ចុះ​ពីលើ​ស្ពាន​ព្រះមុនីវង្ស​ថ្មី ហ្វ្រាំង ជាន់​មិន​ស៊ី​បុក​រះ​ម៉ូតូ ៣​គ្រឿង និង​រថយន្ត​២​គ្រឿង​

, , Leave a comment

​រាជធានី​ភ្នំពេញ ៖ ហេតុការណ៍​ភ្ញាក់ផ្អើល​មួយ​បាន​កើតឡើង​កាលពី​វេលា​ម៉ោង​៩​និង​១០​នាទី ថ្ងៃទី​១៣ ខែឧសភា ឆ្នាំ​២០១៤ ខណៈដែល​រថយន្ត​ដឹក​ឥដ្ឋ​ចំណុះ​៥​តោន​បើកបរ​លើ​ស្ពាន​ព្រះមុនីវង្ស​ថ្មីហើយ​ដាច់​ហ្វ្រាំង​ជ្រុល​ទៅបុក​រះ​ម៉ូតូ​៣​គ្រឿង និង​រថយន្ត​២​គ្រឿង​។​

 

​ប្រភពព័ត៌មាន​ពី​សមត្ថកិច្ច​បាន​ឲ្យ​ដឹងថា មុនពេល​កើតហេតុ​គេ​ឃើញ​រថយន្ត​បង្ក​ម៉ាក KIA ពាក់​ស្លាក​លេខ​ព្រៃវែង 3A-0228 បើក​ចុះ​ស្ពាន​ក្នុងទិសដៅ​ពី​លិច​មក​កើត​ដោយ​ឆ្លងស្ពាន​ព្រះមុនីវង្ស​ថ្មី ឆ្ពោះទៅ​ផ្លូវជាតិ​លេខ​១ ប៉ុន្តែ​ពេល​ចុះ​ពី​ស្ពាន​ហ្វ្រាំង​មិន​ស៊ី ក៏បាន​ជ្រុល​ទៅបុក​រះ​ជាមួយ​អ្នកដំណើរ​ក្នុង​ទិស​ស្របគ្នា បណ្តាល​ឲ្យ​ម៉ូតូ​ចំនួន​៣​គ្រឿង និង​រថយន្ត​២​គ្រឿង​ទៀត​ខូចខាត ។ ចំណែក​មនុស្ស​រួម​ដំណើរ​៥​នាក់​បាន​រងរបួស​ធ្ងន់​ស្រាល ។ ភ្លាមៗ​នោះ​ដោយ​រថយន្ត​អស់​ល្បឿន​យុវជន​បើករថយន្ត​បង្ក​បាន​រត់គេចខ្លួន​ដោយ​បន្សល់ទុក​រថយន្ត​នៅ​កន្លែងកើតហេតុ ។​

 

​ក្រោយ​កើតហេតុ​សមត្ថកិច្ច​បាន​ចុះទៅ​ធ្វើការ​វាស់វែង ព្រមទាំង​យក​រថយន្ត ម៉ូតូ​ភាគី​រងគ្រោះ និង​រថយន្ត​បង្ក ទៅ​រក្សាទុក​នៅ​អធិការដ្ឋាន​នគរបាល​ខណ្ឌមានជ័យ ដើម្បី​ដោះស្រាយ​ពេល​ក្រោយ ។ ចំណែក​ជនរងគ្រោះ​ត្រូវបាន​ដឹក​ទៅ​គ្លីនិក​ឯកជន ដើម្បី​ព្យាបាល​របួស​៕

IMG_1252 IMG_1253 IMG_1256

 

Leave a Reply

(*) Required, Your email will not be published