ព្រោះតែ​សារជាតិ​គ្រឿង​ស្រវឹង បុរស​ម្នាក់​ឃើញ​របាំង​ថ្ម ទើស​ផ្លូវ បើក​បុក​ជាការ​ម្សា​ន្ត​

, , Leave a comment

​រាជធានី​ភ្នំពេញ ៖ របាំង​ថ្ម​ចែក​ទ្រូងផ្លូវ​មួយ​ត្រូវបាន​បុរស​ម្នាក់ ស្រវឹងស្រា​បើក​បុក​កាលពី​វេលា​ម៉ោង ២៣​និង​នាទី​យប់​ថ្ងៃទី​៦ ឧសភា ឆ្នាំ​២០១៤ នៅតាម​បណ្តោយ​ផ្លូវ​ព្រះសីហនុ ទល់មុខ​ផ្សារ​ទំនើប​ឡាក់​គី ក្នុង​សង្កាត់​បឹង​កេងកង​ទី​១ ខណ្ឌចំការមន រាជធានី​ភ្នំពេញ​។​

 

​ប្រភពពី​កន្លែងកើតហេតុ​បាន​ឲ្យ​ដឹងថា នៅ​មុនពេល​កើតហេតុ​គេ​ស​ង្គេ​ត​ឃើញ​បុរស​ម្នាក់​ជិះ​រថយន្ត​មួយគ្រឿង​ម៉ាក​ECLIPSE ពណ៌​ខ្មៅ​ពាក់​ស្លាក​លេខ​ភ្នំពេញ​2E-1751 បើកបរ​ធ្វ​ដំណើរ​តាម​បណ្តោយ​ផ្លូវ​ព្រះសីហនុ ក្នុង ល្បឿន​យ៉ាង​លឿន ពី​លិចទៅ​កើត ។ លុះ​មកដល់​ចំណុចកើតហេតុ​ស្រាប់តែ​រថយន្ត​ខាងលើ​ជ្រុល​ល្បឿន​រេ​ចង្កូត​បុក​ឡើងលើ​របាំ​ង​ថ្ម​ពុះ​ទ្រូងផ្លូវ​បណ្តាល​ឲ្យ​កង់​រថយន្ត​គៀប​ជាប់​នឹង​របាំង​ថ្ម​បន្តដំណើរ​ទៅមុខ​លែងរួច​ទៀត រីឯ​បុរស​ជា​ម្ចាស់​រថយន្ត​វិញ​ក្រោយ​កើតហេតុ​បាន​បើកទ្វារ​រត់ចេញ​បាត់ស្រមោល​សូន្យឈឹង​តែម្តង​បន្សល់ទុក​តែ​រថយន្ត​ចោល​នៅនឹងកន្លែង​កើតហេតុ ។​

 

​ក្រោយ​កើតហេតុ​សមត្ថកិច្ច​មូល​ដ្ឋា​ន​បាន​ចុះ​ធ្វើការ​អន្តរាគមន៍​វាស់វែង និង​ស្ទូច​យក​រថយន្ត​ខាងលើ​ទៅ​រក្សាទុក​នៅ​ការិយាល័យ​ចរាចរណ៍​ជើងគោក​រាជធានី​ភ្នំពេញ រង់ចាំ​សាមីខ្លួន​មក​ដោះស្រាយ​តាមផ្លូវ​ច្បាប់​ជា​ក្រោយ​៕

08-5-2014-(2) 08-5-2014-(1) 08-5-2014

 

Leave a Reply

(*) Required, Your email will not be published