ពេល​ស្រា​ចូលខ្លួន ដំឡើង​ឫទ្ធិ វាយ​ក្បាល​មិត្ត​បែក ជាប់​ខ្នោះ​

, , Leave a comment

​ខេត្តបន្ទាយមានជ័យ ៖ បុរស​ម្នាក់​ត្រូវបាន​សមត្ថកិច្ច​ចាប់​ឃាត់ខ្លួន ក្រោយ​ទទួលបាន​ពាក្យបណ្តឹង​ពី​ក្រុមគ្រួសារ​ជនរងគ្រោះ ដែល​បាន​ប្រើប្រាស់​អំពើហិង្សា ខណៈដែល​ផឹកស៊ី​ហើយ​ឌឺដង​ពាក្យសម្តី​រហូតដល់​ជនបង្ក​បាន​វាយ​ក្បាល​ជនរងគ្រោះ​រហូតដល់​បែក កាលពី​វេលា​ម៉ោង​៩​និង​៣០​នាទី​យប់ កាលពី​ថ្ងៃទី​១៧ ខែមេសា ឆ្នាំ​២០១៤ ។ ករណី​ឃាត់ខ្លួន​នេះ​ធ្វើឡើង​កាលពី​វេលា​ម៉ោង​១​រសៀល ថ្ងៃទី​២១ ខែមេសា ឆ្នាំ​២០១៤ នៅផ្ទះ​ជនបង្ក ស្ថិតក្នុង​ភូមិ​ចាន់​គី​រី សង្កាត់​ប៉ោយប៉ែត ក្រុង​ប៉ោយប៉ែត ខេត្តបន្ទាយមានជ័យ​។​

 

​ជនបង្ក​មានឈ្មោះ ឈួ​ម រុំ ហៅ​ក្រឹម ភេទ​ប្រុស អាយុ​២៣​ឆ្នាំ ។ ចំណែក​ជនរងគ្រោះ​មានឈ្មោះ ទូច ផាន់​ណា ភេទ​ប្រុស អាយុ​២៧​ឆ្នាំ ។ អ្នក​ទាំងពីរ​មាន​ទីលំនៅ​ក្បែរ​គ្នា ស្ថិតក្នុង​ភូមិ​ឃុំ​កើតហេតុ​ខាងលើ​។​

 

​លោក ហម ម៉ុ​ត មេ​បញ្ជ​ការ​មូលដ្ឋាន​កងរាជអាវុធហត្ថ​ក្រុង​ប៉ោយប៉ែត​បាន​ឲ្យ​ដឹងថា នៅវេលា​កើតហេតុ​ខាងលើ​ជនបង្ក និង​ជនរងគ្រោះ ជា​មិត្ត​ភ​ក្តិ​​នឹង​គ្នា ហើយ​បាន​ផឹកស៊ី​ស្រវឹង​ជោកជាំ​រវាង​ខ្លួន រហូតដល់​ឌឺដង​ពាក្យសម្តី​ដាក់គ្នា​ធ្វើ​ឲ្យ​ជនបង្ក​ខឹង​បាន​ទាញ​ខ្សែក្រវាត់​វាយ​ក្បាល​ជនរងគ្រោះ ហើ​យ​គេចខ្លួន​បាត់ស្រមោល ។ លុះ​គេចខ្លួន​បាន​មួយរយៈ​ជនសង្ស័យ​បាន​វិល​មក​ចូល​ផ្ទះ​វិញ ហើយ​ត្រូវបាន​កម្លាំង​សមត្ថកិច្ច​ចាប់ខ្លួន​តែម្តង ។​

 

​នៅមុខ​សមត្ថកិច្ច​ជនបង្ក​បាន​សារភាពថា រូបគេ​ពិតជា​បាន​ប្រើប្រាស់​អំពើហិង្សា​ពិតប្រាកដ​មែន ខណៈដែល​រូបគេ​ស្រ​វឹក​ស្រា ។ ក្រោយពេល​សា​ក​សួ​រ​ជនសង្ស័យ សមត្ថកិច្ច​បាន​កសាង​សំណុំរឿង និង​បញ្ជូន​ជនសង្ស័យ​ទៅ​តុលាការ ដើម្បី​ចាត់ការ​តាមផ្លូវ​ច្បាប់​៕

23-4-2014

 

Leave a Reply

(*) Required, Your email will not be published