ទំនេរ​ឆ្លៀតពេល​រកប្រាក់ ចេញ​ឆក់​គ្មាន​ជំនាញ ត្រូវ​សមត្ថកិច្ច​ចាប់បាន​វាយខ្នោះ​

, , Leave a comment

​ខេត្តបាត់ដំបង ៖ ជនសង្ស័យ​ម្នាក់​ត្រូវ​សមត្ថកិច្ច​ឃាត់ខ្លួន បន្ទាប់ពី​ធ្វើ​សកម្មភាព​ឆក់​កាបូប​របស់​នារី​រងគ្រោះ តែ​មិនបាន​សម្រេច ។ ករណីនេះ​បានកើត​ឡើង​កាលពី​វេលា​ម៉ោង​៧​ព្រឹកថ្ងៃទី​២១ ខែមេសា ឆ្នាំ​២០១៤ ត្រង់ចំណុច​មុខ​សាកលវិទ្យាល័យ​បាត់ដំបង ស្ថិតក្នុង​ភូមិ​អូរ​ខ្ជាយ សង្កាត់​ព្រែក​ព្រះស្តេច ក្រុង​បាត់ដំបង ខេត្តបាត់ដំបង​។​

 

​ជនសង្ស័យ​ដែល​ត្រូវ​សមត្ថកិច្ច​ឃាត់ខ្លួន​នោះ​មានឈ្មោះ ឈុន ពិសិដ្ឋ ភេទ​ប្រុស អាយុ​២៤​ឆ្នាំ មុខរបរ មិន​ពិតប្រាកដ មាន​ទីលំនៅ​ភូមិ​ចំការ​សំរោង​២ សង្កាត់​ចំការ​សំរោង ក្រុង​បាត់ដំបង ។ ចំណែក​ជនរងគ្រោះ​មានឈ្មោះ តន ស្រី​ជិ​ញ ភេទ​ស្រី អាយុ​១៩​ឆ្នាំ មុខរបរ និស្សិត មាន​ទីលំនៅ​ក្រុមទី​៣៤ ភូមិ​ម្ភៃ​ឧសភា សង្កាត់​ស្វាយប៉ោ ក្រុង​បាត់ដំបង ។​

 

​ប្រភពព័ត៌មាន​ពី​សមត្ថកិច្ច​មូលដ្ឋាន​បាន​ឲ្យ​ដឹងថា មុនពេល​កើតហេតុ​ជនរងគ្រោះ​កំពុង​ជិះ​ម៉ូតូ​ស្រាប់តែ​ជនសង្ស័យ​បាន​ជិះ​ម៉ូតូ​១​គ្រឿង មក​ឆក់​កាបូប​នាង​ជិះ​សំដៅ ទៅ​ទឹកដី​ស្រុក​សង្កែ​ភ្លាមៗ នោះ​នាង​បាន​ស្រែកថា​ចោរៗ ឲ្យ​គេ​ជួយ​បន្ទាប់មក​ជនសង្ស័យ​បាន​ផ្តួល​ម៉ូតូ​ចោល​រត់គេចខ្លួន តែ​ត្រូវ​កម្លាំង​សមត្ថកិច្ច​ចាប់​ជាប់​។ ក្រោយ​ចាប់​ឃាត់ខ្លួន​នោះ​សមត្ថកិច្ច​ដកហូត​បាន​វត្ថុតាង​ក្នុងនោះ​រួមមាន ទូរស័ព្ទ​ណូគា​ស៊ីម​២​មួយគ្រឿង ទូរស័ព្ទ​អាយ​ហ្វូ​ន​ហ្វា​យ​អេស​១​គ្រឿង លិខិតឆ្លងដែន​១ ប័ណ្ណបើកបរ​១​សន្លឹក លុយ​ខ្មែរ​ចំនួន​៤៥.០០០​រៀល លុយ​ដុល្លារ​៣​ដុល្លារ ព្រមទាំង​ម៉ូតូ​របស់​ជនសង្ស័យ​ធ្វើ​សកម្មភាព​ផងដែរ​។​

 

​ក្រោយ​ឃាត់ខ្លួន និង​សាកសួរ​ចម្លើយ សមត្ថកិច្ច​បាន​កសាង​សំណុំរឿង បញ្ជូន​ខ្លួន​ជនសង្ស័យ​ទៅ​តុលាការខេត្ត ដើម្បី​ចាត់ការ​តាមច្បាប់​។ ចំណែក​វត្ថុតាង​ដែល​រឹប អូស​បាន​សមត្ថកិច្ច​បា​ន​ប្រគល់​ឲ្យ​ទៅ​ម្ចាស់​ដើម​វិញ ៕

23-4-2014

 

Leave a Reply

(*) Required, Your email will not be published