ឃាត់ខ្លួន​ជនសង្ស័យ​២​នាក់ ករណី​យក​ដប​សាំង​បម្រុង​ដុត​ផ្ទះ​ប្រជាពលរដ្ឋ​

, , Leave a comment

​រាជធានី​ភ្នំពេញ ៖ ជនសង្ស័យ​២​នាក់​ត្រូវបាន​សមត្ថកិច្ច​ធ្វើការ​ឃាត់ ខណៈដែល​ជននេះ​បាន​កំពុង​ធ្វើ​សកម្មភាព​កាន់​ដប​សាំង​ជាច្រើន​ដប​បម្រុង​ដុត​ផ្ទះ​ប្រជាពលរដ្ឋ ទាំងយប់ ។ ករណីនេះ​បានកើត​ឡើង​កាលពី​វេលា​ម៉ោង​១១ និង​៥៥​នាទី​យប់​ថ្ងៃទី​២៥ ខែមេសា ឆ្នាំ​២០១៤ ស្ថិតនៅ​ចំណុច​ផ្ទះ​លេខ​២៩១A, ផ្លូវ​ម៉ៅ​សេទុង​ក្រុម​១០ ភូមិ​១ សង្កាត់​ផ្សារ​ដើម​គរ ខណ្ឌទួលគោក រាជធានី​ភ្នំពេញ​។​

 

​ជនសង្ស័យ​ដែល​ត្រូវ​ឃាត់ខ្លួន​មានឈ្មោះ ទូច ប្រុស អាយុ​២៩​ឆ្នាំ មុខរបរ​មិន​ពិតប្រាកដ និង​ជា​មនុ​ស្សញៀន​ថ្នាំ​មាន​ទីលំនៅ​ផ្ទះ​លេខ​២១Z, ផ្លូវ​២៣០, ក្រុម​២៤ ភូមិ​៩​សង្កាត់​បឹង​សាឡាង ខណ្ឌទួលគោក និង​ម្នាក់ទៀត​មានឈ្មោះ កែ សុ​ចិន អាយុ​២០​ឆ្នាំ មុខរបរ​មិន​ពិតប្រាកដ ស្នាក់នៅ​អន្លង់​ក្ងាន សង្កាត់​ឃ្មួញ ខណ្ឌ​សែន​សុខ​។

 

​ចំណែក​ជនរងគ្រោះ​ដែល​ជនសង្ស័យ​គំរាម​ដុត​ផ្ទះ ១-​ឈ្មោះ​ឡោ សុខ​ហុង ភេទ​ស្រី អាយុ​២៥​ឆ្នាំ ជា​អ្នកលក់​កុំព្យូទ័រ ស្នាក់​នៅផ្ទះ​លេខ​២៩១A, ផ្លូវ​ម៉ៅ​សេទុង​ក្រុម​១០ ភូមិ​១ សង្កាត់​ផ្សារ​ដើម​គរ ខណ្ឌ​ទូល​គោក ទី​២-​ឈ្មោះ​គឹម ពត​ធី​ម ភេទ​ប្រុស អាយុ​៣៨​ឆ្នាំ ជា​មន្ត្រីនគរបាល​ក្រសួងមហាផ្ទៃ ស្នាក់​នៅផ្ទះ​លេខ ២៩៣AE0​ផ្លូវ ម៉ៅ​សេទុង ក្រុម​១០ ភូមិ​១ សង្កាត់ សង្កាត់​ផ្សារ​ដើម​គរ ខណ្ឌ​ទូល​គោក​។ ក្នុងការ​ឃាត់ខ្លួន​ជនសង្ស័យ​ខាងលើ​ប៉ូលិស​ដកហូត​បាន​វត្ថុ​តាង​បាន​ពី ជនសង្ស័យ​មាន​ដប​សាំង​៣​ដប ដាក់​ក្នុង​ដប​ទឹកបរិសុទ្ធ និង​មាន​រុំ​ក្រណាត់​ធ្វើជា​បញ្ឆេះ​យ៉ាង​ត្រឹមត្រូវ​ដើម្បី​ដុត​ផ្ទះ​គេ ចោល​។​

 

​មន្ត្រីប៉ូលិស​ខណ្ឌទួលគោក​បាន​ឲ្យ​ដឹងថា នៅ​មុនពេល​កើតហេតុ​ជនសង្ស័យ​ឈ្មោះ​ទូច ប្រុស បាន​ទៅរក​ជួប​អតីត​ប្រពន្ធ (​អត់​រៀបការ​) ដែល បាន​យកគ្នា​ជា​ប្តី​ប្រពន្ធ​បាន​៣​ឆ្នាំកន្លងមក និង​មាន​កូនស្រី​ម្នាក់​អាយុ​ប្រហែល​មួយឆ្នាំ​។ តែ​ការ​ទៅរក​ជួប​នោះ​មិន​ត្រូវបាន​ក្រុមគ្រួសារ​ខាង​ស្រី​បើកទ្វារ​ឲ្យ ចូល​ឡើយ ដោយសារតែ​ធ្លាប់បាន​ដេញ​ចេញពីផ្ទះ​នេះ ព្រោះតែ​ការ​ញៀន​ថ្នាំ និង​ប្រើ​ហិង្សា​ជា​ញឹកញាប់ និង​ម្យ៉ាងទៀត​ឈ្មោះ​ហាន់ ងី​ម​ដែល​ត្រូវជា​ប្រពន្ធ​នោះ​ក៏បាន​ទៅ​រស់នៅ​ខេត្ត​បាត់​ហើយ​ដែរ​។ ការមិន​ឲ្យ​ចូល​ផ្ទះ​នោះបាន​ធ្វើ​ឲ្យ​ជនសង្ស័យ​ខឹង​រហូត​ប្រើពាក្យ​ថា ពួកគេ​យប់​នេះ​នឹង​មក​ដុត​ផ្ទះ​ហ្នឹង​ចោល​ជាមិនខាន​។ ក្រោយពី​ទទួល​ពាក្យ​គំរាមកំហែង​នេះហើយ ក្រុមគ្រួសារ​ជនរងគ្រោះ​ក៏​បានមក​ដាក់ពាក្យ​បណ្ដឹង​នៅ​ប៉ូលិស​មូលដ្ឋាន ហើយ​ប៉ូលិស​ក៏បាន​ដាក់​កម្លាំង​ឃ្លាំមើល លុះ​មកដល់​ម៉ោង​កើតហេតុ​ជនសង្ស័យ​បម្រុង​មក​ធ្វើ​សកម្មភាព​មែន​នោះ​ក៏ត្រូវ ប៉ូលិស​ស្ទាក់​ចាប់បាន​ទាំង​មនុស្ស និង​វត្ថុតាង​តែម្តង ដើម្បី​យកមក​ដាក់ទោស​ទៅតាម​ច្បាប់​៕

28-4-2014 (1) 28-4-2014

 

Leave a Reply

(*) Required, Your email will not be published