នគរបាល​ខេត្តកំពង់ចាម​ចាប់​ឈើប្រណិត​មួយ​រថយន្ត​យី​ឌុប​​នៅពេល​រដ្ឋបាល​ព្រៃឈើ​កំពង់ចាម​អសកម្ម​បង្ក្រាប​

, , Leave a comment

​ខេត្តកំពង់ចាម ៖ សេចក្តី​រាយ​ការ​ណ៏​ពី​ខេត្តកំពង់ចាម​បានអោយដឹងថា កាល​ព្រឹក​ថ្ងៃទី​២ ខែឧសភា ឆ្នាំ​២០១៤​នេះ កម្លាំង​នគរបាល​ខេត្តកំពង់ចាម បាន​បង្ក្រាប រថយន្ត​យី​ឌុប មួយគ្រឿង​ដឹក​ដំឡូង​ពីលើ បង្កប់​ឈើ​ប្រណីត​នៅក្រោម នៅ​ចំណុច អូរ​ធ្នង់ ឃុំ​អូរ​ស្វាយ ស្រុក​កំពង់សៀម ខេត្តកំពង់ចាម ។​

 

មន្ត្រី​ប៉ូ​លី នៃ​ស្នងការដ្ឋាន នគរបាល ខេត្តកំពង់ចាម​ដែល​ចុះបង្ក្រាប បាន​ឲ្យ​ដឹងថា   ដោយ​អនុវត្ត តាម​បទបញ្ជា​លោក ឧ​ត្ត​ម​សេនីយ៍ បែន រ័ត្ន ស្នងការ នគរបាល ខេត្តកំពង់ចាម នា​ព្រឹក​ថ្ងៃទី​២ ខែឧសភា ឆ្នាំ​២០១៤​នេះ កម្លាំង​នគរបាល​បាន​បង្ក្រាប​រថយន្ត​យី​ឌុប មួយគ្រឿង ដឹក​ដំឡូង ពីលើ បង្កប់​ឈើ ប្រណីត​នៅក្រោម នៅ​ចំណុច អូរ​ធ្នង់ ឃុំ​អូរ​ស្វាយ ស្រុក​កំពង់សៀម ខេត្តកំពង់ចាម ។​

 

​សេចក្តី​រាយ​ការ​ណ៏​បានបញ្ជាក់​ឲ្យ​ដឹង​ទៀតថា រថយន្ដ​យី​ឌុប ខាងលើ​បាន​ដឹកឈើ​ធ្នង់​មាន​ម៉ាក​ហ៊ីយ៉ាន់ដាយ ពណ៌​ស លាយ​ខៀវ គ្មាន​ស្លាក​លេខ ផ្ទុក​ឈើ​ប្រណីត  ប្រភេទ​ធ្នង់​ជាង​២០​ម៉ែត្រគូប  ដឹក​ចេញពី​ខេត្តព្រះវិហារ ក្នុង​បំណង​នាំចេញ​ទៅកាន់​ប្រទេស​វៀតណាម ។ ក្នុងពេល​ប្រតិ​ប​ត្ដិ​ការ អ្នកបើកបរ  រថយន្ដ​បាន​រត់​គេចខ្លួនបាត់ នៅសល់​ព្រូ រថយន្ដ​ដែល​ត្រូវបាន​ឃាត់ខ្លួន​មក​ធ្វើ កំណត់ហេតុ ដែលមាន​ឈ្មោះ សួង វុទ្ធី ភេទ​ប្រុស អាយុ​២៤​ឆ្នាំ រស់នៅ​ភូមិ ប្រ​ម៉ាត់​ដី ឃុំ​ស្វាយទាប ស្រុក​ចំការលើ ខេត្ដ​កំពង់ចាម ។ តាម​ការ សារភាព​ឱ្យដឹងពី​ព្រូ​រថយន្ដ បាន​ប្រាប់ថា  ម្ចាស់​រថយន្ដ​និង​ម្ចាស់​ឈើ​មានឈ្មោះ ម៉ាប់ រស់នៅ​ភូមិ​-​ឃុំ​ស្វាយទាប ស្រុក​ចំការលើ ខេត្ដ​កំពង់ចាម ហើយ​ឈើ​ទាំងអស់នោះ ក្រោយពី​នគរបាល បាន​រាប់​​ដឹង​ចំនួន​អស់ សមត្ថកិច្ច និង​ធ្វើ កំណត់ហេតុ​ប្រគល់ ទៅ​ឲ្យ​មន្ត្រី​ជំនាញ រដ្ឋបាល​ព្រៃឈើ កំពង់ចាម ចាត់ការ​បន្ត​៕

2-5-2014 (1) 2-5-2014 (2)

 

Leave a Reply

(*) Required, Your email will not be published