ល្បួង​ក្មេងស្រី យក​ព្រហ្មចារិយ ជា​ថ្នូរ​នឹង​លុយកាក់ ត្រូវ​សមត្ថកិច្ច​ចាប់​ឃាត់ខ្លួន​

, , Leave a comment

​រាជធានី​ភ្នំពេញ ៖ ក្រុម​ជា​មេខ្យល់​ជួញដូរ​ព្រហ្មចារិយ​នារី​វ័យក្មេង ត្រូវបាន​កម្លាំង​សមត្ថកិច្ច​ប្រឆាំង​ការជួញដូរ​មនុស្ស រាជធានី​ភ្នំពេញ ចាប់ខ្លួន​ក្នុងនោះ​ជនជាតិ​តួ​ក​គី​ម្នាក់ និង​ជនជាតិខ្មែរ​២​នាក់ កាលពី​ថ្ងៃទី​៧ ខែឧសភា ឆ្នាំ​២០១៤ ខណៈដែល​ចុះ​ឆែកឆេរ​ផ្ទះសំណាក់​ម៉ាលី​ស នៅ​សង្កាត់​វត្តភ្នំ ខណ្ឌដូនពេញ រាជធានី​ភ្នំពេញ​។​

 

​ជនសង្ស័យ​ដែល​ត្រូវ​សមត្ថកិច្ច​ចាប់ខ្លួន​នោះ​មាន​ជនជាតិ​តួ​គី​ម្នាក់​ឈ្មោះ Adyin Goktepe អាយុ ៥១​ឆ្នាំ និង​ជនជាតិខ្មែរ ២​នាក់ ម្នាក់ ជា​ម្តាយបង្កើត ឈ្មោះ សាំង ធឿន អាយុ ៥៣​ឆ្នាំ នៅ​សង្កាត់​ស្ទឹងមានជ័យ និង​មេខ្យល់​ម្នាក់ទៀត ឈ្មោះ ខឿន ស្រី​ណែ​ត អាយុ ២២​ឆ្នាំ នៅ​សង្កាត់​ផ្សារ​ថ្មី​៣ ។ ចំណែក​នារី​រងគ្រោះ​២​នាក់ ម្នាក់​ឈ្មោះ ឡ​.​ហ និង យ​.​ធ​។ ពួកគេ​ទាំងពីរ​នាក់​ទើប​មាន​អាយុ ១៤​ឆ្នាំ​ប៉ុណ្ណោះ មាន​ទីលំនៅ​ក្នុង​រាជធានី​ភ្នំពេញ​។

 

​ក្រោយពេល​រំដោះ​ចេញពី​ក្រញាំ​តណ្ហា​ជនជាតិ​តួ​ក​គី ក្មេងស្រី រងគ្រោះ​ទាំងពីរ​ត្រូវបញ្ជូន​ទៅកាន់​មន្ទីរ​សង្គមកិច្ច ។ រីឯ​ជនសង្ស័យ​ទាំង​៣​ត្រូវបាន​សមត្ថកិច្ច​ក​សាង​សំណុំរឿង ដើម្បី​ចាត់ការ​តាមផ្លូវ​ច្បាប់​៕

9-5-2014 (2)

9-5-2014 (1)  9-5-2014 (3)

 

Leave a Reply

(*) Required, Your email will not be published