នាំ​ស្រី​ស្នេហ៍ ទៅ​សាសង​ផ្តោះផ្តង វាចារ​ស្នេហ៍​នៅ​ទី​ស្ងាត់ ជា​ឱកាស​ឲ្យ​ក្រុមចោរ​ភ្ជង់​ប្លន់​

, , Leave a comment

​រាជធានី​ភ្នំពេញ ៖ ក្រុមចោរប្លន់​ប្រដាប់អាវុធ​បាន​ភ្ជង់​ប្លន់​បុរស​ម្នាក់ បានសម្រេច ហើយ​គេចខ្លួន​ដោយ​សុវត្ថិភាព ខណៈដែល​ជនរងគ្រោះ​កំពុង​អង្គុយ​ផ្តោះផ្តង​វាចារ​ស្នេហា ។ ករណី​ភ្ជង់​ប្លន់​នេះ​កើតឡើង​កាលពី​វេលា​ម៉ោង​២៣​និង​២០​នាទី​យប់​ថ្ងៃទី​៩ ខែមេសា ឆ្នាំ​២០១៤ ត្រង់ចំណុច​ទល់មុខ​អាគារ​G នៃ​មជ្ឈដ្ឋាន​កម្សាន្ត​កោះ​ពេជ្រ ស្ថិតក្នុង​សង្កាត់​ទន្លេបាសាក់ ខណ្ឌចំការមន រាជធានី​ភ្នំពេញ​។​

 

​តាម​របាយការណ៍​រប​ស់​សមត្ថកិច្ច​បាន​ឲ្យ​ដឹងថា ជនរងគ្រោះ​មានឈ្មោះ ដាំ សួគ៌ា អាយុ​២៨ ឆ្នាំ ជា​អាជីវករ មាន​ស្រុកកំណើត​នៅ​ភូមិ​គី​រី​ថ្មី ស្រុក​អង្គស្នួល ខេត្តកណ្តាល​។​

 

​ប្រភព​មាន​ពី​កន្លែងកើតហេតុ​ដែល​ជនរងគ្រោះ​បាន​រៀបរាប់​ឲ្យ​ដឹងថា មុនពេល​កើតហេតុ រូបគេបាន​ណាត់​មិត្តស្រី​មក​អង្គុយលេង​នៅក្នុង​កោះ​ពេ​ជ្រ ទល់មុខ​អាគារ​G ។ លុះដល់​វេលា​កើតហេតុ​ស្រាប់តែ​ជនសង្ស័យ​ពីរ​នាក់​ជិះ​ម៉ូតូ​មួយគ្រឿង ជិះ​ក្រឡឹង​ចុះឡើងៗ ហាក់ដូចជា​ចង់រក​អ្ន​ក​ណា​ម្នា​ក់ លុះដល់​វេលា​ខាងលើ​ជនសង្ស័យ​ទាំងពីរ​នាក់ បាន​ជិះ​ម៉ូតូ​ចូលមក​ធ្វើ​សកម្មភាព​ភ្ជង់​គំរាម​យក​ម៉ូតូ​ពីរ​ជនរងគ្រោះ​ម៉ាក​R-Six ពណ៌​ខ្មៅ ពាក់​ស្លាក​លេ​ខ​ភ្នំពេញ​1AH-5911 ព្រមទាំង ខ្សែ​.​ក ១​ខ្សែ ទូរស័ព្ទដៃ​ចំនួន​៣​គ្រឿង និង​លុយ​ក្នុង​កាបូប ប្រមាណ​ជា​២០០​ដុល្លារ ហើយ​ជិះ​ចេញទៅ​បាត់​ដោ​យ​​សុវត្ថិភាព​។​

 

​ក្រោយ​កើតហេតុ​ជនរងគ្រោះ​បាន​ទៅ​ដាក់​ពាក្យបណ្តឹង​នៅ​ប៉ុស្តិ៍​រដ្ឋបាល​ទន្លេបាសាក់ ដើម្បី​ឲ្យ​សមត្ថកិច្ច​ជួយ​អន្តរាគមន៍ និង​ស្រាវជ្រាវ​៕

12-4-2014

 

Leave a Reply

(*) Required, Your email will not be published