បញ្ជូន​សង្ឃ​មួយអង្គ ពាក់ព័ន្ធ​ករណី​ជួញដូរ​គ្រឿងញៀន​ទៅ​តុលាការ​

, , Leave a comment

​ខេត្តតាកែវ ៖ សង្ឃ​មួយអង្គ​ដែល​គង់នៅ​វត្ត​សីហ​រតនា​រាម នៅ​ភូមិ​ឡូរី សង្កាត់​រកា​ក្នុង ក្រុង​ដូន​កែវ ខេត្តតាកែវ ត្រូវបាន​មន្ទីរ​ធម្មការ និង​សាសនា​ខេត្ត​ចាប់​ផ្សឹក ហើយ​ប្រគល់​ឲ្យ​នគរបាល​នៃ​ស្នងការដ្ឋាន​នគរបាល​ខេត្តតាកែវ កសាង​សណុំ​រឿង​បញ្ជូនទៅ​សាលាដំបូង​នៅ​ថ្ងៃទី ២៨ ខែមេសា ឆ្នាំ​២០១៤ ដោយ​ជាប់​ពាក់ព័ន្ធ​ជួញដូរ​គ្រឿងញៀន កាលពី​ថ្ងៃទី ២៥ ខែមេសា ឆ្នាំ​២០១៤​។​

 

​តាម​របាយការណ៍​រប​ស់​សម​ត្ថិ​កិច្ច​នគរបាល​ព្រហ្មទណ្ឌ​នៃ​ស្នងការ​ខេត្តតាកែវ​បាន​ឲ្យ​ដឹងថា ជនជាប់សង្ស័យ​មានឈ្មោះ ជា ប៉ាវ អាយុ​១៩​ឆ្នាំ មាន​ស្រុកកំណើត​នៅ​ភូ​មិច​ង្កោ​ន ឃុំ​ព្រែក​ត្នោត ស្រុក​កំពត ខេត្តកំពត ។ មុនពេល​ឃាត់ខ្លួន​ជា​សង្ឃ​គង់នៅ​វត្ត​សីហ​រតនា​រាម ស្ថិតនៅ​ភូមិ​-​សង្កាត់​ខាងលើ ។ ថ្នាំញៀន​ដែល​រកឃើញ​នៅក្នុង​ខ្លួន​សង្ឃ​ខាងលើនេះ​មាន​ថ្នាំញៀន​ប្រភេទ ម៉ា​ទឹកកក ចំនួន ១៤​ថង់​ប្លា​ស្ទិ​ក ទម្ងន់ ១៤២,៦​ក្រាម ។​

 

​ក្នុងករណី​ខាងលើនេះ ជនសង្ស័យ​មិន​ឆ្លើយ​សា​ភាព​ទេ​ដោយ​បដិសេធថា ថ្នាំញៀន​ទាំងអស់ គឺ​ជន​មិន​ស្គាល់មុខ បាន​យកមក​ទុក​ឲ្យ ហើយ​បាន​ខ្ចីលុយ​ពី​រូបគេ​ចំនួន​៤០០​ដុល្លារ រួច​គេចខ្លួនបាត់ ។ ទោះបីយ៉ាងណា​ក៏ដោយ​ផ្អែក​តាម ការស្រាវជ្រាវ និង​វត្ថុតាង ដែលមាន​ស្រាប់​ទុក​ឲ្យ​តុលាការ​ជា​អ្នកសម្រេច ៕

30-4-2014

 

Leave a Reply

(*) Required, Your email will not be published