ព័ត៌មាន​បន្ថែម​នៃ​ការ​លិច​នាវា​ដឹក​អ្នកដំណើរ​ដែនសមុទ្រ​កូរ៉េខាងត្បូង (​វីដេអូ​)

, , Leave a comment

​កូរ៉េខាងត្បូង​ ៖ បើតាម​ការចុះផ្សាយ​រប​ស់​ទីភ្នាក់ងារសារព័ត៌មាន​ស៊ិន​ហួរ​បាន​ឲ្យ​ដឹងថា គិត​ត្រឹម​ម៉ោង ៦​ល្ងាច ថ្ងៃ​ពុធ ទី ១៦ ខែមេសា ចំនួន​អ្នកស្លាប់​៣ និង​កំពុង​បាត់​ខ្លួន ២៩២​នាក់ព្រមទាំង​ជួយសង្គ្រោះ​បាន​ចំនួន ១៦៤​នាក់ ក្នុងករណី​លិច​នាវា​អ្នក​ដឹក​ដំណើរ នៅក្នុង​ដែនសមុទ្រ​កូរ៉េខាងត្បូង​។

​អាជ្ញាធរ​កូរ៉េខាងត្បូង​បញ្ជាក់ថា អ្នកស្លាប់​ចំនួន​៣​នាក់​នោះ មាន​សមាជិក នាវិក ភេទ​ស្រី​ម្នាក់ អាយុ ២២​ឆ្នាំ និង​សិស្ស​ប្រុស ២​នាក់ ។ អាជ្ញាធរ​ដែនសមុទ្រ​បាន​បញ្ជាក់ថា ចំនួន​សិស្ស គឺ ៤៥៩​នាក់ ដែល​ស្ថិតនៅលើ​កប៉ាល់ បាន​លិច​ចូលទៅក្នុង​សមុទ្រ​នោះ​។​

 

​បើតាម​ការអះអាង​រប​ស់​អ្នកដំណើរ​ម្នាក់​ដែល​រួច​ពី​សេចក្ដីស្លាប់​នាពេល​នោះបាន​និយាយថា សា​ឡង់​ខាងលើ​ដែលមាន​ទម្ងន់​៦.៨២៥​តោន​បាន​ប៉ះទង្គិច​នឹង​ឧបករណ៍​ដ៏ អាថ៌កំបាំង​មួយ (​ក្នុង​ទឹក​) នៅពេល​កំពុង​បើកបរ ប៉ុន្តែ​មិនដឹងថា​ជា​អ្វី​ឲ្យ​ប្រាកដ​នោះទេ​។​

 

​តាម​ការ​ឲ្យ​ដឹង​ពី អាជ្ញាធរ​របស់ខ្លួន ប្រតិបត្តិការ​ជួយសង្គ្រោះ​កំពុង​បន្ត​រហូតមកដល់​ថ្ងៃ​ព្រហស្បតិ៍​នេះ ដោយ​ក្នុងនោះ ក្នុងចំណោម​អ្នកដំណើរ​សរុប​ប្រមាណ​ជា​៤៧៥​នាក់ មាន​អ្នកដំណើរ ១៧៩​នាក់​ត្រូវបាន​ជួយសង្គ្រោះ​។​

 

​អ្នកដំណើរ​នៅលើ​សា​ឡង់​នោះ​ភាគច្រើន​គឺជា​សិស្ស​វិទ្យាល័យ មាន​ចំនួន​៣២៥​នាក់ អាយុ​ចន្លោះ​ពី ១៦ ទៅ ១៧​ឆ្នាំ បានធ្វើ​ដំណើរ​ក្នុង​គោលដៅ​ទេសចរណ៍​ទៅកាន់​កោះ Jeju ដ៏​មាន​ប្រជាប្រិយភាព​របស់ខ្លួន ដោយបាន​ផ្ទុក​ជាមួយនឹង​រថយន្ត​១៥០​គ្រឿង​ផងដែរ​។​

​ចំនួន​មនុស្ស ស្លាប់​ត្រូវគេ​រំពឹងថា មានការ​កើនឡើង​បន្តទៀត ត្បិត​អី​ចំនួន​អ្នក​បាត់​ខ្លួន​នៅមាន​ច្រើន​លើសលប់​នៅឡើយ​។ នៅ​ព្រឹក​នេះ អាជ្ញាធរ​កូរ៉េខាងត្បូង​បាន​បញ្ជូន​អ្នក​មុជទឹក​ចំនួន​១៨០ នាក់ អម​ជាមួយ​ឧទ្ធម្ភាគចក្រ ៣០​គ្រឿង និង​កប៉ាល់​ជួយសង្គ្រោះ​រហូតដល់​១៧០​គ្រឿង​៕

17-4-2014 17-4-2014 (1) 17-4-2014 (2) 910

 

 

Leave a Reply

(*) Required, Your email will not be published