រពឹសដៃ​យក​កាំបិត​ចាក់​កង់​រថយន្ដ​ម្ចាស់​ប្ដឹង​ឱ្យ​នគរបាល​ចាប់ខ្លួន​

, , Leave a comment

​ខេត្ដ​បាត់ដំបង ៖ យុវជន​ញៀន​ថ្នាំ​ម្នាក់​ត្រូវបាន​សមត្ថកិច្ច​ធ្វើការ​ឃាត់ខ្លួន ក្រោយពី​ធ្វើ​សកម្មភាព​ដោយ​យក​កាំបិត​ទៅ​ចាក់​ឆ្កៀល​កង់​រថយន្ដ​របស់គេ ហើយ​ពេលដែល​ម្ចាស់​រថយន្ដ​ទៅប្រាប់​បាន​យក​កាំបិត ដេញ​ចាក់​ថែមទៀត ទើបត្រូវ​ម្ចាស់​រថ យន្ដ​ប្ដឹង​សមត្ថកិច្ច​ឱ្យ​ចាប់ខ្លួន ។ ករណី​ខាងលើនេះ​បានកើត​ឡើង​នៅ វេលា​ម៉ោង​៩​និង​៣០​នាទី​ព្រឹក​ថ្ងៃទី​៧ ខែ មេសា ឆ្នាំ​២០១៤ នៅក្នុង​ក្រុមទី​១៥ ភូមិ​អូរ​តា​គាំ សង្កាត់​ទួល​តា​ឯក ក្រុង​- ខេត្ដ​បាត់ដំបង ។​

 

​ជនសង្ស័យ​ដែល​ត្រូវបាន​ចាប់ខ្លួន​មានឈ្មោះ ម៉ៅ ប៊ុន​ហៀន អាយុ​២៦​ឆ្នាំ រស់នៅ​ភូមិ​-​សង្កាត់​កើត ហេតុ​ខាងលើ ។ ចំណែក​ម្ចាស់​រថយន្ដ ឈ្មោះ សែ​ប ពិ​ទូ ភេទ​ប្រុស អាយុ​២៦​ឆ្នាំ មាន​ទីលំនៅ​ក្នុងភូមិ​-​សង្កាត់​ជាមួយនឹង ជនសង្ស័យ ។​

 

​ប្រភពពី​សមត្ថកិច្ច​មូល​ដ្ឋា​ន​ថា នៅ​មុនពេល​កើតហេតុ​ម្ចាស់​រថយន្ដ​បាន​បើករថយន្ដ​មក​ឈប់​នៅមុខ​ផ្ទះ​ឈ្មោះ​វែង ហាក់ ជា​បងប្អូន​ដើម្បី​ចូល​សួរសុខទុក្ខ ។ នៅពេលដែល​ម្ចាស់​រថយន្ដ​ចូល​ទៅដល់​ក្នុងផ្ទះ​បងប្អូន​ឈ្មោះ វែង ហាក់ ស្រាប់តែ​ជនសង្ស័យ​បាន​យក​កាំបិត​មក​កាប់ និង​ចាក់​ឆ្កឹះ​កង់​រថយន្ដ ។ ឃើញ​ដូច្នេះ​ឈ្មោះ ហាក់ គិតថា ជនសង្ស័យ​មានបំណង​អ្វី​មិនល្អ​ក៏​ប្រាប់​ទៅ​ជនសង្ស័យ​កុំឱ្យ​ធ្វើ​ដូចនេះ ប៉ុន្ដែ​ត្រូវ​ជនសង្ស័យ​បាន​យក​កាំបិត​ដេញ​ចាក់ ធ្វើឱ្យ​ឈ្មោះ ហាក់ រត់​ចូលទៅ​ក្នុងផ្ទះ វិញ ។ បន្ទាប់មក​ជនសង្ស័យ​ក៏បាន​ទៅ​បាត់​មួយសន្ទុះ​ទំនងជា​ទៅផ្ទះ​ទើប​ក្រោយ​បន្ដិច​ក៏​ត្រឡប់មកវិញ​មាន​ទាំង​កាំបិតប៉័ងតោ​នៅក្នុង​ដៃ​ដេញ​កាប់​ទៅលើ​ឈ្មោះ ហាក់ ។​

 

​នៅមុខ​សមត្ថកិច្ច​ជនសង្ស័យ​បាន​ឆ្លើយថា រូបគេ​ពិតជា​បាន​យក​កាំបិត​ទៅ​កាប់​និង​ចាក់​ឆ្កៀល កង់​រថយន្ដ​របស់គេ​មែន តែ​ចម្លើយ​របស់​ជនសង្ស័យ​ហាក់ដូចជា​ពុំ​បញ្ជាក់ ពី​មូលហេតុ​ច្បាស់លាស់​ដែរ​។ តែ​យ៉ាងណា​សមត្ថកិច្ច​បាន​កសាង​សំណុំរឿង បញ្ជូនទៅ​ស្នងការ​ខេត្ដ ដើម្បី​ចាត់ការ​បន្ត​៕

08-4-2014

 

Leave a Reply

(*) Required, Your email will not be published