តុលាការ​បាន​បញ្ជូន​គ្រូហ្ម៍​ទាយ​ម្នាក់​ទៅ​ដា​ក់ព​ន្ធា​នាគារ​ព្រៃ​ស ពីបទ​ឆបោក​ប្រាក់​

, , Leave a comment

​រាជធានី​ភ្នំពេញ ៖ សមត្ថកិច្ច​ការិយាល័យ​ស្រាវជ្រាវ​បទល្មើស​ព្រហ្មទណ្ឌ​នៃ​ទីបញ្ជាការ​កងរាជអាវុធហត្ថ​រាជធានី​ភ្នំពេញ​កាលពី​រសៀល​ថ្ងៃទី​៩ ខែ​ឧ​សភា ឆ្នាំ​២០១៤ បាន​បញ្ជូន​ខ្លួន​គ្រូ​បោក​ម្នាក់​ទៅកាន់​សាលាដំបូង​រាជធានី​ភ្នំពេញ ដោយ​ជាប់​ពាក់ព័ន្ធ​ពីបទ​ឆបោក​ប្រាក់​ចំនួន​មួយ​ម៉ឺន​ដុល្លារ​អា​មេ​រិក​ជា​ថ្នូរ​នឹង​ការរត់​ការឡើង​បុណ្យ​សក្តិ ហើយ​នៅ​ថ្ងៃ​ដដែល​តុលាការ​បានចេញ​ដីការ​ឃុំខ្លួន​គ្រូទាយ​ម្នាក់​និង​បញ្ជូនទៅ​ដាក់​ព​ន្ធា​នាគារ​ព្រៃ​ស ។​

 

​គ្រូ​បោក​ម្នាក់នេះ​ឈ្មោះ​ទៀ​គឹម ហុង ភេទ​ប្រុស អាយុ​៥៥​ឆ្នាំ ជា​គ្រូទាយ រស់នៅ​ភូមិ​ជម្ពូ​វ័​ន្ត សង្កាត់​ចោមចៅ ខណ្ឌ​ពោធិ៍​សែន​ជ័យ ។ បើតាម​ប្រ​ភ​ព​ព័​ត៌មាន​ពី​ការិយាល័យ​ស្រាវជ្រាវ​នៃ​កងរាជអាវុធហត្ថ​រាជធានី​ភ្នំពេញ​បានឱ្យដឹងថា កម្លាំង​សមត្ថកិច្ច​របស់លោក​បាន​សហការ​ជាមួយ​កម្លាំង​ស​ម​ត្ថ​កិ​ច្ច​ខេត្តបាត់ដំបង​ចាប់​ខ្លូន​ឈ្មោះ ទៀ គឹមហុង​តាម​ដីការ​បញ្ជា​របស់​ចៅក្រម​ស៊ើបសួរ​សាលាដំបូង​រាជធានី​ភ្នំពេញ​។​

 

​ការចាប់ខ្លួន​គ្រូ​បោក​នេះ​គឺ​បាន​ធ្វើឡើង​នៅ ថ្ងៃ ទី​០៦ ឧសភា ២០១៤​នៅក្នុង​ខេត្តបាត់ដំបង​ដែល​ជនសង្ស័យ​បាន​រត់គេចខ្លួន​ទៅ​ទីនោះ ។ ​លោ​ក​នា​យ​​ការិយាល័យ​បាន​បន្តទៀតថា ដើមចម​ដែល​នាំ​មានការ​ចាប់ខ្លួន​នេះ ដើមចម​កាល​អំឡុង​ខែតុលា​ឆ្នាំ​២០១៣ ឈ្មោះ ទៀ គឹមហុង ដែលជា​គ្រូ​ទា​យ​​បាន​ដើរ​អួតថា ខ្លួន​ជា​ជំនួយការ​ថ្នាក់​ដឹក នាំ​ជាន់ខ្ពស់​នៅ​ក្រសួងមហាផ្ទៃ ហើយ​បាន​ទៅ​ឆបោក​មន្ត្រី​ថ្នាក់ក្រោម​ម្នា​ក់ថា​និង​ធានា​ឱ្យ​ម្ចាស់ ប្រាក់​និ​ង​​បាន​ឡើងបុណ្យ​សក្តិ​មុខតំណែង​ខ្ពង់ខ្ពស់​គ្រាន់តែ​ចំណាយលុយ មួយ​ម៉ឺន​ដុល្លារ​តែប៉ុណ្ណោះ​។ ក្រោយពី​បាន​ប្រាក់​មួយ​ម៉ឺន​ដុល្លារ​ហើយ​ជននេះ​បានគេច​មុខ មិន​ទាក់ទង​ជាមួយ​ភាគី​ដើមបណ្តឹង​សុ​ម្បី​តែ​ដីការ​កោះហៅ​ឱ្យចូល​ខ្លួន​៣​លើក​ក៏​អត់​ចូល​ដែរ ដូច្នេះ​បានជា​ចៅក្រម​ស៊ើបសួរ​សា​លា​ដំ​បូ​ង​រាជធានី​ភ្នំពេញ​ចេញ​ដីការ ឱ្យ​សមត្ថកិច្ច​ចាប់ខ្លួន​តែម្តងទៅ​ដែល​នេះ​គេ​ហៅថា ​គ្រូ​បោក​អស់​ល​ក្ខ័​នៅពេល​បោកប្រាក់គេ​បាន​មួយ​ម៉ឺន​ដុល្លារ​ហើ​យ​​រត់ចោលស្រុក​។​

 

​គ្រូ​បោក​ពេលនេះ​គឺ​មិនអាច​គេច​ពី​ការឃុំខ្លួន​ក្នុង​ពន្ធ​ធនាគា​បណ្តោះ អាសន្ន​បានឡើយ​ព្រោះ​ពេលនេះ​គ្មាន​ប្រា​ក់មួយ​រៀល​សង​ទៅ​ដើមបណ្តឹង​វិញ​៕

11-5-2014

 

Leave a Reply

(*) Required, Your email will not be published