ឈើ​ប្រណីត​ប្រភេទ​ធ្នង់ មួយ​រថយន្ត​យី​ឌុប ត្រូវគេ​ដឹក​យកមក​ទម្លាក់ចោល នៅមុខ​ហាងខារ៉ាអូខេ​ABC​កណ្តាល​ក្រុង​កំពង់ចាម​លោក ប្រាក់ ណូ​ម៉ា មិន​ហ៊ាន​ប៉ះពាល់​

, , Leave a comment

​ខេត្តកំពង់ចាម ៖ ឈើ​ប្រណីត​ជាច្រើន​កំណាត់​ត្រូវបាន​ឈ្មួញ​ដឹក​យកមក​ទម្លាក់​នៅមុខ​ហាង ខារ៉ាអូខេ​ABC ក្នុង​ក្រុង​កំពង់ចាម ស្ថិត​ក្នុងភូមិ​១ សង្កាត់​វាលវង់ ក្រុង​កំពង់ចាម ខេត្តកំពង់​ចា​ម​បង្ក​ឲ្យ​មានការ​ភ្ញាក់ផ្អើល​ដល់​ប្រជាពលរដ្ឋ និង​សមត្ថកិច្ច​នៅ​ព្រឹក​ថ្ងៃទី​២២ ខែមេសា ឆ្នាំ​២០១៤​។​

 

តាម​ព័ត៌មាន​ខ្សឹបខ្សៀវ​បាន​ឲ្យ​ដឹងថា កំណាត់ឈើ​ទាំងអស់នោះ​ជា​ប្រភេទ​ឈើ​ធ្នង់ ជាង​១៨​ម៉ែត្រគូប ត្រូវគេ​ដឹក​យកមក​ទម្លាក់ចោល នៅមុខ​ហាង​ខារ៉ាអូខេ​ABC ក្នុង​ក្រុង​កំពង់ចាម តាម​រថយន្ត​យី​ឌុប​មួយគ្រឿង ចេញពី​ខេត្តស្ទឹងត្រែង ក្នុង​បំណង​ដឹក​យកមក​ដាក់​នៅ​ភូមិគ្រឹះ​មួយកន្លែង ក៏ប៉ុន្តែ​រថយន្ត​នេះ មិនបាន​ដាក់​នៅតាម​គោលដៅ​ទេ បែរជា​យកមក​ទម្លាក់​ចោល​នៅ​កន្លែងកើតហេតុ​ខាងលើ​។​

 

ឈើ​ប្រណីត​ប្រភេទ​ធ្នង់​នៅលើ​រថយន្ត​យី​ឌុប​ខាងលើ​មាន​រហូតដល់​១៨ ម៉ែត្រគូប ប៉ុន្តែ​ទម្លាក់​នៅមុខ​ហាង​ខារ៉ាអូខេ បានតែ​ពាក់កណ្តាល​ប៉ុណ្ណោះ ក៏ត្រូវ​សមត្ថកិច្ច​ឃាត់ និង​បញ្ជា​ឲ្យ​ដឹក​យកទៅ ដាក់​នៅ​ភូមិគ្រឹះ​នោះ​វិញ ។ បន្ទាប់ពី​មានការ​ចោមរោម​ពី​សមត្ថកិច្ច​ទើប​ឃើញ​ម្ចាស់​ឈើ​ដែល​គេ​ស្គាល់​ថា​ជា​ប្រព​ន្ឋ​លោក​សាន​ច​យ ហើយ​លោក​សាន ច​យ ជា​មេការ​របស់​ឧកញ៉ា​លឹម​ប៊ុន​ណា ហៅ​ខ្នារ​ដែល​ល្បី​​ខាង​ជូន​ឈើ​ដុះ​ស្លែ​បាន យក​អាជ្ញាប័ណ្ណ​ហ្វូ​តូ​កូ​ពី​លេខ​០០១៥០៩ ផុតកំណត់​ថ្ងៃទី​២៣ មេសា ២០១៤ ចុះហត្ថលេខា​ដោយ​លោក សិទ្ឋិ សំណាង នាយផ្នែក​រដ្ឋបាល​ព្រៃឈើ​ស្ទឹងត្រែង មក​​បង្ហាញ​សមត្ថកិច្ច​ដោយ​អះអាងថា​ឈើ​១​ឡាន​យី​ឌុប​នេះ​យកមក​ជូន​តា​ចៅហ្វាយខេត្ត​ចាស់​។ ​បន្ទាប់ពី​ឃើញ អាជ្ញាប័ណ្ណ​និង​មាន​អន្តរាគមន៍​តាម​ទូ​រស​ព្វ័​ផង​នោះគេ​មិនឃើញ​លោក​ប្រាក់ ណូ​ម៉ា​នាយខ​ណ្ឌ័​រដ្ឋបាល​ព្រៃឈើ​ចុះមក​ត្រួតពិនិត្យ​ទេ​ក្រៅពី​បើកឡាន​មក​ឆ្វែល​តែប៉ុណ្ណោះ​ ៕​

20140422_083856(0)

ម្ចាស់ឈើជជែកជាមួយកូនចៅលោក ប្រាក់ ណូម៉ា

 

23-4-2014 23-4-2014 (1)

 

 

Leave a Reply

(*) Required, Your email will not be published