កូនស្រី​ថៅកែ​ផ្សារ​ទំនើប​នៅ​ខេត្តសៀមរាប​ជាប់ចោទ​ពីបទ​ឆបោក​ប្រាក់​២៥០០០​ដុល្លារ​អាមេរិក ត្រូវបាន​ដោះលែង​ឲ្យ​នៅក្រៅ​ឃុំ​

, , Leave a comment

​រាជធានី​ភ្នំពេញ ៖ កូនស្រី​ថៅកែ​ផ្សារ​ទំនើប​១​កន្លែង​នៅតាម​មាត់​ស្ទឹង ក្នុង​ខេត្តសៀមរាប ត្រូវបាន​សមត្ថកិច្ច​នគ​របាល​ការិយាល័យ​ព្រហ្មទណ្ឌ​កម្រិត​ស្រាល​នៃ​នាយកដ្ឋាន​ព្រហ្មទណ្ឌ​ក្រសួងមហាផ្ទៃ ឃាត់ខ្លួន​ប​ញ្ជួ​ទៅកាន់​សាលាដំបូង​រាជធានី​ភ្នំពេញ​កាលពី​ព្រឹក​ថ្ងៃទី​៥ ខែឧសភា ឆ្នាំ​២០១៤ ដោយ​ជាប់​ពាក់ព័ន្ធ​លើ​បណ្តឹង​រំលោភ​លើ​ទំនុកចិត្ត​ប្រាក់​គេ​២៥០០០​ដុល្លារ​អាមេរិក ។​

 

​កូន​ថៅកែ​ផ្សារ​ទំនើប​រូបនោះ​ឈ្មោះ ហែម ប៊ុនហេង​សុធា​រ័ត្ន ភេទ​ស្រី អាយុ​៣៣​ឆ្នាំ មាន​ប្តី​ជា​ជនជាតិ​ថៃ ស្នាក់នៅ​ផ្ទះជួល​ក្នុង​បុរី​ពិភពថ្មី ផ្លូវ​លេខ​៣ ភូមិ​ទឹកថ្លា សង្កាត់​ទឹកថ្លា ខណ្ឌ​សែន​សុខ រាជធានី​ភ្នំពេញ ។ ទាក់ទិន​នឹង​ការឃាត់ខ្លួន​ស្ត្រី​ខាងលើនេះ​កម្លាំង​នគរបាល​ព្រហ្មទណ្ឌ​ក្រសួងមហាផ្ទៃ​ឲ្យ​ដឹងថា សមត្ថកិច្ច​បាន​អនុវត្តតាម​ដីការ​បញ្ជា​ឲ្យ​ចូលខ្លួន​របស់លោក មាស ច័ន្ទ​ពិសិដ្ឋ ព្រះរាជអាជ្ញារង​អម​សាលាដំបូង​រាជធានី​ភ្នំពេញ បាន​ឃាត់ខ្លួន​ស្ត្រី​ឈ្មោះ ហែម ប៊ុនហេង​សុធា​រ័ត្ន យោងទៅលើ​ពាក្យបណ្តឹង​មួយ​បាន​ចោទប្រកាន់​អ្នកស្រី​ថា កាលពី​អំឡុង​ខែតុលា​២០១៣ មាន​ពាណិជ្ជករ​ម្នាក់​នៅ​រាជធានី​ភ្នំពេញ បាន​ទាក់ទង​អ្នកស្រី ប៊ុនហេង​សុធា​រ័ត្ន កុម្ម៉ង់​ទិញ​ជណ្តើរយន្ត​២​គ្រឿង ម៉ាក​មី​ហ្សុ​យ​មី​ស៊ី ដែលមាន​ទឹកប្រាក់​តម្លៃ​៥០០០០​ដុល្លារ​ដើម្បី​យកទៅ​បំពាក់​នៅ​ផ្សារ​ទំនើប​១​កន្លែង​ក្នុង​ក្រុងភ្នំពេញ​នេះ ។​

 

