ឡាន​ដឹក​សាំង​សូគីម៉ិច បើក​បុក​ហ៊ីយ៉ាន់ដាយ​នៅ​ខេត្តកំពង់ឆ្នាំង ស្លាប់​ម្នាក់ និង​២​នាក់ រងរបួស​ធ្ងន់​

, , Leave a comment

​ខេត្តកំពង់ឆ្នាំង ៖ បុរស​ជា​អ្នកបើកបរ រថយន្ត​ហ៊ីយ៉ាន់ដាយ បាន​ស្លាប់បាត់​បង់ជីវិត​ភ្លាមៗ នៅនឹងកន្លែង​កើតហេតុ និង​មនុស្ស ២​នាក់​ទៀត បាន​រងរបួស​ស្រាល ក្នុងករណី​គ្រោះថ្នាក់​ចរាចរណ៍ដ៍​គួរ​ឲ្យ​រន្ធត់​មួយ​កាលពី វេលា​ម៉ោង ១០​និង​៣០​នាទី យប់​ថ្ងៃទី​២៤ ខែមេសា ឆ្នាំ​២០១៤ លើ​កំណាត់​ផ្លូវជាតិ​លេខ​៥ ចន្លោះ​គីឡូម៉ែត្រ ១០៤-១០៥ ស្ថិតក្នុង​ភូមិ​ឈើ​នាគ ឃុំ​បន្ទាយ​ព្រាល ស្រុក​រលាប្អៀរ ខេត្តកំពង់ឆ្នាំង ។

 

​សាក្សី​បាន​ឲ្យ​ដឹងថា មុនពេល​កើតហេតុ មាន​រថយន្ត​ម៉ាក​ហ៊ីយ៉ាន់ដាយ ដឹក​អង្ករ​ចំណុះ​ប្រមាណ ៤០​តោន អត់​ស្លាក​លេខ បាន​ឈប់​នៅ​ចំណុចកើតហេតុ ដើម្បី​ត្រួត​ពិនិត្យមើល​កង់ រថយន្ត ហើយ​ពេល​ពិនិត្យ​រួច អ្នកបើក​បរបាន​ដើរ មក​ខាងមុខ​រថយន្ត លាង​សំអាត​ដៃ​។ ពេលនោះ ស្រាប់​តែមាន​រថយន្ត ដឹក​ប្រេងឥន្ធនៈ របស់​ក្រុមហ៊ុន​សូគីម៉ិច ពាក់​ស្លាក​លេខ ភ្នំពេញ 3A-1884 មក​បុក​ពីក្រោយ​ពេញទំហឹង បណ្តាល​ឲ្យ​រថយន្ត​ហ៊ីយ៉ាន់ដាយ បុក​អ្នកបើកបរ ដែល​កំពុង​ឈ​លាងដៃ អូស​ខ្ទាត​ជាង ៧០​ម៉ែត្រ ធ្លាក់​ស្នាមភ្លោះ​រួច​បន្ត ទៅបុក​ផ្ទះ​របស់​ប្រជាពលរដ្ឋ ដែល​កំពុង​ដេក​លង់លក់ លើ​គ្រែ​ក្នុងផ្ទះ​ចំនួន ៤​នាក់ បណ្តាល​ឲ្យ​រងរបួស​ស្រាល ចំនួន ២​នាក់ រីឯ​អ្នកបើកបរ​រថយន្ត​ស៊ី​តែ​ន ក្រុមហ៊ុន​សូគីម៉ិច គៀប​ជើង​ជាប់ ក្នុង​កាប៊ីន​រថយន្ត​។

 

ក្រោយពេល​កើតហេតុ​ភ្លាមៗ អ្នកភូមិ​បាននាំគ្នា គាស់​កាប៊ីន​រថយន្ត ដើម្បី​ជួយសង្គ្រោះ​អ្នកបើកបរ​រថយន្ត របស់​ក្រុមហ៊ុន​សូគីម៉ិច ហើយ​ជនរងគ្រោះ ដែល​ស្លាប់បាត់​បង់ជីវិត ជា​អ្នកបើកបរ​រថយន្ត ហ៊ីយ៉ាន់ដាយ ឈ្មោះ ពៅ អាយុ ៥៧​ឆ្នាំ មាន​ទីលំនៅ ស្រុក​សំពៅ​មាស ខេត្តពោធិសាត់ និង​អ្នករងគ្រោះ រួមមាន​១-​ឈ្មោះ ម៉ន ម៉ុម អាយុ ៥៧​ឆ្នាំ រងរបួស​ថ្លោះ​ចង្កេះ និង​២-​ឈ្មោះ អម ស៊ីន ភេទ​ប្រុស អាយុ ២​ឆ្នាំ បោក​ក្បាល​នឹង​ឈើ រងរបួស​ស្រាល​។ ពេល​សមត្ថកិច្ច​មកដល់ អ្នកបើកបរ​រថយន្ត​សូគីម៉ិច បាន​រត់​គេចខ្លួនបាត់​ស្រមោល ហើយ​សព​ជនរងគ្រោះ ត្រូវបាន​សាច់ញាតិ ទទួលយក​ទៅធ្វើ​បុណ្យ នៅ​ស្រុកកំណើត​។​ដោយឡែក​អ្នករងរបួស​ទាំង​២​នាក់ ត្រូវបាន​បញ្ជូនមក​ព្យាបាល នៅ​មន្ទីរពេទ្យបង្អែក ខេត្តកំពង់ឆ្នាំង​។ វត្ថុតាង​រថយន្ត ទាំងសងខាង យកមក​រក្សាទុក​នៅ​ការិយាល័យ​កណ្តាល សណ្តាប់ធ្នាប់ នៃ​ស្នងការដ្ឋាន​គរ​បាល ខេត្តកំពង់ឆ្នាំង រងចាំ​ការដោះស្រាយ ពេល​ក្រោយ  ៕

26-4-2014 (1) 26-4-2014 (2)

 

Leave a Reply

(*) Required, Your email will not be published