ប៉ូលិស​សេដ្ឋកិច្ច​នៃ​ស្នងការដ្ឋាន​នគរបាល​ខេត្ត បង្ក្រាប​ឈ្មួញ​ជនជាតិ​វៀតណាម រកស៊ី​ដឹកជញ្ជូន​ឈើ​ប្រណីត ឡើង​ដុះ​ស្លែរ​

, , Leave a comment

​ខេត្តរតនគិរី ៖ ឈើ​ប្រណីត​ប្រមាណ​៥​ម៉ែត្រគូប​ត្រូវបាន​កម្លាំង​សមត្ថកិច្ច​នគរបាល​ធ្វើការ​បង្ក្រាប កាលពី​ថ្ងៃទី​៦ ខែឧសភា ឆ្នាំ​២០១៤ វេលា​ម៉ោង​៤​និង​៣០​នាទី ល្ងាច ដែល​លោក ម៉មវ៉ាន់ដា ព្រះរាជអាជ្ញារង​សាលាដំបូង​ខេត្ត បាន​ឡោមព័ទ្ធ​ផ្ទះ​ជនជាតិ​វៀតណាម​ម្នាក់​នោះ​នៅ​កណ្តាល​ក្រុង​បាន​លុង​។ ម្ចាស់​លំនៅដ្ឋាន​នេះ​ត្រូវបាន​គេ​ស្គាល់ឈ្មោះ ភ្ញៀ​ន ភេទ​ប្រុស ជនជាតិ​វៀតណាម មាន​ទីលំនៅ​បច្ចុប្បន្ន​ភូមិ​អូ​រក​ន្ទិ​ល សង្កាត់​បឹង​កន្សែង ក្រុង​បាន​លុង ខេត្តរតនគិរី​។​

 

​ប្រភព​ពត៌មាន​ពី​មន្ត្រីនគរបាល​ប្រឆាំង​បទ​ល្មើ​សេដ្ឋកិច្ច​នៃ​ស្នងការដ្ឋាន​នគរបាល​ខេត្ត​បាន​ឲ្យ​ដឹងថា មុនពេល​កើតហេតុ​ខាងលើ​រថយន្ត​មួយគ្រឿង​បាន​ជួបនឹង​គ្រោះថ្នាក់​ចរាចរណ៍ ហើយ​បាន​បើក​រត់គេច​ពី​ស្រុក​អូរ​យ៉ា​ដាវ​សំដៅទៅ​ផ្ទះមួយ​កន្លែង​នៅក្នុង​សង្កាត់​បឹង​កន្សែង ក្រុង​បាន​លុង ហើយ​ចាក់សោ​មិន​ឲ្យ​នគរបាល​ចូល ។​

 

​លោក ម៉ម វ៉ាន់ដា បញ្ជាក់ថា ម្ចាស់ផ្ទះ​ជា​អ្នកបើក​ឡាន​នោះ បាន​ផ្លោះ​របង​រត់​គេចខ្លួនបាត់​នៅសល់តែ​អ្នកយាម​ផ្ទះ​ជនជាតិ​វៀតណាម​រាង​ស្រវឹង​ម្នាក់ ចេញទៅ​រារាំង ហើយ​នគរបាល​បាន​ចាប់​ដាក់​ខ្នោះ​ឲ្យ​នៅ​ស្ងៀម ទំរាំ​ឆែកឆេរ​ហើយ​ដោះលែង​វិញ​។ លោក​បាន​បន្តថា បន្ទាប់ពី​ឆែកឆេរ​ក្នុងផ្ទះ​នោះ នគរបាល​បាន​រកឃើញ​ឈើ​គ្រញូង​និង​ធ្នង់​សរុប​ជិត​៥​ម៉ែត្រគូប​(​ដែល​ក្នុងនោះ​គ្រញូង​មាន​១២០០ គីឡូក្រាម​)​។​

 

​បច្ចុប្បន្ន​ឈើប្រណិត​ដែល​រឹបអូស​ពី​ក្នុង​លំនៅដ្ឋាន​ជនល្មើស​សមត្ថកិច្ច​ពុំទាន់​កំណត់ និង​បញ្ជាក់​ចំនួន​ឈើ​នៅឡើយ​ទេ​។ ហើយ​ឈើ​ដែល​រឹបអូស​បាន​ទាំង​រថយន្ត​ត្រូវបាន​មន្ត្រី​ជំនាញ​ផ្នែក​រដ្ឋបាល​ព្រៃឈើ​លំផាត់​នាំទៅ​រក្សាទុក ចំណាត់ការ​ទៅតាម​និតិ​វិធី​ច្បាប់​៕

08-5-2014-(1) 08-5-2014 08-5-2014-(2)

 

Leave a Reply

(*) Required, Your email will not be published