ជម្លោះ​កាប់​ចាក់​ក្នុង​ពិធី​ឡើងផ្ទះ បុរស​ម្នាក់​ស្លាប់​ក្នុង​ថ្លុកឈាម

, , Leave a comment

​ខេត្តកំពង់ឆ្នាំង ៖ បុរស​ម្នាក់​ត្រូវបាន​ជន​មិន​ស្គាល់មុខ​កាប់​មួយ​ពូថៅ​បណ្តាល​ឱ្យដាច់​បំពង់ក​ស្លាប់ យ៉ាង​អាណោចអាធ័ម ក្នុង​ថ្លុកឈាម នៅ​កន្លែងកើតហេតុ​ចម្ងាយ​ប្រមាណ៧០​ម៉ែត្រ ពី​ខាងមុខផ្ទះ​ដែល កំពុង​ប្រារព្ធ​ពិធី​ឡើងផ្ទះ​ថ្មី នៅ​ផ្លូវ​លាវ ស្ថិតក្នុង​ភូមិ​សិរី ឃុំ​ខុន​រ៉ង ស្រុក​បរិបូណ៌ ។ ហេតុការណ៍​នេះ​បានកើត​ឡើង កាលពី​វេលា​ម៉ោង​៩ និង​១០​នាទី​យប់​ថ្ងៃទី​៨ មេសា ទោះជា​យ៉ាងណា​ភ្លាមៗ នោះ​ប៉ូលិស​មិនទាន់​បានកំណត់ មុខសញ្ញា​ជនដៃដល់​នៅឡើយ​ទេ ព្រោះ​អំពើហិង្សា​នេះ​បង្កឡើង ដោយ​មនុស្ស​២​ក្រុម​វាយ ប្រយុទ្ធ​គ្នា​ដោយ​ដំបង កាំបិត ពូថៅ មិនដឹង​ខាង​ណា​ជា​ខាង​ណា ដែល​ពេលនេះ​ប៉ូលិស​កំពុង​ស៊ើប អង្កេត​យ៉ាង​ញាប់ដៃ​ញាប់ជើង ។​

 

​ប្រភពពី​សមត្ថកិច្ច​នគ​របាល​មូលដ្ឋាន​បាន​ឲ្យ​ដឹងថា ជម្លោះ​ដែល​ឈានដល់​អំពើហិង្សា​នោះ​ពុំទាន់​ដឹងថា បណ្តាលមកពី​អ្វី​នោះទេ គ្រាន់តែ​ដឹងថា អំពើហិង្សា​យ៉ាង​ព្រៃផ្សៃ​នេះ​កើត ឡើង​រវាង​មនុស្ស​២​ក្រុម​មាន ជម្លោះ​នឹង​គ្នា និង​ពុំ​ដឹងថា ខាង​ណា​ជា​ខាង​ណា​នោះទេ ។ មុនពេល​កើតហេតុ​នៅផ្ទះ​ឈ្មោះ ភួង ហ៊ិ​ន អាយុ​៣២​ឆ្នាំ រស់នៅ​ភូមិ​សិរី ឃុំ​ខុន​រ៉ង មាន​រៀបចំ​ពិធី​ឡើង​គេហដ្ឋាន​ថ្មី​ដោយមាន​ភ្ញៀវ​ប្រុស​ស្រី ចូលរួម​ជាច្រើន​នាក់ និង​បាន​រាំលេង​កម្សាន្ត​ទៀតផង ។ ចំណែក​នៅមុខ​ផ្ទះ​ដែល​កំពុង​រៀបចំ​ពិធី ក៏មាន​អ្នកលក់​នំចំណី​អាហារ និង​ស្រា​ផងដែរ ។​
​ប្រភពព័ត៌មាន​ដដែល​បាន​បន្តទៀតថា ស្រាប់តែ​ពេលនោះ​មាន​មនុស្ស​ផ្អើល​ឡើង​ដោយសារ​មាន​ជម្លោះ វាយតប់​គ្នា​រវាង​មនុស្ស​២​ក្រុម​នៅមុខ​ផ្ទះ​ដែល​កំពុងមាន​កម្មវិធី និង​ចាក់ធុងបាស់ ហើយ​បន្តិចក្រោយមក​ស្រាប់តែ គេ​ឃើញ​បុរស​ឈ្មោះ លន់ ឈួន ហៅ​ទ្រូ អាយុ​៣៦​ឆ្នាំ មាន​ទីលំនៅ​ភូមិ​ដើម​ជ្រែ ឃុំ​ខុន​រ៉ង ត្រូវ​ជន​ពុំ​ស្គាល់មុខ​កាប់​មួយ​ពូថៅ ស្លាប់​ក្នុង​ថ្លុកឈាម​តែម្តង ។ ជនរងគ្រោះ​ត្រូវ​ជន​ពុំ​ស្គាល់មុខ កាប់​មួយ​ពូថៅ​ចំ​បំពង់ក ។ ចំណែក​នៅ​ជិត​កន្លែង​ជនរងគ្រោះ ប៉ូលិស​បាន​រកឃើញ​ពូថៅ​កាប់​អុស​១ ស្បែកជើង​២​សម្រាប់ កង់​១ និង​ដំបង​ជាច្រើន​កំណាត់ ។​

 

​ឆ្លងតាម​ការស្រាវជ្រាវ​ប៉ូលិស​បានកំណត់​មុខ សញ្ញា​ជនសង្ស័យ​រួចហើយ តែ​ពេលនេះ​កំពុង​ស្រាវជ្រាវ​រក​វត្ថុតាង និង​សាក្សី​ដាក់បន្ទុក​ឱ្យបាន​ច្បាស់​សិន​ទើប​ឈាន ដល់​ការចាប់ខ្លួន​យកមក​ផ្ដន្ទាទោស​តាមច្បាប់ ៕

10-4-2014 10-4-2014 (1)

 

Leave a Reply

(*) Required, Your email will not be published