របាំង​ថ្ម​សម្លាប់​ស្ត្រី​វ័យ​ចំណាស់​ម្នាក់​យ៉ាង​អាណោចអាធ័ម​

, , Leave a comment

​រាជធានី​ភ្នំពេញ ៖ ស្ត្រី​វ័យ​ចំណាស់​ម្នាក់​បាន​ស្លាប់​យ៉ាង​អាណោចអាធ័ម​នៅនឹងកន្លែង​កើតហេតុ និង​បុរស​២​នាក់​រងរបួស​ស្រាល ខណៈដែល​កំពុង​ជិះ​ម៉ូតូ​បុក​នឹង​របាំង​ថ្ម​មួយកន្លែង កាលពី​វេលា​ម៉ោង​៥​ព្រឹក ថ្ងៃទី​៤ ខែឧសភា ឆ្នាំ​២០១៤ តាម​បណ្តោយ​ផ្លូវជាតិ​លេខ​១ ស្ថិត​ក្នុងភូមិ​ដីឥដ្ឋ ឃុំ​ដីឥដ្ឋ ស្រុក​កៀនស្វាយ ខេត្តកណ្តាល ។​

 

​ស្ត្រី​ចំណាស់​ដែល​ស្លាប់​ឈ្មោះ ពី​ម យ៉េន អាយុ​៦៧​ឆ្នាំ មាន​ទីលំនៅ​ភូមិ​ព្រែករកា ឃុំ​ច្រេះ ស្រុក​ពាម ខេត្តព្រៃវែង ចំណែក​បុរស​២​នាក់​របួសស្រាល​មិន​ត្រូវបាន​ស្គាល់​អត្តសញ្ញាណ​។​

 

​តាម​ប្រភពព័ត៌មាន​ពី​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ​ជនរងគ្រោះ​ជិះ​ម៉ូតូ​មួយគ្រឿង​ម៉ាកវ៉េវ​អាល់​ហ្វា ពណ៌​ខ្មៅ ពាក់​ស្លាក​ភ្នំពេញ 1BF-0732 ក្នុង​ល្បឿន​លឿន​ក្នុងទិសដៅ​ពី​លិចទៅ​កើត ។ លុះ​មកដល់​ចំណុចកើតហេតុ​មិនដឹង​ជា​ជួប​ហេតុការណ៍​អ្វី​ស្រាប់តែ​ម៉ូតូ​ជនរងគ្រោះ បាន​ជ្រុល​ទៅបុក​របាំង​ថ្ម​យ៉ាង​ពេញទំហឹង​បណ្តាល​ឲ្យ​អ្នកបើក​ម៉ូតូ​បោក​ក្បាល​ផ្ទប់​ជាមួយនឹង​ដុំថ្ម​នោះ​ស្លាប់​នៅនឹងកន្លែង​កើតហេតុ​តែ​ម្តង ។

 

ក្រោយ​កើតហេតុ​សព​ជនរងគ្រោះ ត្រូវ​ក្រុមគ្រួសារ​មក​យកទៅ​ធ្វើបុណ្យ​តាម​ប្រពៃណី ។ ចំណែក​អ្នករងគ្រោះ​ត្រូវ​បញ្ជូនទៅ​សង្គ្រោះ​នៅ​មន្ទីរពេទ្យ​៕

5-5-2014 (1) 5-5-2014 (2)

 

Leave a Reply

(*) Required, Your email will not be published