សមត្ថកិច្ច​បង្ក្រាប​រថ​យន្ត​ដឹកឈើ​គ្រញូង ពេលដែល​មាន​ករណី​គ្រោះថ្នាក់​ចរាចរណ៍​បុក​រថយន្ត​នាយ​អាវុធហត្ថ​ខេត្តព្រះវិហារ​

, , Leave a comment

​ខេត្តកំពង់ចាម ៖ កាលពី​វេលា​ម៉ោង​៤​ទៀបភ្លឺ ថ្ងៃទី​២២ ខែមេសា ឆ្នាំ​២០១៤ នៅមុខ​ភោជនីយដ្ឋាន​ចំការ​ឫស្សី ស្ថិតនៅ​ភូមិ​ស្ថាពរ សង្កាត់​ប៉ា​លហាល ក្រុង​ព្រះវិហារ ខេត្តព្រះវិហារមាន​ករណី​គ្រោះថ្នាក់​ចរាចរណ៍​មួយ​បានកើត​ឡើង បណ្តាល​ឲ្យ​រថយន្ត​កាមរី ស៊េរី​ឆ្នាំ​១៩៩១ របស់លោក​អនុសេនីយ៍ទោ ជេ​ត វណ្ណៈ នាយការិយាល័យ​ហ្វឹកហ្វឺន​កងរាជអាវុធហត្ថ​ខេត្តព្រះវិហារ ខ្ទេច​មុខ​ផ្នែក​ខាងស្តាំ ដោយសារ​រថយន្ត​ដឹកឈើ​គ្រញូង​១​គ្រឿង​ម៉ាក​កាមរី​ស៊េរី​ឆ្នាំ​១៩៩៣ ពណ៌​ស បើក​បុក​ទាំង​កំរោល ។

 

​នៅវេលា​ម៉ោង​ខាងលើ លោក​បាន​បើករថយន្ត​ចេញពី​ទីបញ្ជាការ​គោលបំណង​ទៅផ្ទះ​នៅ​ភូមិ​.​ឃុំ​ខាងលើ តែ​ពេលមកដល់​កន្លែងកើតហេតុ​ដែលជា​ចំណុច​ផ្លូវ​កោង ក៏មាន​រថយន្ត​ដឹកឈើ​គ្រញូង​១​គ្រឿង​បើក​យ៉ាង​លឿន​បណ្តាល​ឲ្យ​ជ្រុល ចង្កូត​មក​បុក​រថយន្ត​លោក​ខ្ទេច​មុខ​មួយ​ចំហៀង ចំណែក​រ​ថ​យន្ត​ដឹកឈើ​គ្រញូង​បាន​ជ្រុល​ធ្លាក់​ផ្លូវ​ទៅមុខ​លែងរួច ។ រីឯ​អ្នកបើក​បរបាន​បើកទ្វារ​រត់​បាត់ស្រមោល ។ លោក​អនុសេនីយ៍ទោ ជេ​ត វណ្ណៈ បាន​ប​ន្តថា ក្រោយពី​កើតហេតុ លោក​បាន​ចុះ​ពិនិត្យ​មើលឃើញ​ក្នុង​រថយន្ត​ផ្ទុក​ឈើ​គ្រញូង​ពេញ ទើប​លោក​ទូរស័ព្ទ​ទៅ​លោក អ៊ិត ភូម្រា នាយ ខណ្ឌ​រ​ដ្ឋ​បាល​ព្រៃឈើ​ព្រះវិហារ យក​រថយន្តស្ទូច​យក​រថយន្ត​ដឹកឈើ​នោះ​ទៅ​រក្សាទុក​នៅ​ខណ្ឌ​រដ្ឋបាល ព្រៃឈើ​ព្រះវិហារ ដើម្បី​ចាត់ការ​ទៅតាម​នីតិវិធី ។​

 

​ដោយឡែក​រថយន្ត​ដឹកឈើ​គ្រញូង​ខាងលើ បើ​ពុំមាន​ជួប​គ្រោះថ្នាក់​ចរាចរណ៍​ទេ នោះ​ប្រហែល​ទៅដល់​ខេត្តកំពង់ចាម​បាត់ទៅហើយ ៕

24-4-2014 (2) 24-4-2014 (1)

 

Leave a Reply

(*) Required, Your email will not be published