តម្រួត​ថៃ​បង្ក្រាបបាន​ថ្នាំញៀន​ដែលមាន​តម្លៃ​ជាង​៣​លាន​បាត​ថៃ ដែល​ប្តី​ប្រពន្ធ​ស្វះស្វែង​យក​ពី​ស្រុក​ខ្មែរ ទៅ​លក់​ស្រុកថៃ​

, , Leave a comment

​ខេត្តបន្ទាយមានជ័យ ៖ ថ្នាំញៀន​ប្រភេទ​យ៉ាម៉ា​ពណ៌​ក្រហម​ប្រមាណ​១​ម៉ឺន​គ្រាប់ និង​ប្រភេទ​ម៉ា​ទឹកកក​ចំនួន​១០០​ក្រាម ត្រូវបាន​កម្លាំង​តម្រួត​ថៃ ប្រ​ឆាំង​បទល្មើស​គ្រឿង​ញឿ​ន ស្រុក​អ​រ័​ញ្ញខេត្ត​ស្រះកែវ ប្រទេស​ថៃ បានធ្វើការ​ចាប់ខ្លួន ខណៈដែល​កំពុង​ឆ្លងដែន​ចូល​ប្រទេស​ថៃ តាម​ច្រកទ្វារ​អ​ន្ត​រជា​តិ​ប៉ោយប៉ែត កាលពី​ថ្ងៃទី​៤ ខែឧសភា ឆ្នាំ​២០១៤ ត្រង់ចំណុច​ច្រកទ្វារ​អន្តរជាតិ​ខ្លោង​លឹ​ង ប្រទេស​ថៃ ។​

 

​សមត្ថកិច្ច​ថៃ​បាន​ចាប់ខ្លួន​ទាំងពីរ​នាក់​នោះ​ត្រូវជា​ប្តី​ប្រព​ន្ឋ បាន​ឆ្លងដែន​ចូល​ប្រទេស​ថៃ តាម​ច្រកទ្វារ​អន្តរជាតិ​ប៉ោយប៉ែត គេ​ពុំទាន់​ស្គាល់​អ​ត្ត​ស​ញ្ញា​ណ​​នៅឡើយ​ទេ និង​មាន​អាយុ​ជាង​២០​ឆ្នាំ ។​

 

​ក្រោយពី​ធ្វើការ​ឃាត់ខ្លួន​២​នាក់​ប្តី​ប្រពន្ធ ប៉ូលិស​ថៃ បាន​រឹប​អូ​ប​បាន​ថ្នាំញៀន ប្រភេទ​យ៉ាម៉ា​ពណ៌​ក្រហម ប្រមាណ​១​ម៉ឺន​គ្រាប់ និង​ប្រភេទ​ម៉ា​ទឹកកក​ចំនួន​១០០​ក្រាម ដែល​ត្រូវ​ជនសង្ស័យ​បានដាក់​បង្កប់​ក្រោម​ទ្រនាប់​បាត​ស្បែកជើង ហើយ​តម្លៃ​ប្រហែល​ជាង​៣​លាន​ប្រាក់​បាត​ថៃ​រួមទាំង​ទ្រ​ព្យ​ស​ម្ប​ត្តិ​​ផងដែរ​ ៕

6-5-2014-(1) 6-5-2014-(2)

 

Leave a Reply

(*) Required, Your email will not be published