​អង្គុយ​ម៉ូយ​នៅ​កន្លែង​ស្ងាត់ ត្រូវ​ក្រុមចោរ​ស៊ីដាច់​ម៉ូតូ​

, , Leave a comment

​រាជធានី​ភ្នំពេញ ៖ ក្រុមចោរប្លន់​ប្រដាប់អាវុធ​បានធ្វើ​សកម្មភាព​ភ្ជង់​ប្លន់​ម៉ូតូ​យុវជន​ម្នាក់​កាលពី​វេលា​ម៉ោង​២៣​និង ៣០​នាទី​យប់​ថ្ងៃទី​១១ ខែឧសភា ឆ្នាំ ២០១៤​នៅ​ចំណុច​មុខ​ភោជនីយ៍ដ្ឋាន​យីហោ​បង្កង​មាស​ស្ថិតនៅតាម​បណ្តោយ​ផ្លូវ​ព្រះ​មុនី​រ៉េត សង្កាត់​ទួល​ស្វាយព្រៃ​ទី ២ ខណ្ឌចំការមន រាជធានី​ភ្នំពេញ ។​

 

​ប្រភពពី​សមត្ថកិច្ច​បា​ន​ឲ្យ​ដឹងថា យុវជន​រងគ្រោះ​ដែល​ត្រូវ​ក្រុមចោរ​ភ្ជង់​ប្លន់​នោះ​មានឈ្មោះ ឈួន សុ​ភ័​ក្រ ភេទ​ប្រុស អាយុ ២៣ ឆ្នាំ ស្នាក់នៅ​ផ្ទះជួល សង្កាត់​ស្ទឹងមានជ័យ ខណ្ឌមានជ័យ ។​

 

​ប្រភព​ដដែល​បាន​ឲ្យ​ដឹង​ទៀតថា មុនពេល​កើតហេតុ​យុវជន​រងគ្រោះ​ខាងលើ​បាន​ជិះ​ម៉ូតូ​សេ​១២៥ ពណ៌​ខ្មៅ ពាក់​ស្លាក​លេខ​ភ្នំពេញ 1AE-6541​មក​ឈប់​ត្រង់ចំណុច​កើតហេតុ ស្រាប់តែ​លេចមុខ​ជនសង្ស័យ​ចំនួន​២​នាក់ ស្លៀកពាក់​ស៊ីវិល ប្រដាប់​ដោយ​កាំភ្លើងខ្លី​មួយ​ដើម មក​ឈប់​ក្បែរ​ជនរងគ្រោះ​ហើយ​បាន​ផ្ជ​ង់​គំរាម​យក​ម៉ូតូ ហើយ​ជិះ​គេចខ្លួនបាត់​ស្រមោល​តែម្តង ។​

 

​ក្រោយ​កើត​កើតហេតុ​សមត្ថកិច្ច​ដែល​ល្បាត បាន​ចុះ​ទៅដល់​កន្លែងកើតហេតុ ដើម្បី​សាកសួរ​។ ប៉ុន្តែ​ជនរងគ្រោះ​មិនបាន​ដាក់ពាក្យ​បណ្តឹង​ទេ ដោយបាន​ទូរស័ព្ទ​ប្រាប់​បងប្អូន ឲ្យ​ជួយ​អន្តរាគមន៍​ដើរ​សួន​តាម​កន្លែង​បញ្ចាំ​ម៉ូតូ​គ្រប់​ទីកន្លែង​។  លុះដល់​ម៉ោង ១​នឹង ៣០ នាទី​រំលង​អា​ធ្រា​ត្រ ឈានចូល​ថ្ងៃទី ១២ ខែឧសភា ឆ្នាំ​២០១៤ ទើប​ជនរងគ្រោះ​សម្រេច​ដាក់ពាក្យ​បណ្តឹង​ទៅ​សមត្ថកិច្ច​ដ្ឋា​ន​ឲ្យ​ជួយ​អន្តរាគមន៍​៕

13-5-2014-(1) 13-5-2014-(2)

 

Leave a Reply

(*) Required, Your email will not be published