​ពេលនោះ​អ្នកស្រី​ក៏បាន​យល់ព្រម​នឹង​ទទួល​ប្រាក់​កក់​មុន​ពី​ពាណិជ្ជករ​នោះ​ចំនួន​២៥០០០​ដុល្លារ​អាមេរិក ហើយ​បានធ្វើ​កិច្ចសន្យា​ជាមួយ​ភាគី​អ្នក​កុម្ម៉ង់ នៅពេលណា​សម្ភារៈ​ជណ្តើរយន្ត​មកដល់​ទើបបាន​ទទួល​នឹង​ប្រគល់​ប្រាក់​គ្រប់​ចំនួន ។ នៅពេល​អ្នកស្រី​បាន​ប្រាក់​កក់​២៥០០០​ដុល្លារ​អាមេរិក​មាននៃ​ថា ពាក់កណ្តាល​ហើយ​អ្នកស្រី ប៊ុនហេង សុធា​រ័ត្ន មិន​គោរព​តាម​កិច្ចសន្យា​នោះទេ ថែមទាំង​គេចវេស​រាល់​ការទំនាក់ទំនង​អស់​រយៈពេល​ច្រើន​ខែ​បានជា​ដើមបណ្តឹង​គេ​មិន​សុខចិត្ត​ប្តឹងទៅ​សម​ត្ត​កិច្ច​ឲ្យ​ចាត់ការ​តាមផ្លូវ​ច្បាប់ នឹង​ទាមទារ​យកប្រាក​កក់រ​បស់​គេ​វិញ ។​

 

​ប្រភពព័ត៌មាន​ពី​សាច់ញាតិ​អ្នកស្រី ហែម ប៊ុនហេង​សុធា​រ័ត្ន នៅ​សាលាដំបូង​រាជធានី​ភ្នំពេញ​បាន​ឲ្យ​ដឹងថា អ្នកស្រី​ទទួលស្គាល់ថា​បាន​យកប្រាក់​ពី​ដើមបណ្តឹង​នោះ​មែន ហើយ​ប្រាក់​នោះ​អ្នកស្រី​បាន​យកទៅ​កុម្ម៉ង់​ទិញ​ជណ្តើរយន្ត​តាម​កិច្ចសន្យា​អស់ហើយ តែ​សម្ភារៈ​នោះ​មិនទាន់​មកដល់ ។​

 

​សំណុំរឿង​ខាងលើ​តំណាង​អយ្យការ​កំពុងធ្វើកា រសាក​សួ នឹង​កំពុង​តម្រូវ​ឲ្យ​កូនស្រី​ថៅកែ​ផ្សារ​ទំនើប​១​កន្លែង​នៅ​មាត់ ស្ទឹង​ខេត្តសៀមរាប រកប្រាក់​ដាក់​តំកល់​ខ្លួន​ដើម្បី​បាន​នៅក្រៅ​ឃុំ​ដោះស្រាយ​ជាមួយ​ដើមបណ្តឹង ។ ប៉ុន្តែ​កន្លងមក​បើទោះជា​អាណាព្យាបាល​របស់ខ្លួន​ជា​អ្នកមាន​ទ្រព្យសម្បត្តិ​ស្តុកស្តុ​ម្ភ​ក៏​ពិតមែនតែ​លែង​ទទួលខុសត្រូវ​រាល់​បំណុល ទើប​មាន​សមត្ថកិច្ច​សុទ្ធតែ​ផ្កាយ​ធំៗ ដូចជា​យោធា​ផ្កាយ​៣​មួយរូប​កាលពី​ថ្ងៃទី​៥ ខែឧសភា ជួយ​អន្តរាគមន៍​រួមទាំង​សេវា​ក្រៅ​ផ្លូវច្បាប់​និង​ដាក់​ប្លង់​តម្កល់ ផង​នោះ​ក៏​តុលាការ​សម្រេច​ឲ្យ​នៅក្រៅ​ឃុំ​បណ្តោះអាសន្ន ៕

7-5-2014 (2)

7-5-2014 (1) 

 

Leave a Reply

(*) Required, Your email will not be published