សុទ្ធតែជា​កងកម្លាំងប្រដាប់អាវុធ ដែល​បានធ្វើ​សកម្មភាព​ប្រកបមុខរប​រកស៊ី​ឈើ បានធ្វើ​ឲ្យ​ក្រុម​ឈ្មួញ​ប្រដាប់អាវុធ​ទាំងនេះ​បាន​ខាតបង់​ផលប្រយោជន៍ ម្យ៉ាងទៀត​សំណុំរឿង​ជាច្រើន កំពុងតែ​ត្រូវបាន​ស៊ើបអង្កេត ទើប​ក្រុម​ឈ្មួញ​ទាំងនេះ​មានការ​ភិតភ័យ ហើយក៏​ប្រើ​វិធានការ​ស្វាគមន៍ ដោយ​គ្រាប់បែក ដើម្បី​បង្អាក់​សកម្មភាព​ព្រះរាជអាជ្ញា ឬ​អាច​ថា​ជាការ​កាច់ធ្មុង​ក៏បាន​ដែរ ។​

 

​ក្នុងនោះ​ក៏មាន​ប្រជាពលរដ្ឋ​ជាច្រើន បាន​និយាយថា តើ​សកម្មភាព​របស់លោក ព្រះរាជអាជ្ញា​រូបនេះ​មានលទ្ធភាព ក្រសោប​ជនដៃដល់​ដែល​ហ៊ាន​ស្វាគមន៍​លោក​ជាមួយ​គ្រាប់បែក ដើម្បី​ចាប់ យកមក​ផ្តន្ទាទោស​តាមច្បាប់​បានដែរ​ឬទេ​?៕

Image42 Image40 Image38 Image37 Image36 Image34

 

 

Leave a Reply

(*) Required, Your email will not be published