អាវុធហត្ថ​ខេត្ដ​ព្រះសីហនុ​ចាប់​ចោរលួច​កាបូប​ភ្ញៀវ​នៅ​ឆ្នេរសមុទ្រ​អូរ​ឈើទាល​បាន​៣​នាក់​ដកហូត​លុយ​១០.៨០០​ដុល្លារ​

, , Leave a comment

​ខេត្ត​ព្រះសីហនុ ៖ សមត្ថកិច្ច​កងរាជអាវុធហត្ថ​ខេត្ត​ព្រះសីហនុ បានធ្វើការ​ឃាត់ខ្លួន​ជនសង្ស័យ​ចំនួន ៣​នាក់ ក្រោយពី​បានធ្វើ​សកម្មភាព គាស់​ទ្វារ​រថយន្ត​របស់​ភ្ញៀវទេសចរ ខណៈដែល​មក​អង្គុយលេង​នៅ​ឆ្នេរ​អូរ​ឈើទាល កាល​ម៉ោង​១​ទាបភ្លឺ ឈានចូល​ថ្ងៃទី​២៨ ខែមេសា ឆ្នាំ​២០១៤ ស្ថិត ក្នុង ក្រុម​១៧ ភូមិ​៤ សង្កាត់​លេខ​៤ ក្រុងព្រះសីហនុ ខេត្ត​ព្រះសីហនុ ។​

 

​ការចាប់ខ្លួន​បុរស​ទាំង​បីនាក់​នោះ​កងរាជអាវុធហត្ថ​បាន​ធ្វើឡើង​នៅក្នុង​បន្ទប់​ផ្ទះសំណាក់ គឹម​ម៉េង ស្ថិតនៅ​ឆ្នេរ​អូរ​ឈើទាល កាលពី​ព្រឹក​ព្រលឹម​ថ្ងៃទី​២៨ ខែមេសា ឆ្នាំ​២០១៤ ។ មន្ដ្រី​កងរាជអាវុធហត្ថ​ខេត្ដ​ព្រះសីហនុ​បានឱ្យដឹងថា ជនសង្ស័យ​ដែល​ត្រូវ ឃាត់ខ្លួន​នេះ​ឈ្មោះ ភិន ណេ​ន ភេទ​ប្រុស អាយុ​៣៥​ឆ្នាំ​, ឈ្មោះ ដា ឌិន ភេទ​ប្រុស អាយុ​២៣​ឆ្នាំ និង​ឈ្មោះ ម៉ម វ​ណ្ណី ភេទ​ប្រុស អាយុ​២៤​ឆ្នាំ អ្នក​ទាំង​៣ ស្នាក់នៅ​អូរ​ទី​១ ភូមិ​១ សង្កាត់​លេខ​៤ ក្រុងព្រះសីហនុ​ទាំង​៣​នាក់ ។​

 

​ប្រភព ដដែល​បាន​បន្ដថា ក្រោយពេល​ចាប់ខ្លួន​ជនសង្ស័យ​នៅ​បន្ទប់​ផ្ទះ សំណាក់​ខាងលើ​ដកហូត​បាន​លុយ​ដុល្លារ​អាមេរិក​១០.៨០០ ដុល្លារ​អាមេរិក​, កាំភ្លើងខ្លី​ម៉ាក​ប្រា​ហា​១​ដើម​, កាបូប​ខ្មៅ ធំ​មួយ​និង​ទូរស័ព្ទ​ម៉ាក​សាំង​សុង កាឡា​ក់ ស៊ី​ណូ​ត​មួយគ្រឿង​ទៀត​ដែលជា​កម្មសិទ្ធិ របស់​ជនរងគ្រោះ ។​

 

​ប្រភព ដដែល​នោះបាន​បន្ដថា ផ្ទះសំណាក់ គឹម​ម៉េង កើតមាន​បទល្មើស និង​ជនល្មើស​ទៅ​លាក់ខ្លួន​នៅ​ទីនោះ​ជា ញឹកញាប់​ណាស់  ប៉ុន្ដែ​ម្ចាស់​ផ្ទះសំណាក់ ហាក់បីដូចជា​មិនសូវមាន​ការសហការ​ជាមួយ​សមត្ថកិច្ច​ប៉ុន្មាន​ទេ មិនដឹង គាត់​អាងខ្នង​កម្រាស់​ប៉ុនណា ?

 

​ទោះជា​យ៉ាងនេះ​ក្ដី​ជនសង្ស័យ​ទាំង​៣​នាក់ ត្រូវបាន​កងរាជអាវុធហត្ថ​ខេត្ដ​បង្ក​សំណុំរឿង​បញ្ជូនទៅ​សាលាដំបូង​ខេត្ដ ដើម្បី​ចាត់ការ​តាមច្បាប់​ហើយ ៕

29-4-2014

 

Leave a Reply

(*) Required, Your email will not be published