រថយន្ត​ដឹក​អ្នកដំណើរ​របស់​ក្រុមហ៊ុន​ឫទ្ធិ​មុន្នី បុក​សម្លាប់​២​នាក់​ប្តី​ប្រពន្ធ ហើយ​រត់​គេចខ្លួនបាត់​ស្រមោល ទុក​ភារៈ​ឲ្យ​ក្រុមហ៊ុន​ធានារ៉ាប់រង​ដោះស្រាយ​

, , Leave a comment

​ខេត្តបាត់ដំបង ៖ ជនរងគ្រោះ​២​នាក់​ប្តី​ប្រពន្ធ បានសម្លាប់​យ៉ាង​អាណោចអាធ័ម ក្នុងករណី​គ្រោះថ្នាក់​ចរាចរណ៍​មួយ​ដែល​បណ្តាលមកពី​រថយន្ត​ក្រុ​​ង​​ដឹក​អ្នកដំណើរ​របស់​ក្រុមហ៊ុន​ឫទ្ធិ​មុន្នីបុក​យ៉ាង​ពេញទំហឹង ហើយ​កិន ខណៈដែល​ជនរងគ្រោះ​កំពុងបើក​ម៉ូតូ​សណ្តោង​រទេះដឹក​ឥ​វ៉ាន​យ​ក​ទៅ​ល​ក់ ។ ករណី​គ្រោះថ្នាក់​ដ៏​រន្ធត់​មួយ​នេះ​បាន​កើតឡើង​កាលពី​វេលា​ម៉ោង​៤ និង​១០​នាទី​ល្ងាច​ថ្ងៃទី​៨ ខែមេសា ឆ្នាំ​២០១៤ ស្ថិត​លើ​កំណាត់​ផ្លូវជាតិ​លេ​ខ​​៥ ត្រង់ចំណុច​ផ្លូវ​កោង ក្នុងភូមិ​ព្រៃ​ចែក ឃុំ​កំពង់ព្រះ ស្រុក​សង្កែ ខេត្តបាត់ដំបង ។​

 

​ជនរងគ្រោះ​ជា​ប្តី​មានឈ្មោះ ផាវ សុផាត អាយុ​៣៥​ឆ្នាំ និង​ប្រពន្ធ​ឈ្មោះ ទាវ ចាន់​រី អាយុ​២៧​ឆ្នាំ ជាមាន​ទីលំនៅ​ភូមិ​ស្វាយ​ជាតិ ឃុំ​រាំង​កែ​សី ស្រុក​សង្កែ ខេត្តបាត់ដំបង ។​

 

​ប្រភពព័ត៌មាន​ពី​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ​ជនរងគ្រោះ​ទាំង​២​នាក់​ប្តី​ប្រពន្ធ​បាន​បើក​ម៉ូតូ​ម៉ាក​ហុងដា​ឌ្រី​ម សេ​១០០ ស៊េរី​ឆ្នាំ​២០០២ ពណ៌​ខ្មៅ ពាក់​ស្លាក​លេខ​បាត់ដំបង​1H-4789 អូស​រទេះដឹក​ឥ​វ៉ាន់​ចាប់​ហ៊ួ​យ យកទៅលក់​ក្នុងទិសដៅ​ពី​លេខ​ទៅ​កើត ។ លុះ​មកដល់​ក​ន្លែ​ង​កើ​តហេតុ​ដែលជា​ផ្លូវ​កោង​ត្រូវ​រថយន្ត​ដឹក​អ្នកដំណើរ​របស់​ក្រុមហ៊ុន​ឫទ្ធិ​មុន្នី ពាក់​ស្លាក​លេខ​ភ្នំពេញ 3B-4949 ដែល​បើកបរ​ក្នុងទិសដៅ​ច្រាស​គ្នា​បុក​យ៉ា​ង​ពេញទំហឹង​បណ្តាល​២​នាក់​ប្តី​ប្រពន្ធ ខ្ទាត​ទៅ​ក្រោម​កង់​ខាងឆ្វេង ហើយ​ត្រូវ​កិន​ធ្លាយ​ខួរ​ស្លាប់​ទាំង​២​នាក់​យ៉ាង​អាណោចអាធ័ម​នៅនឹងកន្លែង ។ ពេល​ឃើញ​ហេតុការណ៍​បែបនេះ​បើកបរ​រថយន្ត​បង្ក​បានគេច​ខ្លួន​បាត់ស្រមោល ដោយ​ទុក​តួនាទី​ឲ្យ​ក្រុមហ៊ុន​ធានារ៉ាប់រង​ជា​អ្នក​ចូលទៅ​ដោះ​ស្រា​យ ។ ទង្វើ​បែបនេះ​ជាហេតុ​ដែល​បណ្តាល​អ្នកបើក​បរ​ទាំងនោះ មា​នទី​អាង ហើយ​មិន​ព្រម​រាងចាល​ឡើយ​។​

 

​ក្រោយ​កើតហេតុ​សមត្ថកិច្ច​មូល​ដ្ឋា​ន​បាន​ចុះ​ធ្វើ​អន្តរាគមន៍ និង​យក​រថយន្ត​បង្ក​ទៅ​រក្សាទុក​នៅ​អធិការដ្ឋាន ។ ចំណែក​សព​ជនរងគ្រោះ​សមត្ថកិច្ច​បា​នធ្វើ​កំណត់ហេតុ និង​ប្រគល់​ឲ្យ​សាច់ញាតិ​យកទៅ​ធ្វើបុណ្យ​តាម​ប្រពៃណី​៕

 11-4-2014 (2)

11-4-2014 (1)

 

Leave a Reply

(*) Required, Your email will not be published