ឥទ្ធិពល​នៃ​សុរា វាយប្រហារ​រហូតដល់​អ្នកឈ្នះ​ជាប់​ខ្នោះ អ្នកចាញ់​ហូរឈាម​ខ្សោះ​ដេកពេទ្យ​

, , Leave a comment

​ក្រុង​ប៉ោយប៉ែត ៖ វង់​ផឹកស៊ី បានក្លាយ​ជាទី​លាន​សម​រ​ភូមិ​កាប់​ចាក់ ដោយសារតែ​ឥទ្ធិពល​នៃ​សារធាតុ​ស្រវឹង​រហូតដល់​អ្នកចាញ់​ដេកពេទ្យ និង​អ្នកឈ្នះ​បាន​ត្រឹម​ជាប់គុក ។ ហេតុការណ៍​នេះ​បាន​កើតឡើង​កាលពី​យប់​ថ្ងៃទី​១៣ ខែមេសា ឆ្នាំ​២០១៤ ឆ្នាំ​២០១៤ នៅ​ចំណុច​មាត់​អូរ​ព្រំដែន​កម្ពុជា​-​ថៃ​ខាងលិច​របង​កាស៊ីណូ​ផ្កាយ​ប្រាំ ស្ថិត​ក្នុងភូមិ​ក្បាលស្ពាន​១ សង្កាត់​-​ក្រុង​ប៉ោយប៉ែត ហើយ​សមត្ថកិច្ច​ទទួល​បាន​ពាក្យបណ្តឹង​ពី​ក្រុមគ្រួសារ​ជនរងគ្រោះ និង​ស្វែងរក​ចាប់ខ្លួន​ជនដៃដល់ កាលពី​ព្រឹក​ថ្ងៃទី​១៩ ខែមេសា ឆ្នាំ​២០១៤ ស្ថិតនៅ​ចំណុច​ផ្សារ​រ៉ា ក្នុង​សង្កាត់ ក្រុង​ប៉ោយប៉ែត ខេត្តបន្ទាយមានជ័យ ។​

 

​យោងតាម​ពាក្យបណ្តឹង​បាន​ឲ្យ​ដឹងថា ជនសង្ស័យ​មានឈ្មោះ ពាង ម៉ិ​ក ភេទ​ប្រុស អាយុ​៣២​ឆ្នាំ មាន​ទីលំនៅ​ភូមិ​ប៉ោយប៉ែត សង្កាត់ និង​ក្រុង​ប៉ោយប៉ែត ។ ចំណែក​ជនរងគ្រោះ​មានឈ្មោះ ចាន់ ថន ភេទ​ប្រុស អាយុ​៣៦​ឆ្នាំ មាន​ទីលំនៅ​ភូមិ​ក្បាលស្ពាន​១ សង្កាត់ និង​ក្រុង​ប៉ោយប៉ែត ខេត្តបន្ទាយមានជ័យ ។​

 

​ប្រភព​ដដែល​បាន​បន្តទៀតថា នៅ​មុនពេល​កើតហេតុ​ខាងលើ​ជនបង្ក និង​ជនរងគ្រោះ​បាន​ស៊ីផឹក​ជាមួយគ្នា ក្នុងឱកាស​ចូលឆ្នាំថ្មី ។ ពេល​ផឹកស៊ី​នោះ ជនរងគ្រោះ​បាន​ឌឺដង និង​លេងសើច​ជា​លក្ខណៈ​មិត្តភក្តិ រហូតដល់​ផ្ទុះ​ជា​កំហឹង​រហូតដល់​ជនបង្ក​បាន​ទាញ​ដង​ស្រា​មក​វាយ​សំពង​លើ​ជនរងគ្រោះ បណ្តាល​ឲ្យ​បែកក្បាល​ជាច្រើន​កន្លែង ។ ភ្លាមនោះ​ជនបង្ក​បាន​រត់គេចខ្លួន​ចូលទៅក្នុង​ដី​ថៃ តែម្តង ហើយ​ជនរងគ្រោះ​ត្រូវ​ក្រុមគ្រួសារ​ដឹកយក​ទៅ​សង្គ្រោះ​នៅ​គ្លីនិក​ឯកជន​នៅក្នុង​ក្រុង​ប៉ោយប៉ែត ។ លុះ​ព្រឹក​ឡើង​ថ្ងៃទី​១៤ ខែមេសា ឆ្នាំ​២០១៤ ជនរងគ្រោះ​បានដាក់​ពាក្យបណ្តឹង​នៅ​បញ្ជាការដ្ឋាន​កងរាជអាវុធហត្ថ​ក្រុង​ប៉ោយប៉ែត​ដើម្បី​ឲ្យ​ជួយ​ស្រាវជ្រាវ​រកមុខ​ជនដៃដល់​ផ្តន្ទាទោស​តាមផ្លូវ​ច្បាប់ ។ បន្ទាប់ពី​បានទទួល​ពាក្យបណ្តឹង​ពី​ជនរងគ្រោះ​ភ្លាម​លោក​វរសេនីយ៍ទោ ហម ម៉ុ​ត មេបញ្ជាការ​បានដាក់​ក​ម្លាំ​ង​តាម​ទិសដៅ​ឈរជើង រហូត​ឈានដល់​ការឃាត់ខ្លួន​ជនសង្ស័យ​បាន​នៅ​ចំណុច​ផ្សារ​រ៉ា តែម្តង ។​

 

​លោក ហម ម៉ុ​ត មេបញ្ជាការ​កងរាជអាវុធហត្ថ​ក្រុង​ប៉ោយប៉ែត​បាន​ឲ្យ​ដឹងថា យោងតាម​ចម្លើយសារភាពរ​បស់ជនស​ង្ស័​យ​ថា ខ្លួន​បាន​ប្រើ​ហិង្សា​ទៅលើ​ជនរងគ្រោះ​ពិតប្រាកដ​មែន ។ ក្រោយ​សាកសួរ​សមត្ថកិច្ច​បាន​កសាង​សំណុំរឿង និង​បញ្ជូន​ជនសង្ស័យ​ទៅកាន់​ទីបញ្ជាការដ្ឋាន​ក​ង​រាជ​អាវុធហត្ថ​ខេត្តបន្ទាយមានជ័យ ដើម្បី​ចាត់ការ​បន្តទៅ​តាម​នីតិ​វិធី​នៃ​ច្បាប់​៕

21-4-2014 (1) 21-4-2014 (2)

 

Leave a Reply

(*) Required, Your email will not be published