តាំងខ្លួន​ជា​បុរស​ខ្លាំង​ប្រចាំ​ភូមិ គំរាម​ទារលុយ​មិនបាន​ចាក់​ជនរងគ្រោះ​សម្លាប់ចោល​

, , Leave a comment

​ខេត្តកណ្ដាល ៖ បុរស​ម្នាក់​បាន​ស្លាប់ ក្រោយ​បញ្ជូន​ទៅដល់​មន្ទីរពេទ្យ ខណៈដែល​ត្រូវ​ជនសង្ស័យ យក​កាំបិត​ចុង​ស្រួច​ចាក់​បំពង់​.​ក ក្នុង​ជម្លោះ​រឿង​លុយ​ចំនួន​១០​ដុល្លារ​មិនបាន​។ករណីនេះ​បានកើត​ឡើង​នៅវេលា​ម៉ោង​៩​និង​៣០​នាទី​យប់​ថ្ងៃទី​២៧ ខែមេសា ឆ្នាំ ២០១៤ នៅខាងមុខ​រោងចក្រ​អឹម​ពែរ ស្ថិតនៅ​ភូមិ​ព្រែក​សំរោង សង្កាត់​តាខ្មៅ ក្រុង​តាខ្មៅ​។​

 

​ជនរងគ្រោះ​មានឈ្មោះ​ធី សំអាត ភេទ​ប្រុស អាយុ​១៩​ឆ្នាំ មុខរបរ​កម្មករសំណង់ មាន​ទីលំនៅ​ភូមិ ឃុំ​កើតហេតុ​ខាងលើ​។ ចំណែក​ជនសង្ស័យ​មានឈ្មោះ​លី គឹម​ស្រុ​ន ហៅ​អា​ជ្រូក អាយុ​២៧​ឆ្នាំ មុខរបរ​មិន​ពិតប្រាកដ ស្នាក់នៅ​ជាមួយ​ជីតា និង​បងស្រី​នៅ ភូមិ​ព្រែក​សំរោង សង្កាត់​តាខ្មៅ ក្រុង​តាខ្មៅ ខេត្តកណ្តាល​។​

 

​ប្រភពព័ត៌មាន​តាម​សាក្សី​ដែល​បានឃើញ​ហេតុការណ៍​ឲ្យ​ដឹងថា នៅ​មុនពេល​កើតហេតុ​ឃើញ​ជនសង្ស័យ និង​ជនរងគ្រោះ​អង្គុយលេង​នៅលើ​គ្រែ​លក់ដូរ​នៅខាងមុខ​រោងចក្រ​MP មាន​គ្នា​៣​ទៅ​៤​នាក់ ខណៈនោះ​ឈ្មោះ​លី គឹម​ស្រុ​ន ហៅ​អា​ជ្រូក បាន​និយាយ​សម្លុត​ខ្ចីលុយ​ចំនួន​១០​ដុល្លារ​ពី​ជនរងគ្រោះ ហើយ​ជនរងគ្រោះ​ឈ្មោះ សំ អាត ក៏បាន​និយាយ​តប​វិញ​ថា ខ្ញុំ​គ្មាន​លុយ​ឲ្យ​ទេ ពីព្រោះ​បង​ជ្រូក​ឯង​ខ្ចីលុយ​មិនដែល​សង វិញ​នោះទេ​។ ពេលនោះ​ជនសង្ស័យ​ក៏បាន​ដើរទៅ​ផ្ទះ​បាត់​មួយសន្ទុះ​ត្រឡប់មកវិញ ស្រាប់តែ​ដក​កាំបិត​ចុង ស្រួច​តូច​ចាក់​ចំ​បំពង់​.​កមួយ​កាំបិត​លិច​យ៉ាងជ្រៅ​ហូរឈាម​ស្រោច​ពេញ ខ្លួន ក៏មាន​ការផ្អើលឆោឡោ ទៅដល់​អ្នកជិតខាង​ប្រាប់​ក្រុមគ្រួសារ​ដឹក​យកទៅ​សង្គ្រោះ​នៅ​មន្ទីរពេទ្យ​កាល់ម៉ែត​។ ដោយ​ស្ថានភាព​របួស​ធ្ងន់ធ្ងរ​ពេក​បាន​មួយថ្ងៃ​ក៏បាន​ស្លាប់​នៅ​មន្ទីរពេទ្យ​។​

 

​បច្ចុប្បន្ន​ជនសង្ស័យ ត្រូវបាន​សមត្ថកិច្ច​កំពុង​តាម​ចាប់ខ្លួន ។ រីឯ​សព​ជនរងគ្រោះ​ត្រូវ​ក្រុមគ្រួសារ​យកទៅ​ធ្វើបុណ្យ​តាម​ប្រពៃណី​ ៕

30-4-2014

 

Leave a Reply

(*) Required, Your email will not be published