ពេល​ចំណង់តណ្ហា​ឡើងដល់​កម្រិត បែប​គំនិត​ចាប់​នាង​សម្រាត បម្រុង​ចាប់រំលោភ ត្រូវ​ប្រជាពលរដ្ឋ​វាយ​ស្ទើរ​ស្លាប់​

, , Leave a comment

​រាជធានី​ភ្នំពេញ ៖ យុវជន​ម្នាក់​ត្រូវ​ប្រជាពលរដ្ឋ​វាយ​ស្ទើរ​ស្លាប់​ស្ទើរ​រស់ ខណៈ​ពេលធ្វើ​សកម្មភាព​វាយ​នារី​ម្នាក់​ប៉ង​យកទៅ​រំលោភ​តែ​មិនបាន​ស​ម្រេ​ច ព្រោះ​ត្រូវ​បងស្រី​នាង​ឃើញ​ទាន់ ហើយ​ស្រែក​ឆោឡោ ។ ហេតុការណ៍​នេះ​កើតឡើង​កាលពី​វេលា​ម៉ោង​៨​យប់​ថ្ងៃទី​២០ ខែមេសា ឆ្នាំ​២០១៤ ស្ថិ​ត​នៅ​​ចំណុច​ផ្លូវ​រថភ្លើង ភូមិ​ដំណាក់ សង្កាត់​ភ្នំពេញ​ថ្មី ខណ្ឌ​សែន​សុខ​។​

 

​ជនសង្ស័យ​ល្មោភកាម​ខាងលើ​ឈ្មោះ នាង រិទ្ធី អាយុ​២៦​ឆ្នាំ ជា​កម្មករ​រោងចក្រ​កាត់ដេរ ស្នាក់នៅ​ផ្ទះជួល​ភូមិ​តា​ងួន សង្កាត់​កា​កាប ខណ្ឌ​ពោធិ៍​សែន​ជ័យ ។ ចំណែក​នារី​រងគ្រោះ​អាយុ​២២​ឆ្នាំ ជា​កម្មការិនី​រោច​ក្រ ស្នាក់នៅ​ផ្ទះជួល​ក្បែរ​ជនសង្ស័យ​ខាងលើ​។​

 

​នៅ​ចំពោះមុខ​សមត្ថកិច្ច​នារី​រងគ្រោះ​ឱ្យដឹងថា នាង និង​ជនសង្ស័យ​បាន​ស្គាល់គ្នា​រយៈពេល​៣​ខែ​មកហើយ ដោយសារតែ​បុរស​រូបនោះ​បានមក​ជួល​បន្ទប់​ស្នាក់​នៅក្បែរ​បន្ទប់​ជួល​របស់​នាង ។ ជា​រៀងរាល់ថ្ងៃ​ជន​នោះ​តែងតែ​ព្យាយាម​សុំ​លេខ​ទូរស័ព្ទ​ពី​នាង ហើយ​ក៏បាន​ទូរស័ព្ទ​មកសុំ​ស្នេហ៍ និង​ចង់​ណាត់ជួប​រូបនាង​ជាច្រើនលើក​ច្រើនសារ តែ​នាង​បដិសេធ​មិន​ព្រម​ជួប ។​

 

​លុះ​នៅ​យប់​ថ្ងៃ​កើត​កើតហេតុ ពេល​នាង​ដើរ​ចេញពី​បន្ទប់​យក​សំរាម​ទៅ​បោះចោល​នៅ​ម្ដុំ​ផ្លូវ​រថភ្លើង​ក៏​លេចមុខ​បុរស​ល្មោភកាម​ម្នាក់​នោះ ដើរ​តាម​ពីក្រោយ​នាង​រហូតដល់​កន្លែង​ស្ងាត់ ក៏បាន​ធ្វើ​សកម្មភាព​វាយ​នាង​មួយ​ដៃ​ចំ​កញ្ចឹងក រួច​ចាប់​បោចសក់​នាង​អូស​ចូលទៅក្នុង​គុម្ព​ស្មៅ​ក្បែរ​កន្លែង​ចាក់សំរាម (​ម្ដុំ​ផ្លូវ​រថភ្លើង​) ហើយ​បម្រុង​ចាប់រំលោភ​នាង តែ​ត្រូវ​បងស្រី​នាង​ឃើញ​ទាន់​ស្រែក​ឆោឡោ បង្កឱ្យមាន​ការភ្ញាក់ផ្អើល​ដល់​ប្រជាពលរដ្ឋ​ដែល​រស់​នៅក្បែរនោះ ស្ទាក់​វាយ​ម្នា​ក់មួយ​ដៃ​មួយ​ជើង​ស្ទើរ​ស្លាប់​ស្ទើរ​រស់ ហើយ​កុំ​តែ​បាន​សមត្ថកិច្ច​ប៉ុស្ដិ៍នគរបាល​រដ្ឋបាល​ភ្នំពេញ​ថ្មី​ចុះមក​អន្តរាគមន៍​ទាន់ពេលវេលា កុំ​អី​ត្រូវ​ប្រជាពលរដ្ឋ​វាយ​ស្លាប់​បាត់ទៅហើយ ។​

 

​ក្រោយពេល​កើតហេតុ សមត្ថកិច្ច​បាន​នាំ​ជនរងគ្រោះ និង​ជនសង្ស័យ​យកទៅ សាលាសង្កាត់ ដើម្បី​សាក សួរ និង​កសាក​សុំ​ណំ​រឿង បញ្ជូនទៅ​តុលាការ ដើម្បី​ចាក់​ការ​ទៅតាម​ផ្លូវច្បាប់​៕

22-4-2014

 

Leave a Reply

(*) Required, Your email will not be published