ម្តាយចុង កូនដើម សាក​កម្លាំង​គ្នា​ ឡូឡា​ផ្អើល​ទាំង​ថ្ងៃ​

, , Leave a comment

​រាជធានី​ភ្នំពេញ ៖ ករណី​អំពើហិង្សា​មួយ​បាន​ផ្អើល​ប្រជាពលរដ្ឋ​ទាំង​ថ្ងៃត្រង់ ខណៈដែល​ជួបជុំគ្នា​ពេលបាយ​ថ្ងៃត្រង់ ហើយ​មាន​ជម្លោះ​ពាក្យសម្តី​បណ្តាល​ឲ្យ​មាន​កំហឹង​ឡើង បោក​ចាន បោក​ឆ្នាំងកាលពី​វេលា​ម៉ោង​១៣​និង​៣០​នាទី​ថ្ងៃទី​៦ ខែឧសភា ឆ្នាំ​២០១៤ ស្ថិតនៅ​ចំណុច​ជិត​រង្វង់​មូល​ស្ពាន​ជ្រោយចង្វា​ត្រើយ​ខាងលិច តាម​បណ្ដោយ​ផ្លូវ​លេខ​៧០ ក្នុងភូមិ​ផ្សារ​តូច សង្កាត់​ស្រះចក ខណ្ឌដូនពេញ រាជធានី​ភ្នំពេញ​។​

 

​ប្រភពព័ត៌មាន​ពី​ប្រជាពលរដ្ឋ​ដែល​រស់នៅ​ក្បែរ​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ​គេ​ឃើញ​ក្រុមគ្រួសារ​របស់​ជនជាតិ​វៀតណាម​នោះ ប្រហែល​៤​ទៅ​៥​នាក់​ជួបជុំគ្នា ស្រាប់តែ​មួយសន្ទុះ​ក្រោយមក​ស្រាប់តែ​ឭ​សូរសំឡេង​បោក​ចាន​លាន់​យ៉ាងខ្លាំង​បណ្ដាល​ឲ្យ​ផ្អើល​គេ​ផ្អើល​ឯង ។ មួយសន្ទុះ​ក្រោយមក​ស្រាប់តែ​ឃើញ​បុរស​ពីរ​បីនាក់​រត់​ចេញមកក្រៅ​ស្រែក​ឆោឡោ ។

 

​បើតាម​ការរៀបរាប់​ពី​ស្ត្រី​រងគ្រោះ​ដែល​ត្រូវជា​ម្ដាយចុង​ជា​ជនជាតិ​វៀតណាម​ដូចគ្នា​នោះបាន​ឲ្យ​ដឹងថា កាលពី​ថ្ងៃទី​៣ ខែឧសភា ឆ្នាំ​២០១៤​គាត់​បានដាក់​លុយ​ក្នុង​កាបូប នៅលើ​តុ ហើយ​ដើរទៅ​ចូល​បន្ទប់ទឹក ពេលនោះ​បុរស​ដែលជា​កូនចុង​របស់គាត់​បាន​ដេក​នៅលើ​ប៉ៅ​អ៊ី​ក្បែរ​នោះ​ពេលដែល​គាត់​ត្រឡប់​មកពី​បន្ទប់ទឹក​វិញ គាត់​បាន​ឆែក​កាបូប​ស្រាប់តែ​បាត់​លុយ​របស់គាត់​អស់​៤០០​ដុល្លារ​។ ពេលនោះ​បុរស​ដែលជា​កូនចុង​របស់គាត់​ក៏​ចេញទៅ​បាត់ ទើប​គាត់​មានការ​សង្ស័យថា បាន​លួច​លុយ​គាត់ ។ លុះ​ថ្ងៃទី​៥ ខែឧសភា ឆ្នាំ​២០១៤ ស្រាប់តែ​ឃើញ​បុរស​រូបនោះ​ត្រឡប់មកវិញ ហើយ​ពេល​អង្គុយ​ហូបបាយ​គាត់​ក៏បាន​សួរនាំ​រឿង ធ្វើ​ឲ្យ​ច្រឡោតខឹង​ហើយក៏​បោក​ចាន បោក​ឆ្នាំង តែម្តង​។​

 

​បន្ទាប់ពី​ហេតុ​ការ​បាន​កើតឡើង​ត្រូវបាន​បុរស​ចំណាស់​ម្នាក់​ដែលជា​ឪពុក​ចេញមក​សម្របសម្រួល​ដើម្បី​បញ្ចប់រឿង​ដោយ​ឲ្យ​កូនប្រុស​របស់​គាត​ជិះ​ម៉ូតូ​ទៅ​ក្រៅ​បាត់ទៅ​៕

7-5-2014 (1) 7-5-2014 (2)

 

Leave a Reply

(*) Required, Your email will not be published